നവദമ്പതികളായ രണ്‍ബീര്‍ കപൂറിന്റേയും ആലിയ ഭട്ടിന്റേയും വിവാഹം ആഢംബരമായിത്തന്നെ നടന്നു. ദക്ഷിണാഫ്രിക്കയിൽ ഹണിമൂണിന് ഒരുങ്ങുകയാണെന്ന് പറയുമ്പോഴും ഇരുവരുടേയും വിവാഹത്തെക്കുറിച്ചുള്ള ആവേശം കെട്ടടങ്ങിയിട്ടില്ല.
ആലിയ തന്റെ ഇൻസ്റ്റാഗ്രാമിൽ പങ്കിട്ട ആദ്യ വിവാഹ ചിത്രങ്ങൾക്ക് ശേഷം , ഇപ്പോൾ അവരുടെ ‘ഗത്ബന്ധൻ’ ചടങ്ങിൽ നിന്നുള്ള പുതിയ ചിത്രങ്ങൾ ഇന്റർനെറ്റിൽ തരംഗമായി മാറിയിരിക്കുകയാണ്.
ഹിന്ദു വിവാഹങ്ങളിൽ വധുവിന്റെ ‘പല്ലു’ വരന്റെ സ്കാർഫിൽ കെട്ടുന്ന ഒരു ആചാരമാണ് ഗത്ബന്ധൻ. ആചാരം ദമ്പതികളുടെ നിത്യതയെ പ്രതീകപ്പെടുത്തുന്നു.
രൺബീറിന്റെ മറ്റൊരു കസിൻ കരീന കപൂർ ഖാൻ നവദമ്പതികൾക്കൊപ്പം നിന്നപ്പോൾ വരന്റെ ഭാഗത്ത് നിന്ന് അമ്മ നീതു കപൂർ, സഹോദരി റിദ്ധിമ കപൂർ സാഹ്നി, കസിൻ കരിഷ്മ കപൂർ എന്നിവർ ചടങ്ങുകൾ നടത്തി.
രൺബീറും ആലിയയും 2018 ൽ അയാൻ മുഖർജിയുടെ ‘ബ്രഹ്മാസ്ത്ര’യുടെ സെറ്റിൽ വെച്ചാണ് ഡേറ്റിംഗ് ആരംഭിച്ചത്. അതേ വർഷം സോനം കപൂറിന്റെ വിവാഹത്തിൽ ദമ്പതികളായി ആദ്യമായി പൊതുവേദിയില്‍ പ്രത്യക്ഷപ്പെട്ടു.
ഹണിമൂൺ ഡെസ്റ്റിനേഷനായി അവർ ദക്ഷിണാഫ്രിക്കയെയാണ് തിരഞ്ഞെടുത്തത്. പുതുവർഷത്തിൽ ഇരുവരും ആ രാജ്യത്ത് സന്ദർശനം നടത്തിയിരുന്നു. അപ്പോഴാണ് അവർ ആ രാജ്യവുമായി പ്രണയത്തിലായതും.
