സത്‌ന: മധ്യപ്രദേശിലെ സത്‌നയിലെ മലിനീകരണ ബോർഡിലെ ജൂനിയർ സയന്റിസ്റ്റ് സുശീൽ കുമാർ മിശ്രയുടെ ബാങ്ക് ലോക്കറില്‍ നോട്ടുകെട്ടുകളും സ്വര്‍ണ്ണാഭരണങ്ങളും കണ്ട് ഉദ്യോഗസ്ഥര്‍ ഞെട്ടി! വെള്ളിയാഴ്ചയാണ് പഞ്ചാബ് നാഷണൽ ബാങ്കിന്റെ ലോക്കറിൽ സാമ്പത്തിക കുറ്റകൃത്യ വിഭാഗം (EOW) റെയ്ഡ് നടത്തി ലക്ഷങ്ങളുടെ ആഭരണങ്ങളും നോട്ടുകെട്ടുകളും പിടിച്ചെടുത്തത്.
ആനുപാതികമല്ലാത്ത സ്വത്തുക്കളുടെ കാര്യത്തിൽ സാമ്പത്തിക കുറ്റകൃത്യ വിഭാഗം ജൂനിയർ സയന്റിസ്റ്റിനെക്കുറിച്ച് അന്വേഷണം നടത്തുന്നുണ്ടായിരുന്നു. മെയ് ഒന്നിന് മാരുതി നഗറിലെ സുശീല്‍ കുമാര്‍ മിശ്രയുടെ വീട്ടിൽ നടത്തിയ റെയ്ഡിന് ശേഷം, ഏഴ് കോടിയിലധികം മൂല്യമുള്ള സ്വത്തുക്കളും ബാങ്ക് അക്കൗണ്ടുകളും ലോക്കറുകളും കണ്ടെത്തിയിരുന്നു. അതിനുശേഷം, വെള്ളിയാഴ്ച, ഇൻസ്‌പെക്ടർ മോഹിത് സക്‌സേനയുടെയും പ്രവീൺ ചതുർവേദിയുടെയും നേതൃത്വത്തിലുള്ള 14 അംഗ ഇഒഡബ്ല്യു സംഘം സത്‌നയിലെ റെയിൽവേ സ്റ്റേഷൻ റോഡിലുള്ള പഞ്ചാബ് നാഷണൽ ബാങ്കിലെത്തി ലോക്കര്‍ പരിശോധിക്കുകയായിരുന്നു. അവിടെ നിന്ന് സ്വർണ്ണം/വെള്ളി ആഭരണങ്ങൾ പിടിച്ചെടുത്തു. ഏകദേശം പതിനേഴ് ലക്ഷം രൂപ ഇതിന് വിലമതിക്കും എന്നാണ് ഉദ്യോഗസ്ഥര്‍ പറയുന്നത്.
ക്രിമിനൽ പൊല്യൂഷൻ കൺട്രോൾ ബോർഡിലെ ജൂനിയർ സയന്റിസ്റ്റ് സുശീൽ കുമാർ മിശ്രയുടെ സത്‌ന വസതിയിലാണ് സംഘം റെയ്ഡ് നടത്തിയതെന്ന് ഇഒഡബ്ല്യു റേവ പോലീസ് സൂപ്രണ്ട് വീരേന്ദ്ര ജെയിൻ പറഞ്ഞു. വെള്ളിയാഴ്ചയാണ് പഞ്ചാബ് നാഷണൽ ബാങ്ക് സത്‌നയുടെ ലോക്കർ തുറന്നത്. അതിൽ നിന്ന് 29 പവനോളം സ്വർണാഭരണങ്ങളും അഞ്ചര കിലോ വെള്ളി ആഭരണങ്ങളും പിടിച്ചെടുത്തിട്ടുണ്ട്. അന്വേഷണം പുരോഗമിക്കുകയാണ്.
“കുറ്റവാളി സമ്പാദിച്ച അനധികൃത സ്വത്തുക്കളെക്കുറിച്ചുള്ള വിവരങ്ങൾ ശേഖരിച്ചുവരികയാണ്. വീട്ടിലുണ്ടായിരുന്ന 30 ലക്ഷം രൂപയ്ക്കു പുറമെ 17 ലക്ഷത്തിലധികം വിലമതിക്കുന്ന സ്വർണം, വെള്ളി ആഭരണങ്ങളും ലഭിച്ചു,” ഉദ്യോഗസ്ഥര്‍ പറഞ്ഞു.
