ന്യൂഡൽഹി: 19 കിലോഗ്രാം ഭാരമുള്ള വാണിജ്യ ലിക്വിഡ് പെട്രോളിയം ഗ്യാസ് സിലിണ്ടറുകളുടെ വില യൂണിറ്റിന് 36 രൂപ കുറച്ചതിനാൽ തിങ്കളാഴ്ച മുതൽ വില കുറയും. രാജ്യതലസ്ഥാനമായ ഡൽഹിയിൽ വാണിജ്യ സിലിണ്ടറിന്റെ യൂണിറ്റിന് 1,976.5 രൂപയാണ് വില.
ജൂലൈ ആറിനും 19 കിലോഗ്രാം വാണിജ്യ സിലിണ്ടറിന് യൂണിറ്റിന് 8.5 രൂപ കുറച്ചിരുന്നു. ഡൽഹി, കൊൽക്കത്ത, മുംബൈ, ചെന്നൈ തുടങ്ങിയ മെട്രോകളിൽ സിലിണ്ടറിന് യഥാക്രമം 2,012.50 രൂപ, 2,132.00 രൂപ 1,972.50, 2,177.50 രൂപ എന്നിങ്ങനെയാണ് വില. ഗാർഹിക സിലിണ്ടറുകളുടെ വില സ്ഥിരമായി തുടരും.
ജൂലൈ ആറിന് 14.2 കിലോഗ്രാം ഭാരമുള്ള ഗാർഹിക ലിക്വിഡ് പെട്രോളിയം ഗ്യാസ് സിലിണ്ടറുകളുടെ വില യൂണിറ്റിന് 50 രൂപ കൂട്ടി. മുമ്പ്, ഗാർഹിക സിലിണ്ടറുകളുടെ വില 2022 മെയ് 19 ന് പുതുക്കി നിശ്ചയിച്ചിരുന്നു. ദേശീയ തലസ്ഥാനമായ ഡൽഹിയിൽ നിലവിൽ യൂണിറ്റിന് 1,053 രൂപയ്ക്കാണ് വിൽക്കുന്നത്. കൂടാതെ, കൊൽക്കത്ത, മുംബൈ, ചെന്നൈ എന്നിവിടങ്ങളിൽ ഇത് യഥാക്രമം 1,079 രൂപ, 1,052.5 രൂപ, 1,068.5 രൂപ എന്നിങ്ങനെയാണ് വിൽക്കുന്നത്. പ്രാദേശിക വാറ്റ് അനുസരിച്ച് നിരക്കുകൾ ഓരോ സംസ്ഥാനത്തിനും വ്യത്യാസപ്പെട്ടിരിക്കുന്നു.
