വാഷിംഗ്ടൺ: ചൈനയും അമേരിക്കയും തമ്മിലുള്ള വ്യാപാര തർക്കം രൂക്ഷമാകുന്നു. യുഎസ് നിരീക്ഷണത്തിലുള്ള അഞ്ച് ചൈനീസ് കമ്പനികൾ ന്യൂയോർക്ക് സ്റ്റോക്ക് എക്‌സ്‌ചേഞ്ചിൽ നിന്ന് ഒഴിവാക്കിയേക്കും. ഈ ചൈനീസ് സർക്കാർ ഉടമസ്ഥതയിലുള്ള കമ്പനികളുടെ ഓഡിറ്റുകൾ യുഎസ് സെക്യൂരിറ്റീസ് റെഗുലേറ്ററിന്റെ സൂക്ഷ്മപരിശോധനയ്ക്ക് വിധേയമായതിന് ശേഷമാണ് പുതിയ റിപ്പോർട്ടുകൾ. ചൈന ലൈഫ് ഇൻഷുറൻസ്, അലൂമിനിയം കോർപ്പറേഷൻ ഓഫ് ചൈന, പെട്രോ ചൈന, സിനോപെക്, സിനോപെക് ഷാങ്ഹായ് പെട്രോകെമിക്കൽ കമ്പനി എന്നിവയാണ് ഈ അഞ്ച് സ്ഥാപനങ്ങൾ.
ഇവയുടെ ഷെയറുകള്‍ അമേരിക്കന്‍ സ്റ്റോക്ക് എക്സ്ചേഞ്ചില്‍ നിന്നും പിന്‍മാറാനുള്ള തങ്ങളുടെ അപേക്ഷ ഈ മാസം തന്നെ നല്‍കുമെന്ന് അധികൃതര്‍ വ്യക്തമാക്കി. അതേസമയം ദേശീയ സുരക്ഷാ പ്രശ്‌നങ്ങള്‍ ചൂണ്ടിക്കാട്ടി ഇത്തരം സ്ഥാപനങ്ങളില്‍ നിന്ന് ഓഡിറ്റ് രേഖകളുടെ പരിശോധന നടത്തുന്നത് ബീജിംഗ് വിലക്കുന്നുണ്ട്. ‘ഈ സ്ഥാപനങ്ങള്‍ യുഎസില്‍ ലിസ്റ്റ് ചെയ്തത് മുതല്‍ യുഎസ് മൂലധന വിപണിയുടെ നിയമങ്ങളും നിയന്ത്രണ ആവശ്യകതകളും പാലിക്കുന്നുണ്ട്.
“നിലവിൽ, സ്ഥാപനങ്ങളുടെ സ്വന്തം ആവശ്യങ്ങൾക്ക് വേണ്ടിയാണ് അമേരിക്കൻ ഓഹരികളിൽ നിന്ന് പുറത്താക്കാൻ അവർ ആവശ്യപ്പെടുന്നത്,” ചൈന സെക്യൂരിറ്റീസ് റെഗുലേറ്ററി കമ്മീഷൻ പ്രസ്താവനയിൽ പറഞ്ഞു. അതേസമയം, വിദേശ ഏജൻസികളുമായുള്ള ആശയവിനിമയം തുടരുമെന്നും കമ്മീഷൻ കൂട്ടിച്ചേർത്തു. കൂടാതെ, യുഎസ് എക്സ്ചേഞ്ചുകളിൽ നിന്ന് ചൈനീസ് കമ്പനികളെ നിരോധിക്കാൻ കഴിയുന്ന ഒരു ഓഡിറ്റ് തർക്കം പരിഹരിക്കാൻ ബെയ്ജിംഗും വാഷിംഗ്ടണും ചർച്ചയിലാണ്.
