ഹൈദരാബാദ്: കോൺഗ്രസ് നേതാവ് രാഹുൽ ഗാന്ധി നയിക്കുന്ന ഭാരത് ജോഡോ യാത്രയുടെ 60-ാം ദിവസം തെലങ്കാനയിൽ ഞായറാഴ്ച ആക്ടിവിസ്റ്റും അഭിഭാഷകനുമായ പ്രശാന്ത് ഭൂഷൺ ചേർന്നു.
ഇന്ന് രാവിലെ മേഡക് ജില്ലയിലെ അല്ലദുർഗിൽ നിന്ന് പുനരാരംഭിച്ച റാലിയിൽ പട്ടികജാതി വിഭാഗത്തെ വർഗീകരിക്കുന്നതിനായി പോരാടുന്ന സംഘടനയായ മഡിഗ സംവരണ സമര സമിതി (എംആർപിഎസ്) നേതാവ് മന്ദ കൃഷ്ണ മാഡിഗയും പങ്കെടുത്തതായി പാർട്ടി വൃത്തങ്ങൾ അറിയിച്ചു.
“ഇത് ഭാരത് ജോഡോ യാത്രയുടെ 60-ാം ദിവസമാണ്, എല്ലാ ദിവസവും രാവിലെ പോലെ മൈസൂരിൽ നിന്നുള്ള സേവാദളിന്റെ പ്യാരി ജാൻ ദേശീയ ഗാനം, ധ്വജ് ഗീത്, ദേശീയ ഗാനം എന്നിവ ആലപിച്ചുകൊണ്ട് ആരംഭിച്ചു. ഇന്ന് ഞങ്ങൾ മേഡക്കിൽ നിന്ന് കാമറെഡ്ഡി ജില്ലയിലേക്ക് നീങ്ങുന്നു,” കോൺഗ്രസ് ജനറൽ സെക്രട്ടറി, കമ്മ്യൂണിക്കേഷൻസ് ഇൻചാർജ്, ജയറാം രമേശ് ട്വീറ്റ് ചെയ്തു.
ശനിയാഴ്ച മേഡക് ജില്ലയിലെ പെദ്ദാപൂർ ഗ്രാമത്തിൽ ഒരു സമ്മേളനത്തെ അഭിസംബോധന ചെയ്യവെ, രാജ്യത്ത് 2014 മുതൽ തൊഴിലില്ലായ്മയും വിലക്കയറ്റവും വ്യാപകമാണെന്ന് രാഹുല്‍ ഗാന്ധി ആരോപിച്ചു.
കാൽനട മാർച്ച് ഒക്ടോബർ 23 നാണ് സംസ്ഥാനത്ത് പ്രവേശിച്ചത്, തെലങ്കാനയിലെ യാത്ര തിങ്കളാഴ്ച സമാപിക്കുമെന്ന് വൃത്തങ്ങൾ കൂട്ടിച്ചേർത്തു. തിങ്കളാഴ്ച കാമറെഡ്ഡി ജില്ലയിൽ നടക്കുന്ന പൊതുയോഗത്തിൽ രാഹുല്‍ ഗാന്ധി പ്രസംഗിക്കും.
സെപ്റ്റംബർ ഏഴിന് തമിഴ്‌നാട്ടിലെ കന്യാകുമാരിയിൽ നിന്നാണ് ഭാരത് ജോഡോ യാത്ര ആരംഭിച്ചത്.
