പലപ്പോഴും നോൺ വെജ് കഴിക്കുന്നവർ ചിക്കൻ കഴിക്കാൻ ഇഷ്ടപ്പെടുന്നു. ചിക്കൻ ഉപയോഗിച്ച് നിങ്ങൾ പലതരം വിഭവങ്ങൾ ഉണ്ടാക്കി കഴിക്കുന്നത് ആസ്വദിക്കുന്നുണ്ടാകാം. എന്നാൽ, ചില വിഭവങ്ങള്‍ ചിക്കനോടൊപ്പം കഴിക്കുന്നത് ആരോഗ്യത്തിന് ഹാനികരമാണ്. മത്സ്യത്തിന്റെ കൂടെ പാലും മറ്റും കഴിക്കുന്നത് വിലക്കുന്നതുപോലെ, ചിക്കന്റെ കൂടെ പാല്-തൈര് മുതലായവ കഴിക്കുന്നത് ഒഴിവാക്കണം. ചിക്കനോടൊപ്പം കഴിക്കുന്നത് ഒഴിവാക്കേണ്ടവ: .
മത്സ്യം:
ചിക്കന്‍, മട്ടൺ, മുട്ട, മീൻ തുടങ്ങി ഏത് പാർട്ടി പരിപാടിയിലും ഒരേ സമയം പല നോൺ വെജ് ഐറ്റംസും ഉണ്ടാക്കാറുണ്ട്. എന്നാൽ, ചിക്കനോടൊപ്പം കഴിക്കാൻ പാടില്ലാത്ത ഒന്നുണ്ട്. അത് മത്സ്യമാണ്. ചിക്കൻ പ്രോട്ടീന്റെ ഉറവിടമാണ്. അതേസമയം, മത്സ്യത്തിലും പ്രോട്ടീൻ അടങ്ങിയിട്ടുണ്ട്. രണ്ടിനും വ്യത്യസ്ത തരത്തിലുള്ള പ്രോട്ടീനാണുള്ളത്. ഇക്കാരണത്താൽ, നിങ്ങൾ മത്സ്യവും ചിക്കനും ഒരുമിച്ച് കഴിക്കുമ്പോൾ, അവയിലടങ്ങിയിരിക്കുന്ന പ്രോട്ടീനുകൾ ശരീരത്തോട് വ്യത്യസ്തമായി പ്രതികരിക്കും. ഈ പ്രോട്ടീനുകൾ ശരീരത്തെ പ്രതികൂലമായി ബാധിക്കും.
തൈര്:
ചിക്കന്‍ കൊണ്ട് ധാരാളം വിഭവങ്ങൾ ഉണ്ടാക്കാം. അതിൽ തൈര് ചേർക്കുന്നത് സ്വാദിഷ്ടമാണെന്ന് തോന്നുമെങ്കിലും രണ്ടും ഒരുമിച്ച് കഴിക്കുന്നത് ആരോഗ്യത്തിന് നല്ലതല്ല. ചിക്കൻ കഴിക്കുന്നത് ശരീരത്തിൽ ചൂട് ഉണ്ടാക്കുന്നു. തൈരിന്റെ തസീർ തണുത്തതാണ്. ഇത് വയറിനകത്തേക്ക് തണുപ്പ് നൽകുന്നു. തണുപ്പും ചൂടും ഒരേ സമയം രണ്ട് വ്യത്യസ്ത വസ്തുക്കൾ ശരീരത്തിൽ പ്രവേശിക്കുമ്പോൾ, രണ്ട് ഘടകങ്ങൾ ഒരുമിച്ച് ദഹനവ്യവസ്ഥയെ ദോഷകരമായി ബാധിക്കുന്നു.
പാൽ:
തൈര് പോലെ പാലും ചിക്കന്റെ കൂടെ കഴിക്കാൻ പാടില്ല. പാലിൽ കാൽസ്യം ധാരാളം അടങ്ങിയിട്ടുണ്ട്. ഇത് എല്ലുകളുടെ ബലം നിലനിർത്താൻ വളരെ അത്യാവശ്യമാണ്. ആയുർവേദത്തിൽ പാൽ കുടിക്കാനുള്ള ചില നിയമങ്ങൾ പറഞ്ഞിട്ടുണ്ട്. എപ്പോൾ വേണമെങ്കിലും പാല് കുടിക്കുന്നത് ഒഴിവാക്കണം. ചിക്കന്‍ കഴിക്കുമ്പോൾ പാലും കുടിക്കുന്നത് നിങ്ങൾ വിഷം കഴിക്കുന്നതിന് തുല്യമാണ്. പാലിൽ അടങ്ങിയിരിക്കുന്ന പോഷകങ്ങളും ചിക്കനില്‍ അടങ്ങിയിരിക്കുന്ന പോഷകങ്ങളും ചേർന്ന് ശരീരത്തെ പ്രതികൂലമായി ബാധിക്കുന്നു.
സമ്പാദക: ശ്രീജ
