മലപ്പുറം : ഹിന്ദുത്വ ആള്‍ക്കൂട്ട കൊലകള്‍ നിരന്തരം അരങ്ങേറുമ്പോള്‍ നീതിക്കായുള്ള ശബ്ദങ്ങള്‍ കൂടുതല്‍ ഉയരണമെന്ന് എസ്.ഐ.ഒ ആഹ്വാനം ചെയ്തു. കൊല ചെയ്യപ്പെട്ട വാരിസ്, ജുനൈദ്, നാസിർ എന്നിവരുടെ കുടുംബത്തിന് നഷ്ടപരിഹാരം നല്‍കാന്‍ സര്‍ക്കാര്‍ തയ്യാറാവണമെന്നും എസ്.ഐ.ഒ സംസ്ഥാന സെക്രട്ടറി അഡ്വ. റഹ്‌മാൻ ഇരിക്കൂർ ആവശ്യപ്പെട്ടു. മലപ്പുറത്തുവെച്ച് നടന്ന വിദ്യാര്‍ത്ഥി പ്രതിഷേധത്തില്‍ ജില്ലാ പ്രസിഡന്റ്‌ തഹ്സീൻ മമ്പാട്, ജില്ലാ സെക്രട്ടറി ശിബിലി മസ്ഹർ എന്നിവർ സംസാരിച്ചു.
