ഒമിക്രോൺ കൊറോണ വൈറസ് വേരിയന്റിന്റെ ദ്രുതഗതിയിലുള്ള വ്യാപനം കാരണം ഫ്രാൻസില്‍ പ്രതിദിനം 100,000 പുതിയ കോവിഡ്-19 കേസുകൾ ഉടൻ കാണാൻ കഴിയുമെന്നും, എന്നാൽ തൽക്കാലം പുതിയ നിയന്ത്രണങ്ങൾ ഏർപ്പെടുത്താൻ സർക്കാർ ഉദ്ദേശിക്കുന്നില്ലെന്നും ആരോഗ്യമന്ത്രി ഒലിവിയർ വെരാൻ ബുധനാഴ്ച പ്രസ്താവനയില്‍ പറഞ്ഞു.
റിപ്പോർട്ടുകൾ പ്രകാരം, ഫ്രഞ്ച് പ്രസിഡന്റ് ഇമ്മാനുവൽ മാക്രോൺ വൈറസിനെ നിയന്ത്രിക്കാൻ ത്വരിതപ്പെടുത്തിയ വാക്‌സിൻ ബൂസ്റ്റർ പ്രോഗ്രാമിൽ കൂടുതല്‍ പേരെ ഉള്‍പ്പെടുത്താന്‍ കഴിയുമെന്ന് പ്രതീക്ഷിക്കുന്നു.
ബുധനാഴ്ച വരെ 20 ദശലക്ഷത്തിൽ നിന്ന് 22 മുതൽ 23 ദശലക്ഷം വരെ ബൂസ്റ്റർ ഡോസുകൾ നൽകുമെന്ന് പ്രതീക്ഷിക്കുന്നതായി ഡോ. വെരൻ പറഞ്ഞു.
“വൈറസ് പടരുന്നതിന്റെ വേഗത കുറയ്ക്കുകയല്ല ലക്ഷ്യം, കാരണം, വേരിയന്റ് വളരെ അപകടകരമായ പകർച്ചവ്യാധിയാണ്. ആശുപത്രികളെ കീഴടക്കുന്ന ഗുരുതരമായ കേസുകളുടെ അപകടസാധ്യത പരിമിതപ്പെടുത്തുകയാണ് ലക്ഷ്യം,” ഡോ. വെരൻ
ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞു. അതുകൊണ്ടാണ് ഞങ്ങൾ ബൂസ്റ്റർ ഷോട്ടുകള്‍ ത്വരിതപ്പെടുത്തുന്നതെന്നും അദ്ദേഹം ചൂചിപ്പിച്ചു.
ജർമ്മനി, സ്കോട്ട്ലൻഡ്, അയർലൻഡ്, നെതർലാൻഡ്സ് എന്നിവ ഭാഗികമോ പൂർണ്ണമോ ആയ ലോക്ക്ഡൗണുകളോ മറ്റ് സാമൂഹിക അകലം പാലിക്കുന്ന നടപടികളോ വീണ്ടും ഏർപ്പെടുത്തിയ രാജ്യങ്ങളിൽ ഉൾപ്പെടുന്നു.
ക്രിസ്മസിന് മുമ്പ് ഇംഗ്ലണ്ടിൽ പുതിയ കോവിഡ്-19 നിയന്ത്രണങ്ങൾ ഏര്‍പ്പെടുത്തുകയില്ലെന്ന് ബ്രിട്ടീഷ് പ്രധാനമന്ത്രി ബോറിസ് ജോൺസൺ പറഞ്ഞു. എന്നാൽ, പിന്നീട് അത് വേണ്ടിവന്നേക്കുമെന്ന് മുന്നറിയിപ്പ് നൽകി.
പകർച്ചവ്യാധിയുടെ അഞ്ചാമത്തെ തരംഗവുമായി പോരാടുമ്പോൾ ഫ്രാൻസ് പ്രതിദിനം 70,000 കൊറോണ വൈറസ് അണുബാധകൾ റിപ്പോർട്ട് ചെയ്യുന്നു. ജനുവരി ആദ്യത്തോടെ ഫ്രാൻസിലെ വൈറസിന്റെ പ്രധാന സ്‌ട്രെയിൻ ഒമിക്‌റോൺ വേരിയന്റായിരിക്കുമെന്ന് ഡോ. വെരാൻ പറഞ്ഞു.
ബാറുകൾ, റെസ്റ്റോറന്റുകൾ, മ്യൂസിയങ്ങൾ, മറ്റ് വിനോദ കേന്ദ്രങ്ങൾ എന്നിവയിലേക്ക് ആളുകൾക്ക് പ്രവേശിക്കുന്നതിന് ഫ്രാൻസില്‍ മാസങ്ങളായി ആരോഗ്യ പാസ് ആവശ്യമാണ്. സമീപ ദിവസങ്ങളിൽ നൈറ്റ് ക്ലബ്ബുകൾ അടച്ചുപൂട്ടുകയും പുതുവത്സരാഘോഷത്തിലെ വെടിക്കെട്ട് പ്രകടനങ്ങൾ റദ്ദാക്കുകയും ചെയ്തു.
ഫ്രാൻസിൽ ചൊവ്വാഴ്ച 229 കോവിഡ്-19 മരണങ്ങൾ രേഖപ്പെടുത്തി. ഇതോടെ രാജ്യത്തെ മൊത്തം മരണസംഖ്യ 121,946 ആയി.
