ലണ്ടന്‍: സൗദി കിരീടാവകാശി മുഹമ്മദ് ബിൻ സൽമാൻ രാജകുമാരൻ എലിസബത്ത് രാജ്ഞിയുടെ ശവസംസ്കാര ചടങ്ങുകൾക്കായി ലണ്ടനിലെത്തുന്നതിനെ അപലപിച്ച് ഡസൻ കണക്കിന് മനുഷ്യാവകാശ പ്രചാരകർ ലണ്ടനിലെ സൗദി എംബസിക്ക് മുന്നിൽ റാലി നടത്തി.
ശനിയാഴ്ച നടന്ന പ്രകടനത്തിൽ ഭരണകക്ഷിയായ അൽ സൗദ് കുടുംബത്തിന്റെ എതിരാളികളെയും വിവിധ സാമൂഹിക തലങ്ങളിൽ നിന്നുള്ള ബ്രിട്ടീഷ് ജനതയെയും ആകർഷിച്ചു.
“ജമാൽ ഖഷോഗിക്ക് നീതി” എന്നെഴുതിയ പ്ലക്കാർഡുകൾ കൂടാതെ രാജ്യത്തിന്റെ അതിക്രമങ്ങളുടെ ഫലങ്ങൾ ചിത്രീകരിക്കുന്ന പോസ്റ്ററുകളും പങ്കെടുത്തവർ ഉയർത്തി.
രാജ്യത്തിന്റെ യഥാർത്ഥ ഭരണാധികാരിയായ ബിൻ സൽമാനെതിരെയും രാജകുടുംബത്തിന്റെ നേരിട്ടുള്ള മനുഷ്യാവകാശ ലംഘനങ്ങളോടും എതിർപ്പും ആക്ടിവിസവും കാരണം 2020-ൽ സൗദിയിലെ മുതിർന്ന മാധ്യമ പ്രവർത്തകനെ ഇസ്താംബൂളിലെ സൗദി കോൺസുലേറ്റിൽ വച്ച് കൊലപ്പെടുത്തിയിരുന്നു.
“കൊലയാളികളെ ബഹിഷ്‌കരിക്കുക”, “യെമനെ മോചിപ്പിക്കുക” എന്നിങ്ങനെയുള്ള മറ്റു ചില പ്ലക്കാർഡുകളും പ്രതിഷേധക്കാർ വഹിച്ചിരുന്നു.
സൗദിയുടെ നേതൃത്വത്തിലുള്ള ഒരു സഖ്യം 2015 ൽ അറബ് ലോകത്തെ ഏറ്റവും ദരിദ്ര രാഷ്ട്രത്തെ ആക്രമിച്ച് റിയാദില്‍ സർക്കാർ പുനഃസ്ഥാപിച്ചു. പതിനായിരക്കണക്കിന് യെമൻ ജനതയെ കൊന്നൊടുക്കുകയും ദരിദ്ര രാജ്യത്തിന്മേൽ സമ്പൂർണ ഉപരോധം ഏർപ്പെടുത്തുകയും ചെയ്തു. ലോകത്തെ ഏറ്റവും മോശം മാനുഷിക പ്രതിസന്ധിയെന്ന് യുഎൻ വിശേഷിപ്പിച്ച യെമനിൽ സൗദി യുദ്ധവും ഉപരോധവും ചേർന്ന് ഭയാനകമായ സാഹചര്യം സൃഷ്ടിച്ചു. യെമൻ സൈന്യവുമായുള്ള ഏപ്രിലിലെ വെടിനിർത്തൽ സൗദി ഭരണകൂടം നിരവധി തവണ ലംഘിച്ചിട്ടുണ്ട്.
അൽ സൗദിന്റെയും ബിൻ സൽമാന്റെയും ഭരണം അവസാനിപ്പിക്കണമെന്ന് ആവശ്യപ്പെട്ട പ്രകടനക്കാർ, സൗദി മനുഷ്യാവകാശ പ്രവർത്തകർക്കെതിരെ റിയാദിന്റെ തുടർച്ചയായ അടിച്ചമർത്തലിനെ അപലപിച്ചു. അവരിൽ പലരും രാജ്യത്തിന്റെ ജയിലുകളിൽ കഴിയുന്നു.
“സൗദി കിരീടാവകാശി മുഹമ്മദ് ബിൻ സൽമാന്റെ ബ്രിട്ടൻ സന്ദർശനത്തെ എതിർക്കാൻ ഞങ്ങൾ ഇന്ന് ഇവിടെയുണ്ട്. രാജ്ഞിയുടെ വിയോഗത്തില്‍ വിലപിക്കാനാണ് അദ്ദേഹം വരുന്നത്. എന്നാൽ, അദ്ദേഹം ഇവിടെയായിരിക്കുമ്പോൾ, മരിച്ച 377,000 യെമനികളോട് ആരാണ് വിലപിക്കുക. യെമൻ ജനതയ്‌ക്കെതിരായ സൗദി യുദ്ധത്തെക്കുറിച്ച് ആരാണ് ചോദിക്കുക?,” പ്രതിഷേധത്തിന്റെ സംഘാടകരിൽ ഒരാളായ സ്റ്റീഫൻ ബെൽ ചോദിച്ചു.
തന്റെ ഏകാധിപത്യത്തിന്റെ ഫലമായി സൗദി അറേബ്യയിൽ ഏകപക്ഷീയമായി വധിക്കപ്പെട്ട രാഷ്ട്രീയ തടവുകാരെ ഓര്‍ത്ത് ആരാണ് വിലപിക്കുക? വാഹനമോടിക്കാനുള്ള അവകാശത്തിനായി പ്രചാരണം നടത്തിയതിന്റെ പേരിൽ ജയിലിൽ അടയ്ക്കപ്പെട്ട സൗദി അറേബ്യയിലെ സ്ത്രീകൾക്ക് ആരാണ് ശബ്ദം നൽകുകയെന്നും അദ്ദേഹം കൂട്ടിച്ചേർത്തു.
