ശ്രീനഗർ: സോപാറിൽ നിന്ന് ഭീകര സംഘടനയായ ലഷ്‌കർ-ഇ-തൊയ്ബയുടെ മൂന്ന് ഭീകരരെ ജമ്മു കശ്മീർ പോലീസ് അറസ്റ്റ് ചെയ്തു. 22 രാഷ്ട്രീയ റൈഫിൾസ് (ആർആർ), 179 ബിഎൻ സെൻട്രൽ റിസർവ് പോലീസ് ഫോഴ്സ് (സിആർപിഎഫ്) ഉദ്യോഗസ്ഥരും സോപോർ പോലീസും ഉൾപ്പെടുന്ന സംയുക്ത ഓപ്പറേഷനിലാണ് വെള്ളിയാഴ്ച വൈകുന്നേരം ബൊമൈ പോലീസ് സ്റ്റേഷന്റെ കീഴിലുള്ള ബോമൈ ചൗക്കിൽ ഈ അറസ്റ്റുകൾ നടന്നത്.
ഷാരിഖ് അഷ്‌റഫ്, സഖ്‌ലൈൻ മുഷ്താഖ്, തൗഫീഖ് ഹസൻ ഷെയ്ഖ് എന്നിവരെയാണ് അറസ്റ്റ് ചെയ്തതെന്ന് പോലീസ് ഉദ്യോഗസ്ഥർ പറഞ്ഞു. ഗോരിപുരയിൽ നിന്ന് ബൊമൈയിലേക്ക് വരികയായിരുന്ന മൂന്ന് പേരുടെ നീക്കം സംശയാസ്പദമായിരുന്നു എന്ന് ഉദ്യോഗസ്ഥർ പറഞ്ഞു. നില്‍ക്കാന്‍ ആവശ്യപ്പെട്ടെങ്കിലും ഇവർ ഓടി രക്ഷപ്പെടാൻ ശ്രമിച്ചു. എന്നാൽ, ശ്രമം പരാജയപ്പെട്ടതോടെ സുരക്ഷാസേനയുടെ പിടിയിലാകുകയായിരുന്നു.
സൈന്യം ഉൾപ്പെടെ പുറത്തുനിന്നുള്ള തൊഴിലാളികളെ ആക്രമിക്കാൻ പദ്ധതിയിട്ടിരുന്നു
മൂന്ന് ഹാൻഡ് ഗ്രനേഡുകളും 9 പോസ്റ്ററുകളും 12 പാക്കിസ്താന്‍ പതാകകളും ഭീകരരിൽ നിന്ന് കണ്ടെടുത്തിട്ടുണ്ട്. നിരോധിത ഭീകര സംഘടനയായ ലഷ്‌കറെ തൊയ്ബയുടെ ഒജിഡബ്ല്യുമാരാണ് പിടിയിലായതെന്ന് പ്രാഥമിക അന്വേഷണത്തിന്റെ അടിസ്ഥാനത്തിൽ പോലീസ് പറഞ്ഞു. ഈ ഭീകരർ സുരക്ഷാ സേനയെയും പുറത്തുനിന്നുള്ള തൊഴിലാളികൾ ഉൾപ്പെടെയുള്ള പ്രദേശവാസികളെയും ആക്രമിക്കാനുള്ള അവസരങ്ങൾ തേടുകയായിരുന്നു.
ഭീകരരിൽ നിന്ന് ചൈനയിൽ നിർമിച്ച റൈഫിൾ കണ്ടെടുത്തു
ബൊമൈ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. വിഷയത്തിൽ കൂടുതൽ അന്വേഷണം നടന്നുവരികയാണ്. അതേ സമയം, ജമ്മു കശ്മീരിലെ ഉറിയിൽ നിയന്ത്രണ രേഖയിൽ വ്യാഴാഴ്ച മൂന്ന് ഭീകരരെ സുരക്ഷാ സേന വധിക്കുകയും അവരിൽ നിന്ന് ചൈനയിൽ നിർമ്മിച്ച എം -16 റൈഫിളുകൾ കണ്ടെടുക്കുകയും ചെയ്തിട്ടുണ്ട്. ഈ റൈഫിൾ കണ്ടെടുത്തതിനെ അസാധാരണ സംഭവമെന്നാണ് സൈന്യം വിശേഷിപ്പിച്ചത്. രണ്ട് എ ക്ലാസ് ആയുധങ്ങളും ഒരു ചൈനീസ് എം-16 റൈഫിളും വെടിക്കോപ്പുകളും പാക് ഭീകരരിൽ നിന്ന് കണ്ടെടുത്തു.
