ന്യൂഡൽഹി: ഏറെ നാളത്തെ കാത്തിരിപ്പിനൊടുവിൽ ഇന്ത്യയിൽ 5ജി സേവനങ്ങൾ ആരംഭിക്കാൻ പോകുന്നു. പ്രധാനമന്ത്രി നരേന്ദ്ര മോദി ഒക്ടോബർ 1 ന് ഡൽഹിയിലെ പ്രഗതി മൈതാനിയിൽ 5G സേവനങ്ങൾ ആരംഭിക്കും. 4 ദിവസത്തെ ഇന്ത്യ മൊബൈൽ കോൺഗ്രസ് (IMC 2022) പ്രോഗ്രാം നാളെ അതായത് ഒക്ടോബർ 1 ന് ആരംഭിക്കാൻ പോകുകയാണ്.
ഒക്ടോബർ 1 ന് അതിവേഗ മൊബൈൽ ഇന്റർനെറ്റ് സൗകര്യം ആരംഭിക്കുന്നതിനാൽ ദ്വാരക സെക്ടർ 25 ലെ വരാനിരിക്കുന്ന ഡൽഹി മെട്രോ സ്റ്റേഷന്റെ ഭൂഗർഭ തുരങ്കത്തിൽ നിന്ന് 5G സേവനങ്ങളുടെ പ്രകടനത്തിനും പ്രധാനമന്ത്രി നരേന്ദ്ര മോദി സാക്ഷ്യം വഹിക്കും.
2023-ൽ രാജ്യത്തെ 10 കോടിയിലധികം ജനങ്ങള്‍ക്ക് 5G സേവനം ഉപയോഗിക്കാൻ സാധിക്കും. ഇവര്‍ക്ക് 5G നെറ്റ്‌വർക്കുകൾക്ക് തയ്യാറായ സ്മാർട്ട്‌ഫോണുകളും ഉണ്ട്. ഈ ഉപഭോക്താക്കളിൽ ഭൂരിഭാഗവും 5G സേവനത്തിനായി 45 ശതമാനം വരെ കൂടുതൽ പണം നൽകാനും തയ്യാറാണ്.
4 ദിവസത്തെ ഇന്ത്യ മൊബൈൽ കോൺഗ്രസ് (IMC 2022) ഇവന്റ് ഒക്ടോബർ 1 മുതൽ ഡൽഹിയിലെ പ്രഗതി മൈതാനിയില്‍ തുടക്കം കുറിക്കും. ഡിപ്പാർട്ട്‌മെന്റ് ഓഫ് ടെലികമ്മ്യൂണിക്കേഷനും സെല്ലുലാർ ഓപ്പറേറ്റേഴ്‌സ് അസോസിയേഷൻ ഓഫ് ഇന്ത്യയും (COAI) സംയുക്തമായി IMC 2022-ന്റെ ആറാം പതിപ്പ് അനാച്ഛാദനം ചെയ്യും.
ചടങ്ങിൽ പുതിയ സാങ്കേതിക കണ്ടുപിടിത്തങ്ങളുടെയും സ്റ്റാർട്ടപ്പുകളുടെയും പ്രോത്സാഹനത്തെക്കുറിച്ച് ഒരിക്കൽ കൂടി വിശദമായി ചർച്ച ചെയ്യാൻ സാധ്യതയുണ്ട്. 2022 ലെ ഇവന്റിന്റെ തീം ന്യൂ ഡിജിറ്റൽ യൂണിവേഴ്‌സ് ആണ്, ഇത് വികസിത ഡിജിറ്റൽ ഇന്ത്യയ്‌ക്കായി സ്റ്റാർട്ടപ്പുകളും നവീകരണവും പ്രോത്സാഹിപ്പിക്കുന്നതിനായി പ്രവർത്തിക്കും.
IMC 2022-ൽ 70,000-ത്തിലധികം ആളുകൾ പങ്കെടുക്കുമെന്ന് പ്രതീക്ഷിക്കുന്നു. രാജ്യത്തെ ഏറ്റവും വലിയ ടെക്‌നോളജി എക്‌സിബിഷനും ചടങ്ങിൽ ഉണ്ടായിരിക്കും.
