ബംഗളൂരു: അക്ഷയതൃതീയ അടുത്തിരിക്കെ, മുസ്ലീങ്ങളുടെ ഉടമസ്ഥതയിലുള്ള ജ്വല്ലറികളിൽ നിന്ന് സ്വർണം വാങ്ങരുതെന്ന് കർണാടകയിലെ ഹിന്ദു സംഘടനകൾ ജനങ്ങളോട് അഭ്യർത്ഥിച്ചു.
അക്ഷയതൃതീയ ഒരു ഹിന്ദു ആഘോഷമാണ്, അത് ഭാഗ്യം കൊണ്ടുവരുമെന്ന് ഹിന്ദുക്കള്‍ വിശ്വസിക്കുന്നു, ഈ ദിവസം സ്വർണ്ണം വാങ്ങുന്നത് അവരുടെ ഭാഗ്യം മാറ്റുമെന്നും അവര്‍ വിശ്വസിക്കുന്നു. മെയ് മൂന്നിനാണ് ആഘോഷം.
എന്നാല്‍, മുസ്‌ലിംകളുടെ ഉടമസ്ഥതയിലുള്ള ജ്വല്ലറികളിൽ നിന്ന് ഒരു സാധനവും വാങ്ങരുതെന്ന് ഹിന്ദു സംഘടനകൾ ആഹ്വാനം ചെയ്തതോടെ ഈ അവസരത്തിന് വർഗീയ സ്വരമാണ് നൽകിയിരിക്കുന്നത്. ഇത് സംബന്ധിച്ച പോസ്റ്റുകളും സന്ദേശങ്ങളും സോഷ്യൽ മീഡിയയിൽ വൈറലായിരിക്കുകയാണ്.
അക്ഷയ തൃതീയ ദിനത്തിൽ ഹിന്ദുക്കളുടെ ഉടമസ്ഥതയിലുള്ള കടകളിൽ നിന്ന് മാത്രമേ ആളുകൾ സാധനങ്ങൾ വാങ്ങാവൂ എന്ന് ശ്രീരാം സേനയുടെ സ്ഥാപകൻ പ്രമോദ് മുത്തലിക് തിങ്കളാഴ്ച പറഞ്ഞു.
“മുസ്ലിം കടകളിൽ സ്വർണാഭരണങ്ങൾക്കായി നിങ്ങൾ നൽകുന്ന പണം ഹിന്ദുക്കൾക്കെതിരെ പ്രവർത്തിക്കുന്ന സംഘടനകളിൽ എത്തും. മതമൗലികവാദ ഗ്രൂപ്പുകളാൽ നിരവധി ഹിന്ദുക്കളെ കൊന്നൊടുക്കിയ കേരളത്തിന് പുറത്തുള്ള സംഘടനകളിലേക്ക് പണം എത്തും. കേരളത്തിലെ ഹിന്ദുക്കൾക്ക് നേരെ കൂടുതൽ അതിക്രമങ്ങൾ നടത്താൻ നിങ്ങളുടെ പണം അവരെ സഹായിക്കും,” അദ്ദേഹം പറഞ്ഞു.
സമൂഹത്തിൽ അശാന്തി ഉണ്ടാക്കാനാണ് ഇത്തരം പ്രസ്താവനകൾ നടത്തുന്നതെന്ന് കർണാടക ജ്വല്ലേഴ്‌സ് അസോസിയേഷൻ പ്രസിഡന്റ് ടി.എ.ശരവണ പറഞ്ഞു. ഉപഭോക്താവിന്റെ ഇഷ്ടാനുസരണം വാങ്ങുന്നത് അവരുടെ വിവേചനാധികാരത്തിന് വിടണമെന്നും അദ്ദേഹം പറഞ്ഞു.
വൃത്തങ്ങൾ പറയുന്നതനുസരിച്ച്, കർണാടകയിലെ സ്വർണ്ണ വ്യാപാരികളിൽ 30 ശതമാനവും മുസ്ലീങ്ങളാണ്. ബംഗളുരുവിലെ പ്രശസ്തമായ സ്വർണ്ണാഭരണ കടകളിൽ 50 ശതമാനവും മുസ്ലീങ്ങളുടെ ഉടമസ്ഥതയിലുള്ളതാണ്. വരാനിരിക്കുന്ന ഉത്സവത്തോടനുബന്ധിച്ച് ഷോപ്പുകൾ ആകർഷകമായ ഓഫറുകൾ നൽകിത്തുടങ്ങിയിട്ടുണ്ട്.
ശ്രീരാം സേനയുടെ പ്രസ്താവനയോട് സംസ്ഥാന സർക്കാർ ഇതുവരെ പ്രതികരിച്ചിട്ടില്ല.
