വാഷിംഗ്ടണ്‍: എണ്ണ ഉപരോധം കുറയ്ക്കാനുള്ള അമേരിക്കയുടെ തീരുമാനം വെനസ്വേല സ്ഥിരീകരിച്ചു, തെക്കേ അമേരിക്കൻ രാജ്യത്തിനെതിരായ എല്ലാ ഉപരോധങ്ങളും പിൻവലിക്കണമെന്ന് യുഎസിനോട് ആവശ്യപ്പെട്ടു.
“വെനസ്വേലയിലെ ബൊളിവേറിയൻ സർക്കാർ വാർത്ത പരിശോധിച്ച് സ്ഥിരീകരിച്ചു… വെനസ്വേലയിൽ ചർച്ചകൾ നടത്താനും പ്രവർത്തനങ്ങൾ പുനരാരംഭിക്കാനും യു.എസ്, യൂറോപ്യൻ എണ്ണ കോർപ്പറേഷനുകൾക്ക് അമേരിക്ക അധികാരം നൽകിയിട്ടുണ്ട്,” ഒരു ട്വീറ്റിൽ, വൈസ് പ്രസിഡന്റ് ഡെൽസി റോഡ്രിഗസ് പറഞ്ഞു.
“നമ്മുടെ മുഴുവൻ ജനങ്ങളെയും ദോഷകരമായി ബാധിക്കുന്ന നിയമവിരുദ്ധമായ ഉപരോധങ്ങൾ പൂർണ്ണമായി നീക്കം ചെയ്യുന്നതിന് ഈ യുഎസ് നടപടികൾ വഴിയൊരുക്കുമെന്ന് വെനസ്വേല പ്രതീക്ഷിക്കുന്നു,” അവർ പറഞ്ഞു.
ദേശീയ അന്തർദേശീയ തലത്തിൽ അർത്ഥവത്തായ ഒരു ചര്‍ച്ച നടത്താന്‍ വെനസ്വേലൻ സർക്കാർ അശ്രാന്ത പരിശ്രമം തുടരും, റോഡ്രിഗസ് പറഞ്ഞു.
മുൻ യുഎസ് പ്രസിഡന്റ് ഡൊണാൾഡ് ട്രംപാണ് 2019 ൽ വെനസ്വേലയുമായുള്ള ബന്ധം വിച്ഛേദിച്ചത്. നിക്കോളാസ് മഡുറോയെ രാജ്യത്തിന്റെ പ്രസിഡന്റായി അംഗീകരിക്കാൻ വിസമ്മതിക്കുകയും വെനസ്വേലയുടെ എണ്ണ, ധനകാര്യ, വാണിജ്യ മേഖലകളിൽ ഉപരോധം ഏർപ്പെടുത്തുകയും ചെയ്തു.
