അമേരിക്കൻ പത്രപ്രവർത്തകൻ അംഗദ് സിംഗിനെ ബുധനാഴ്ച രാത്രി ഡല്‍ഹിയിലെത്തിയ ഉടന്‍ തന്നെ ന്യൂയോർക്കിലേക്ക് നാടുകടത്തിയതായി അമ്മ ഫെയ്‌സ്ബുക്ക് പോസ്റ്റിൽ അവകാശപ്പെട്ടു. ഏഷ്യയെ കേന്ദ്രീകരിച്ച് വൈസ് ന്യൂസിനായി ഡോക്യുമെന്ററികൾ നിർമ്മിക്കുന്ന സിംഗ് വ്യക്തിപരമായി ഇന്ത്യയിൽ സന്ദർശനം നടത്തുകയായിരുന്നുവെന്ന് അമ്മ ഗുർമീത് കൗർ പറഞ്ഞു. പഞ്ചാബിൽ ഞങ്ങളെ കാണാൻ ഡൽഹിയിൽ 18 മണിക്കൂർ യാത്ര ചെയ്ത് ഡല്‍ഹിയിലെത്തിയ അമേരിക്കൻ പൗരനായ എന്റെ മകനെ അടുത്ത വിമാനത്തിൽ ന്യൂയോർക്കിലേക്ക് തന്നെ തിരിച്ചയച്ചറ്ഋആയി കൗര്‍ പറഞ്ഞു.
അവർ കാരണം പറഞ്ഞില്ല. പക്ഷേ, അവാർഡ് നേടിയ അവന്റെ പത്രപ്രവർത്തനമാണ് അവരെ ഭയപ്പെടുത്തുന്നതെന്ന് നമുക്കറിയാം. മാതൃരാജ്യത്തോടുള്ള സ്നേഹമാണ് അവർക്ക് സഹിക്കാൻ കഴിയാത്തത്. വൈസ് ന്യൂസിന്റെ അത്യാധുനിക റിപ്പോർട്ടിംഗാണ് അവരെ ചൊടിപ്പിക്കുന്നത്, കൗർ അവകാശപ്പെട്ടു. ഇന്ത്യയിൽ കൊവിഡ്-19 പാൻഡെമിക്കിനെക്കുറിച്ചും ഇപ്പോൾ റദ്ദാക്കിയ മൂന്ന് കാർഷിക നിയമങ്ങൾക്കെതിരെ ദേശീയ തലസ്ഥാനത്തിന്റെ അതിർത്തിയിലെ കർഷകരുടെ പ്രതിഷേധത്തെക്കുറിച്ചും സിംഗ് ഡോക്യുമെന്ററികളുടെ ഒരു പരമ്പര നിർമ്മിച്ചിട്ടുണ്ട്.
കഴിഞ്ഞ വർഷം പാൻഡെമിക്കിന്റെ മാരകമായ ഡെൽറ്റ തരംഗത്തെക്കുറിച്ചുള്ള സിംഗിന്റെ കവറേജ് അദ്ദേഹത്തിന് എമ്മി നോമിനേഷൻ നേടിക്കൊടുത്തു. സിംഗിനെ നാടുകടത്തുന്നത് സംബന്ധിച്ച് ഔദ്യോഗിക പ്രതികരണമൊന്നും ഉണ്ടായിട്ടില്ല.
