തിരുവനന്തപുരം: മന്ത്രിമാരെ പിൻവലിക്കാൻ ഗവർണർക്ക് അധികാരമില്ലെന്ന് പ്രതിപക്ഷ നേതാവ് വി.ഡി.സതീശൻ പറഞ്ഞു. ഗവർണറുടെ അധികാരം പ്രത്യേക ഇടപെടലുകൾക്കായി ഉപയോഗിക്കേണ്ടതാണ്. സർക്കാരും ഗവർണറും തമ്മിൽ തർക്കമില്ലെന്നും ഇപ്പോൾ നടക്കുന്നത് തമാശ മാത്രമാണെന്നും വി ഡി സതീശൻ പറഞ്ഞു.
സർക്കാരിന്റെ വീഴ്ചകൾ കാരണം മന്ത്രിമാരെ പിൻവലിക്കാൻ ഗവർണർക്ക് അധികാരമില്ല. ഗവർണർ ഭരണം ഭരണഘടനയ്ക്ക് അതീതമായ അധികാരമല്ല. ഗവർണറുടെയും സർക്കാരിന്റെയും സ്ഥാനം ഭരണഘടനയിൽ പരാമർശിച്ചിട്ടുണ്ട്. അല്ലാതെ ഗവർണർക്ക് ഇഷ്ടമല്ലെന്ന് പറഞ്ഞ് മന്ത്രിമാരെ പിൻവലിക്കാനാകില്ല. നടക്കാത്ത കാര്യങ്ങളെക്കുറിച്ച് ഗവർണർ സംസാരിക്കരുത്. ഭരണഘടനാപരമായ അധികാരം ഉപയോഗിച്ചാണ് ചെയ്യേണ്ടതെന്നും വി ഡി സതീശൻ പറഞ്ഞു.
