ആണവ ഉടമ്പടി സംബന്ധിച്ച് റഷ്യയും യുഎസും തമ്മിലുള്ള ചർച്ചകൾ മാറ്റിവച്ചെങ്കിലും റദ്ദാക്കിയിട്ടില്ലെന്ന് റഷ്യൻ ഡെപ്യൂട്ടി വിദേശകാര്യ മന്ത്രി സെർജി റിയാബ്കോവ് പറഞ്ഞു. വാഷിംഗ്ടണും മോസ്കോയും തമ്മിലുള്ള സംഘർഷം തുടരുന്നതിനിടെയാണ് അദ്ദേഹത്തിന്റെ പ്രസ്താവന.
ഡിസംബർ ആദ്യം ഈജിപ്തിൽ നടക്കാനിരുന്ന ചർച്ചകൾ, ന്യൂ സ്റ്റാർട്ട് (സ്ട്രാറ്റജിക് ആംസ് റിഡക്ഷൻ ട്രീറ്റി) എന്നും അറിയപ്പെടുന്ന സ്ട്രാറ്റജിക് ഒഫൻസീവ് ആയുധങ്ങളുടെ കുറയ്ക്കലും പരിമിതിയും സംബന്ധിച്ച ചർച്ചകൾ സുഗമമാക്കുമെന്ന് പ്രതീക്ഷിച്ചിരുന്നു.
പുതിയ START ഉടമ്പടിയെക്കുറിച്ചുള്ള ഉഭയകക്ഷി കൺസൾട്ടേറ്റീവ് കമ്മീഷന്റെ യോഗം ഞങ്ങൾ മാറ്റിവച്ചു, പക്ഷെ അത് റദ്ദാക്കിയിട്ടില്ല. മറ്റൊരു തിയ്യതി പ്രഖ്യാപിക്കുന്നതുവരെ ഊഹാപോഹങ്ങളില്‍ നിന്ന് വിട്ടു നില്‍ക്കുന്നതാണെന്ന് വ്യാഴാഴ്ച ഒരു റഷ്യന്‍ മാധ്യമത്തിനു നല്‍കിയ അഭിമുഖത്തിൽ റിയാബ്കോവ് പറഞ്ഞു.
ചർച്ചകൾ മാറ്റിവച്ചത് “രാഷ്ട്രീയ തീരുമാനമായിരുന്നു” എന്ന് അദ്ദേഹം കൂട്ടിച്ചേർത്തു. എന്നാൽ, കരാർ പൂർണ്ണമായി നടപ്പാക്കുന്നതിൽ യുഎസ് പരാജയപ്പെട്ടുവെന്ന റഷ്യൻ അവകാശവാദങ്ങളും ഉക്രെയ്ൻ യുദ്ധത്തിലെ സമീപകാല സംഭവവികാസങ്ങൾ ഉൾപ്പെടെയുള്ള രാഷ്ട്രീയ കാരണങ്ങളും പോലുള്ള സാങ്കേതിക ആശങ്കകളാണ് തീരുമാനത്തിന് കാരണമെന്ന് അദ്ദേഹം പറഞ്ഞു.
അമേരിക്കയുമായുള്ള തന്ത്രപരമായ സ്ഥിരത ചർച്ചയിൽ ഏകപക്ഷീയമായ ഇളവുകൾ റഷ്യ നോക്കുന്നില്ലെന്നും എന്നാൽ, തുല്യവും സന്തുലിതവുമായ അടിസ്ഥാനത്തിൽ ചർച്ചകൾ പുനരാരംഭിക്കാൻ തയ്യാറാണെന്നും അദ്ദേഹം ഊന്നിപ്പറഞ്ഞു.
