തഞ്ചാവൂർ: തഞ്ചാവൂരിനടുത്ത് കാളിമേട് ഗ്രാമത്തിൽ ബുധനാഴ്ച പുലർച്ചെ ഘോഷയാത്രയില്‍ ഉപയോഗിച്ചിരുന്ന മരവണ്ടി ഹൈ വോള്‍ട്ടേജ് വൈദ്യുതി ലൈനിൽ തട്ടി മൂന്ന് കുട്ടികളടക്കം 11 പേർക്ക് വൈദ്യുതാഘാതമേറ്റ് 13 പേർക്ക് പരിക്കേറ്റു.
ഒമ്പത് പതിറ്റാണ്ടിലേറെയായി ഗ്രാമവാസികൾ നടത്തിവന്നിരുന്ന ഒരു പ്രാദേശിക പ്രാർത്ഥനാ ക്ലബ്ബ് നാല് ശൈവ സന്യാസിമാരിൽ ഒരാളായ തിരുനാവുക്കരസാറിന്റെ സ്മരണയ്ക്കായി സംഘടിപ്പിച്ച ഘോഷയാത്രയിലാണ് അപകടം നടന്നത്.
ഇന്ന് (ബുധനാഴ്ച) പുലർച്ചെ 2-45 ഓടെ മരത്തില്‍ തീര്‍ത്ത വണ്ടിയില്‍ ഘടിപ്പിച്ചിരുന്ന 25 മുതൽ 30 അടി വരെ നീളമുള്ള ഇലക്ട്രിക്കൽ സീരിയൽ ബൾബ് അലങ്കാര ഗ്രാമത്തിലൂടെ കടന്നുപോകുന്ന ഹൈ വോൾട്ടേജ് ലൈനിൽ അപ്രതീക്ഷിതമായി തട്ടുകയായിരുന്നു. അതോടെ വണ്ടിക്ക് തീപിടിച്ച് അതിൽ സ്ഥാപിച്ചിരുന്ന ശ്രീ അപ്പർപെരുമാന്റെ (വിശുദ്ധ തിരുനാവുക്കരസർ) രൂപം നശിച്ചു.
ചൊവ്വാഴ്ച രാത്രി ആരംഭിച്ച ഘോഷയാത്രയുടെ സമാപനത്തിന് ശേഷം അലങ്കരിച്ച വണ്ടി ഹാളിലേക്ക് മടങ്ങുകയായിരുന്നു. പത്ത് പേർ സംഭവസ്ഥലത്ത് വെച്ച് തന്നെ മരിച്ചപ്പോൾ 13 പേരെ തഞ്ചാവൂർ മെഡിക്കൽ കോളേജ് ആശുപത്രിയിലേക്ക് മാറ്റി. പിന്നീട് രാവിലെ 7 മണിയോടെ പരിക്കേറ്റവരിൽ ഒരാളായ ഭരണിധരൻ (13) ആശുപത്രിയിൽ മരിച്ചതായി റിപ്പോർട്ടുകൾ പറയുന്നു.
