ന്യൂജേഴ്സി: സൗത്ത് ബ്രൺസ്വിക്ക് ഹൈസ്‌കൂൾ 2023-ലെ വലെഡിക്‌റ്റോറിയനായി ജോഷ് ജോസഫ് വിജയ കിരീടം ചൂടി. ജോഷ് ജോസഫ് സൗത്ത് ബ്രൺസ്വിക്കിലെ കെന്റൽ പാർക്കിൽ താമസിക്കുന്ന മിനേഷിന്റെയും ഷീനയുടെയും മകനാണ്. റയാനും, ഡാനിയലും സഹോദരങ്ങൾ. സോമർസെറ്റിലെ സെൻറ് തോമസ് സിറോ മലബാർ ഇടവകാംഗമാണ്. അസാധാരണമായ നേതൃപാടവവും മറ്റുള്ളവരുടെ ജീവിതത്തിൽ നല്ല മാറ്റമുണ്ടാക്കാനുള്ള യഥാർത്ഥ ആഗ്രഹവും ജോഷ് ചെറുപ്പത്തിലേ പ്രകടിപ്പിച്ചു.
പഠനത്തിലും പഠനേതര കാര്യങ്ങളിലും ഒരുപോലെ കഴിവ് തെളിയിച്ച ജോഷ് ജോസഫിന്റെ അറിവുതേടിയുള്ള യാത്ര പുതിയ ഘട്ടത്തിലേക്ക് കടക്കുന്നു. ജോഷ് ജോസഫ് ഇനി സ്റ്റാന്‍ഫോര്‍ഡില്‍ തുടര്‍ പഠനം നടത്തും. തന്റെ ഇഷ്ടവിഷയങ്ങളായ കമ്പ്യൂട്ടര്‍ സയന്‍സിലും ലീഗല്‍ ഇന്‍ഫോര്‍മാറ്റിക്‌സിലും ഡബിള്‍ മേജര്‍ പഠനമാണ് സ്റ്റാന്‍ഫോര്‍ഡില്‍ നടത്തുക.
വിവിധ മേഖലകളില്‍ നേട്ടങ്ങള്‍ സ്വന്തമാക്കിയ ജോഷ് തന്റെ ഹൈസ്‌കൂള്‍ കാലഘട്ടം അടയാളപ്പെടുത്തിയ വിവിധങ്ങളായ ബഹുമതികളോടെയായിരുന്നു. നാഷണല്‍ മെറിറ്റ് സ്‌കോളര്‍ഷിപ്പ്, ഇന്‍ഡോ-അമേരിക്കന്‍ കള്‍ച്ചറല്‍ ഫൗണ്ടേഷന്‍ ഓഫ് സെന്‍ട്രല്‍ എന്‍ജെ സ്‌കോളര്‍ഷിപ്പ് എന്നിവ തന്റെ പഠനനേട്ടങ്ങള്‍ക്ക് ലഭിച്ച ഏതാനും ചില ബഹുമതികള്‍ മാത്രമായിരുന്നു. ഭാഷാ പഠനത്തിലും മികവ് പുലര്‍ത്തിയ അദ്ദേഹം ദേശീയ ക്ലാസിക്കല്‍ എറ്റിമോളജി പരീക്ഷയില്‍ സ്വര്‍ണ്ണ മെഡലും ദേശീയ ലാറ്റിന്‍ പരീക്ഷയില്‍ സില്‍വര്‍ മാക്‌സിമ കം ലോഡ് അവാര്‍ഡും നേടിയിട്ടുണ്ട്.
എന്‍ജെ കെമിസ്ട്രി ഒളിമ്പിക്സ്, സയന്‍സ് ഒളിമ്പ്യാഡ് തുടങ്ങിയ അഭിമാനകരമായ മത്സരങ്ങളില്‍ നേടിയ നിരവധിയായ ഒന്നാം സ്ഥാന വിജയങ്ങളിലൂടെ ജോഷിൻറെ ശാസ്ത്ര ധൈഷണികത സ്ഥിരമായി പ്രകടമാണ്. ശാസ്ത്രത്തിനും അപ്പുറത്തേക്ക് പടര്‍ന്നുകിടക്കുന്നതാണ് തന്റെ പാഠ്യമികവെന്ന് തെളിയിക്കുന്നതായിരുന്നു ഗണിതത്തിലും യുഎസ് ചരിത്രത്തിലും അദ്ദേഹത്തിനുള്ള അറിവ്. ഈ രണ്ട് വിഷയങ്ങളിലും മികച്ച നേട്ടങ്ങള്‍ക്കുള്ള അവാര്‍ഡുകള്‍ അദ്ദേഹത്തിന് ലഭിച്ചു. എക്സലന്‍സ് ഇന്‍ വേള്‍ഡ് ലാംഗ്വേജ് ക്ലാസിക് അവാര്‍ഡ്, ലാറ്റിനിലെ ന്യൂജേഴ്സി സീല്‍ ഓഫ് ബൈലിറ്ററസി തുടങ്ങിയ ബഹുമതികളിലൂടെ അദ്ദേഹത്തിന്റെ ഭാഷാ വൈദഗ്ദ്ധ്യവും അംഗീകരിക്കപ്പെട്ടിരിക്കുന്നു.
തന്റെ അക്കാദമിക് നേട്ടങ്ങള്‍ക്കപ്പുറം, ജോഷ് വിവിധ പാഠ്യേതര പ്രവര്‍ത്തനങ്ങളിലും സജീവമായി ഏര്‍പ്പെട്ടിട്ടുണ്ട്. അതുവഴി അദ്ദേഹത്തിന്റെ അസാധാരണമായ നേതൃപാടവവും സ്വന്തംസമൂഹത്തെ സേവിക്കുന്നതിനുള്ള പ്രതിബദ്ധതയും പ്രകടമായിരിക്കുന്നു. റോബോട്ടിക്‌സ് ക്ലബ്ബിന്റെ പ്രസിഡന്റായി സേവനമനുഷ്ഠിച്ച അദ്ദേഹം, ലോക ചാമ്പ്യന്‍ഷിപ്പില്‍ പങ്കെടുക്കാന്‍ തന്റെ ടീമിനെ ഫലപ്രദമായി നയിച്ചു. കൂടാതെ, ഒരു ഈഗിള്‍ സ്‌കൗട്ട് എന്ന നിലയില്‍, സ്ഥിരോത്സാഹം, ടീം വര്‍ക്ക്, സാമൂഹിക ഇടപഴകല്‍ തുടങ്ങിയ ഗുണങ്ങള്‍ ജോസഫ് പ്രകടമാക്കി. 15-ലധികം രാജ്യങ്ങളിലെ കുട്ടികള്‍ക്ക് കോഡിംഗ് കഴിവുകള്‍ പഠിപ്പിക്കുന്ന നോണ്‍ പ്രോഫിറ്റ് സ്ഥാപനമായ കോഡ് 4 ടുമോറോയുടെ പ്രസിഡന്റായും അദ്ദേഹം പ്രവര്‍ത്തിച്ചു.
പക്ഷപാതരഹിതമായ റിപ്പോര്‍ട്ടിംഗിന്റെയും സമകാലിക സംഭവങ്ങളുടെ കൃത്യമായ പ്രചരണത്തിന്റെയും പ്രാധാന്യം തിരിച്ചറിഞ്ഞ്, ന്യായവും സന്തുലിതവുമായ വാര്‍ത്താ കവറേജ് നല്‍കുന്ന ഇന്‍സ്റ്റാഗ്രാം ചാനല്‍ പൊളിറ്റിക്വിക്ക് ജോഷ് സ്ഥാപിച്ചു.
ജോഷിൻറെ കഴിവുകള്‍ അക്കാദമിക തലത്തിലും, സാമൂഹിക പ്രവര്‍ത്തനങ്ങള്‍ക്കും അപ്പുറമാണ്. മാര്‍ച്ചിംഗ് ബാന്‍ഡിലെ ട്രമ്പറ്റ് ടീമിന്റെ ഭാഗമായി സംഗീതത്തിലെ തന്റെ പ്രാവീണ്യവും അദ്ദേഹം തെളിയിച്ചതോടൊപ്പം, ചര്‍ച്ച് ക്വയറിലെ അംഗമെന്ന നിലയിലും തന്റെ സ്വര വൈദഗ്ദ്ധ്യം പ്രകടിപ്പിക്കുകയും ചെയ്തു. മാത്രവുമല്ല, രാഷ്ട്രീയ ആസൂത്രണ വിശകലനത്തില്‍ സ്റ്റാന്‍ഫോര്‍ഡ് ഡെലിബറേറ്റീവ് ഡെമോക്രസി ലാബിലെ പ്രൊഫസര്‍മാരുമായി സഹകരിച്ച് അത്യാധുനിക ഗവേഷണത്തിലും ജോഷ് സജീവമായി ഏര്‍പ്പെട്ടു. ‘TikTok-ലെ കോവിഡ് തെറ്റായ വിവരങ്ങള്‍’ എന്ന വിഷയത്തെക്കുറിച്ചുള്ള അദ്ദേഹത്തിന്റെ ലേഖനം പ്രശസ്തമായ അമേരിക്കന്‍ പൊളിറ്റിക്കല്‍ സയന്‍സ് റിവ്യൂവില്‍ താമസിയാതെ പ്രസിദ്ധീകരിക്കപ്പെടുന്നതായിരിക്കും. കൂടാതെ, താന്‍ തിരഞ്ഞെടുത്ത മേഖലയില്‍ അറിവ് വികസിപ്പിക്കുന്നതിനുള്ള പ്രതിബദ്ധത കൂടുതല്‍ വ്യക്തമാക്കി അദ്ദേഹം അസോസിയേഷന്‍ ഓഫ് കമ്പ്യൂട്ടേഷണല്‍ ലിംഗ്വിസ്റ്റിക്‌സിന് ഒരു ഗവേഷണ പ്രബന്ധവും സമര്‍പ്പിച്ചു.
ജോഷിന്റെ അസാധാരണമായ ബുദ്ധിശക്തി, സാമൂഹിക വിഷയങ്ങളോടുള്ള അചഞ്ചലമായ അര്‍പ്പണബോധം, ഗവേഷണ വൈധക്ത്യം എന്നിവ അദ്ദേഹത്തെ കമ്പ്യൂട്ടര്‍ സയന്‍സ്, ലീഗല്‍ ഇന്‍ഫോര്‍മാറ്റിക്സ് എന്നീ മേഖലകളില്‍ ഗണ്യമായ സംഭാവനകള്‍ നല്‍കാന്‍ സജ്ജനായ, ഭാവി പ്രതീക്ഷയായിട്ടുള്ള വ്യക്തിയാക്കുന്നു. സൗത്ത് ബ്രണ്‍സ്വിക്ക് ഹൈസ്‌കൂള്‍ അദ്ദേഹത്തിന്റെ മികച്ച നേട്ടങ്ങളെ പൂര്‍ണ്ണഹൃദയത്തോടെ അഭിനന്ദിക്കുകയും അദ്ദേഹത്തിന്റെ എല്ലാ ഭാവി ഉദ്യമങ്ങളിലും വിജയം തുടരട്ടെയെന്നും ആശംസിക്കുന്നു.
ജോഷിന്റെ ഈ നേട്ടത്തിനായി ജോഷിന്റെ മാതാപിതാക്കളായ മിനേഷും, ഷീനയും സഹോദരങ്ങളായ റയാനും ഡാനിയലും നല്‍കിയ പിന്തുണയും മാര്‍ഗനിര്‍ദേശങ്ങൾക്കും സൗത്ത് ബ്രണ്‍സ്വിക്ക് ഹൈസ്‌കൂളിന്റെ ആദരം.
PolitiQuick (@politi_quick) on Instagram
