“ഇന്റേൺഷിപ്പ് എങ്ങനെ നേടാം” കീൻ (KEAN) സെമിനാർ സംഘടിപ്പിക്കുന്നു

Oct 5, 2022Oct 5, 2022 ഫിലിപ്പോസ് ഫിലിപ്പ് (പിആർഒ)

ന്യൂയോർക്ക്: നോർത്ത് ഈസ്റ്റ് അമേരിക്കയിലെ ഗ്രാജുവേറ്റ് എൻജിനീയേഴ്സിന്റെ സംഘടന ആയ കേരളാ എഞ്ചിനീയറിംഗ് ഗ്രാജുവേറ്റ് അസോസിയേഷൻ ഓഫ് നോർത്ത് അമേരിക്കയുടെ (KEAN) ആഭിമുഖ്യത്തിൽ ഒക്ടോബർ ആറ് വ്യാഴാഴ്ച്ച വൈകിട്ട് 7 മണിക്ക് “INTERNSHIP TOOL KIT” എന്ന വെബിനാർ നടത്തുന്നു. ഇതിലൂടെ ഇന്റേൺഷിപ്പ് നേടാൻ എങ്ങനെ തയ്യാറെടുക്കണം , പുതിയ ജോലികൾ എങ്ങനെ നേടാം, ബയോഡാറ്റാ തയ്യാറാക്കുന്നത് എങ്ങനെ ? , ഇന്റർവ്യൂ സ്‌കിൽസ്, Linkdin / Networking തുടങ്ങിയ വിഷയങ്ങളിൽ സമഗ്രമായ വിവരങ്ങൾ ലഭിക്കാൻ സാധിക്കും. തികച്ചും സൗജന്യമായി നടത്തപ്പെടുന്ന സെമിനാറിലേക്ക് താല്പര്യമുള്ള കുട്ടികളും ഉദ്യോഗാർത്ഥികളും കൃത്യസമയത്തു തന്നെ താഴെ കാണിച്ചിരിക്കുന്ന ലിങ്കിൽ ലോഗിൻ ചെയ്യുക. ന്യൂ ജേഴ്സിയിലുള്ള വേറിസ്‌ക് അനാലിറ്റിക്സിലെ ജൂലിയനാ ഡെലിയ, ഫെലീഷ്യ ഫ്ലെറ്റ്മാൻ എന്നിവർ ആണ് സെമിനാർ നയിക്കുന്നത്.