രണ്ട് മുൻ മുഖ്യമന്ത്രിമാരായ പ്രകാശ് സിംഗ് ബാദൽ, ക്യാപ്റ്റൻ അമരീന്ദർ സിംഗ് എന്നിവരും നിലവിലെ മുഖ്യമന്ത്രി ചരൺജിത് സിംഗ് ചന്നിയും പഞ്ചാബ് രാഷ്ട്രീയത്തിലെ മറ്റ് നിരവധി പ്രമുഖരും പതിറ്റാണ്ടുകളായി കൈയ്യടക്കി വെച്ചിരുന്ന പഞ്ചാബ് ഭരണം, ആം ആദ്മി പാർട്ടിയുടെ രഥത്തിൻ കീഴിൽ ചവിട്ടിമെതിക്കപ്പെട്ടു.
അത് വെറുമൊരു വിജയമായിരുന്നില്ല. വാസ്തവത്തിൽ, 117 സീറ്റുകളുള്ള പഞ്ചാബ് അസംബ്ലിയിൽ 92-ലധികം സീറ്റുകൾ നേടിയാണ് എഎപി ഇത്തവണ 2022 ലെ നിയമസഭാ തിരഞ്ഞെടുപ്പില്‍ വിജയത്തിന്റെ വെന്നിക്കൊടി പാറിച്ചത്. അത്ഭുതമെന്നു പറയട്ടേ, ഇതാദ്യമായാണ് പാർട്ടി ഡൽഹിക്ക് പുറത്തേക്ക് തങ്ങളുടെ രാഷ്ട്രീയ കാൽപ്പാട് വികസിപ്പിക്കുന്നത്.
എന്നാൽ 9 വയസ്സുള്ള ഒരു പാർട്ടിക്ക് എങ്ങനെയാണ് ഈ സുപ്രധാന നേട്ടം കൈവരിക്കാൻ കഴിഞ്ഞത്?
2013 ഡിസംബറിൽ 49 ദിവസത്തേക്ക് ദേശീയ തലസ്ഥാനത്ത് എഎപി സർക്കാർ രൂപീകരിച്ചതിന് ശേഷം അത് ഉടൻ തന്നെ ദേശീയ ശ്രദ്ധ പിടിച്ചുപറ്റി. പാർട്ടിയുടെ ദേശീയ കൺവീനർ, അക്കാലത്തെ അഴിമതി വിരുദ്ധ സമരസേനാനി അരവിന്ദ് കെജ്‌രിവാളിന്റെ ചിത്രമാണ് പാർട്ടിയുടെ ചിത്രം വഹിച്ചിരുന്നത്. ഒരു മാസം പോലും പിന്നിടുന്നതിനു മുന്‍പേ, ഒരു ക്ലീൻ ഇമേജ് ചിത്രീകരിച്ച് എഎപി ഡൽഹിയിൽ നിന്ന് ജനങ്ങളിലേക്ക് എത്താൻ തുടങ്ങി.
2014 ജനുവരിയിലാണ് ഡൽഹി ഹൈക്കോടതിയിലെ മുതിർന്ന അഭിഭാഷകൻ, 1984-ലെ സിഖ് വിരുദ്ധ കലാപത്തിലെ ഇരകൾക്ക് നീതി ലഭിക്കാനുള്ള നിയമപോരാട്ടത്തിന് നേതൃത്വം നൽകിയ എച്ച്എസ് ഫൂൽക്ക ആം ആദ്മി പാർട്ടിയിൽ ചേർന്നത്. എന്നാൽ, 2019ൽ അദ്ദേഹം പാർട്ടി വിട്ടു.
രണ്ട് മാസത്തിന് ശേഷം, 2014 മാർച്ചിൽ, ഹാസ്യനടനും രാഷ്ട്രീയക്കാരനുമായ ഭഗവന്ത് മാനും പാർട്ടി വിഭാഗങ്ങളിൽ ചേർന്നു. അദ്ദേഹമാണ് പാർട്ടിയുടെ രൂപരേഖ പൂർണ്ണമായും മാറ്റിയത്.
പൊതുതിരഞ്ഞെടുപ്പിന് രണ്ട് മാസം മാത്രം ബാക്കി നിൽക്കെ, മാൻ നിരവധി ഗ്രാമങ്ങൾ സന്ദർശിച്ച് ജനങ്ങളുമായി സമ്പർക്കം പുലർത്താൻ തുടങ്ങി. ഒടുവിൽ ഒരു വർഷം മാത്രം പഴക്കമുള്ള പാർട്ടിക്ക് നരേന്ദ്ര മോദി ആധിപത്യം പുലർത്തിയ 2014 മെയ് പാർലമെന്റ് തെരഞ്ഞെടുപ്പിൽ 4 എംപി സീറ്റുകൾ നേടാൻ കഴിഞ്ഞു. നാല് സീറ്റുകളും പഞ്ചാബിൽ നിന്നായിരുന്നു.
അകാലിദളിന്റെ മുതിർന്ന നേതാവ് സുഖ്‌ദേവ് സിംഗ് ദിൻഡ്‌സയെ ഒരു ലക്ഷത്തിലധികം വോട്ടുകൾക്ക് പരാജയപ്പെടുത്തിയാണ് കറുത്ത കുതിര മാൻ തെരഞ്ഞെടുപ്പിനെ പരാജയപ്പെടുത്തിയത്.
ഒരു വർഷത്തിനുശേഷം 2015ൽ, 70 അംഗ അസംബ്ലിയിൽ 67 സീറ്റുകളുടെ ഭൂരിപക്ഷത്തോടെ ഡൽഹിയിൽ ആം ആദ്മി പാർട്ടിയും സർക്കാർ രൂപീകരിച്ചു. എതിരാളിയായ ബി.ജെ.പി കേവലം മൂന്ന് സീറ്റുകളായി ചുരുങ്ങി, കോൺഗ്രസ് ശൂന്യമായി.
48 കാരനായ മാൻ ദിനംപ്രതി ഉയരാൻ തുടങ്ങി, വിവിധ വിഷയങ്ങളിൽ പാർലമെന്റിൽ നടത്തിയ ശക്തമായ പ്രസംഗങ്ങളിലൂടെ ശ്രദ്ധേയനായി.
2019-ൽ, അദ്ദേഹം നഗരത്തിലെ സംസാരവിഷയവും മാധ്യമ ശ്രദ്ധയും നേടിയെങ്കിലും, പൊതുതെരഞ്ഞെടുപ്പിൽ ഒരു മണ്ഡലത്തിൽ മാത്രമാണ് പാർട്ടിക്ക് വിജയിക്കാനായത്. ആ ഒരു സീറ്റ് പഞ്ചാബിലെ സംഗ്രൂരിൽ നിന്നുള്ള ഭഗവന്ത്
മാനിന്റേതായിരുന്നു.
എഎപിയും അതിന്റെ നേതാക്കളും കർഷകർക്ക് വിപുലമായ പിന്തുണ നൽകിയ, ഒരു വര്‍ഷം നീണ്ടുനിന്ന വൻ കർഷക പ്രതിഷേധം പിന്നീട് വന്നു. തർക്കവിഷയമായ മൂന്ന് കാർഷിക നിയമങ്ങളിലൊന്ന് ആദ്യം വിജ്ഞാപനം ചെയ്തത് ഡൽഹി സർക്കാരാണെന്ന് പ്രത്യേകം പരാമർശിക്കേണ്ടതാണ്.
2021-ൽ പഞ്ചാബിലെ ഭരണകക്ഷിയായ കോൺഗ്രസ് പാർട്ടിക്കുള്ളിൽ ‘നേരിലോ പരോക്ഷമായോ’ വൻ ചേരിപ്പോരും ഉണ്ടായി, ഇത് പഞ്ചാബ് നിയമസഭാ തെരഞ്ഞെടുപ്പിൽ ആം ആദ്മി പാർട്ടിയുടെ വിജയപ്രതീക്ഷ വർദ്ധിപ്പിച്ചു.
ഒടുവിൽ വ്യാഴാഴ്ച പഞ്ചാബിൽ തകർപ്പൻ വിജയത്തോടെ 48 കാരനായ ഹാസ്യനടനും രാഷ്ട്രീയക്കാരനുമായ ഭഗവന്ത് മാന്‍ ചരിത്രം രചിച്ചു.
