വാഷിംഗ്ടൺ: ചാരവൃത്തി ആരോപിച്ച് 2020 ൽ റഷ്യയിൽ തടവിലാക്കിയ മുൻ യുഎസ് മറൈൻ പോൾ വീലന്റെ മോചനം ഉറപ്പാക്കുന്നതിനുള്ള അടുത്ത നടപടികൾ ചർച്ച ചെയ്യാൻ ബൈഡൻ അഡ്മിനിസ്ട്രേഷൻ ഉദ്യോഗസ്ഥർ തിങ്കളാഴ്ച രാവിലെ യോഗം ചേരുമെന്ന് പ്രസിഡന്റ് ജോ ബൈഡന്റെ ബന്ദികാര്യ ദൂതൻ റോജർ കാർസ്റ്റൻസ് ഞായറാഴ്ച പറഞ്ഞു.
വീലനെ മോചിപ്പിക്കാനുള്ള ശ്രമത്തിൽ പ്രസിഡന്റും സ്റ്റേറ്റ് സെക്രട്ടറി ആന്റണി ബ്ലിങ്കനും വ്യക്തിപരമായി ശ്രദ്ധ കേന്ദ്രീകരിച്ചിരുന്നതായി കാർസ്റ്റൻസ് മാധ്യമങ്ങളോട് പറഞ്ഞു. കഴിഞ്ഞ വേനൽക്കാലത്ത് ഒപ്പിട്ട പ്രസിഡൻഷ്യൽ എക്സിക്യൂട്ടീവ് ഉത്തരവിന് കീഴിൽ ഭരണകൂടത്തിന് ഉടൻ തന്നെ പുതിയ ഉപരോധങ്ങൾ ഏർപ്പെടുത്താൻ കഴിയുമെന്ന് അദ്ദേഹം പറഞ്ഞു.
അമേരിക്കൻ ബാസ്‌ക്കറ്റ്‌ബോൾ താരം ബ്രിട്ട്‌നി ഗ്രിനറെ ഉൾപ്പെടുത്തി തടവുകാരെ കൈമാറുമെന്ന് ബൈഡൻ വ്യാഴാഴ്ച പ്രഖ്യാപിച്ചെങ്കിലും വീലന്റെ മോചനം നേടാനായില്ല. വീലന്റെ കാര്യത്തെ റഷ്യ വ്യത്യസ്തമായാണ് പരിഗണിക്കുന്നതെന്ന് ബൈഡന്‍ പറഞ്ഞു. എന്നാൽ, ശ്രമം ഒരിക്കലും ഉപേക്ഷിക്കില്ലെന്ന് അദ്ദേഹം പ്രതിജ്ഞ ചെയ്തു.
അമേരിക്കൻ പൗരന്മാരെ തെറ്റായി തടങ്കലിൽ വച്ചതിന് ഉത്തരവാദികളായ ആളുകൾക്കെതിരെ ഉപരോധങ്ങളും വിസ നിരോധനങ്ങളും ഏര്‍പ്പെടുത്തികൊണ്ട് ഈ വേനൽക്കാലത്ത് ബൈഡൻ ഒപ്പിട്ട എക്സിക്യൂട്ടീവ് ഉത്തരവിൽ ഉൾപ്പെടുത്തിയിരിക്കുന്ന പുതിയ അധികാരങ്ങൾ ഭരണകൂടത്തിന് ഉടൻ ഉപയോഗിക്കാമെന്ന് ഒരു പ്രത്യേക അഭിമുഖത്തിൽ കാർസ്റ്റൺ പറഞ്ഞു.
