വളർത്തുമൃഗങ്ങളെ വീട്ടില്‍ വളര്‍ത്തുന്നത് ചിലര്‍ക്ക് ഹരമാണ്. ആ മൃഗങ്ങളുമായി ഇടപഴകുന്നതും കളിക്കുന്നതും ചിലര്‍ ആസ്വദിക്കുകയും ചെയ്യുന്നു. എന്നാല്‍, വളര്‍ത്തുമൃഗങ്ങള്‍ പേടിസ്വപ്നമായാലോ? അത്തരത്തിലുള്ള അനുഭവമാണ് ഈ യുവതിക്കും ഉണ്ടായത്. താന്‍ വളർത്തുന്ന പെരുമ്പാമ്പ് തന്റെ കൈയിൽ ചുറ്റിപ്പിടിച്ചപ്പോൾ യുവതി സ്വയരക്ഷയ്ക്കായി പാടുപെടുന്ന വീഡിയോയാണ് സോഷ്യല്‍ മീഡിയയില്‍ ഇപ്പോള്‍ വൈറലായിരിക്കുന്നത്.
മുൻ ഷാർലറ്റ് ഹോർനെറ്റ്‌സ് സ്റ്റാൻഡൗട്ടും നിലവിലെ ബ്രോഡ്‌കാസ്റ്ററുമായ റെക്സ് ചാപ്മാൻ ആണ് ഈ വീഡിയോ പോസ്റ്റ് ചെയ്തത്. അടിക്കുറിപ്പിൽ അദ്ദേഹം എഴുതി: “അവരുടെ സ്വന്തം പാമ്പ് അവരെ ആക്രമിച്ചു. പാമ്പുകൾ എപ്പോഴും പാമ്പുകള്‍ തന്നെ…” എന്നിട്ട് അദ്ദേഹം കൂട്ടിച്ചേർത്തു “നിങ്ങളുടെ ഉത്കണ്ഠ എങ്ങനെയുണ്ട്?”
ഞെട്ടിക്കുന്ന ഏറ്റുമുട്ടലിന്റെ വീഡിയോ സോഷ്യൽ മീഡിയ പ്ലാറ്റ്‌ഫോമിൽ ആദ്യമായി പങ്കുവെച്ച് വെറും 24 മണിക്കൂറിനുള്ളിൽ 8 ദശലക്ഷത്തിലധികം വ്യൂകളുമായി ട്വിറ്ററിൽ വൈറലായി.
സ്ത്രീ തന്റെ വീട്ടിൽ വളര്‍ത്തുന്ന പാമ്പിന്റെ കൂട് തുറക്കുന്നതാണ് വീഡിയോ. പാമ്പ് പുറത്തേക്ക് കടക്കാന്‍ ഇഴഞ്ഞപ്പോള്‍ യുവതി തന്റെ വലതു കൈ നീട്ടിയതും പാമ്പ് കൈയ്യില്‍ കടിച്ചുകൊണ്ട് ചുറ്റിവരിയുന്നതും വീഡിയോയില്‍ കാണിക്കുന്നു. പിന്നീട് പാമ്പിനെ വേര്‍പെടുത്താനുള്ള യുവതിയുടേയും മറ്റൊരാളുടേയും ശ്രമങ്ങളാണ് കാണിക്കുന്നത്. ഇത് എവിടെ എപ്പോള്‍ ചിത്രീകരിച്ച വിവരങ്ങളൊന്നുമില്ല.
