ഹവായി: ഹവായിയിലെ അഞ്ച് അഗ്നിപർവ്വതങ്ങളിൽ ഒന്നായ മൗന ലോവ, 38 വർഷത്തിന് ശേഷം ആദ്യമായി പൊട്ടിത്തെറിച്ചു. ഇതുവരെ ആളുകളെ ഒഴിപ്പിക്കലിനൊന്നും ഉത്തരവിട്ടിട്ടില്ല.
അഗ്നിപർവ്വതത്തിന്റെ ഉയര്‍ന്ന കൊടുമുടിയായ കാൽഡെറയായ മൊകുവാവിയോയിൽ ഞായറാഴ്ച രാത്രി 11:30 ഓടെയാണ് പൊട്ടിത്തെറി ആരംഭിച്ചതെന്ന് ഹവായിയൻ അഗ്നിപർവ്വത നിരീക്ഷണ കേന്ദ്രം തിങ്കളാഴ്ച അപകട സൂചന പുറപ്പെടുവിച്ചതായി അറിയിച്ചു .
“സ്ഫോടനം നിലവിൽ കൊടുമുടിയില്‍ മാത്രം ഒതുങ്ങിയിരിക്കുന്നു, മാഗ്മ വിള്ളൽ മേഖലകളിലേക്ക് നീങ്ങുന്നതായി സൂചനയില്ല,” യുഎസ് ജിയോളജിക്കൽ സർവേ ട്വിറ്ററിൽ പ്രസ്താവനയിൽ പറഞ്ഞു.
USGS പരിപാലിക്കുന്ന വെബ്‌ക്യാമുകൾ കാൽഡെറയുടെ വിള്ളലുകളിൽ നിന്ന് ലാവ ഒഴുകുന്നത് കാണിക്കുന്നുണ്ട്.
വിള്ളലുകള്‍ കൊടുമുടി പ്രദേശത്തേക്ക് ചുരുങ്ങിയിട്ടുണ്ടെങ്കിലും ലാവാ പ്രവാഹം ദൃശ്യമായിരുന്നു എന്ന് ഹവായിയൻ അഗ്നിപർവ്വത നിരീക്ഷണാലയം തിങ്കളാഴ്ച പുലർച്ചെ 2:43 ഓടെ ഒരു അപ്‌ഡേറ്റിൽ പറഞ്ഞു.
കാറ്റിൽ ചാരവും ലാവയും താഴേക്ക് വീഴാൻ സാധ്യതയുണ്ടെന്ന് ഹോണോലുലുവിലെ ദേശീയ കാലാവസ്ഥാ നിരീക്ഷണ കേന്ദ്രം ട്വിറ്ററിൽ മുന്നറിയിപ്പ് നൽകി.
13,681 അടി ഉയരമുള്ള അഗ്നിപർവ്വതം അവസാനമായി പൊട്ടിത്തെറിച്ചത് 1984 ലാണ്.
