ടെഹ്‌റാൻ: അനധികൃത കോസ്‌മെറ്റിക് ക്ലിനിക്കിൽ മയക്കുമരുന്ന് നൽകി സ്ത്രീകളെ ബലാത്സംഗം ചെയ്തതിന് കുറ്റക്കാരെന്ന് കണ്ടെത്തിയ മൂന്ന് പുരുഷന്മാരെ ഇറാൻ ചൊവ്വാഴ്ച രാവിലെ വധിച്ചു.
2021 അവസാനത്തോടെ തെക്കൻ പ്രവിശ്യയായ ഹോർമോസ്ഗാനിൽ 12 ലൈംഗികാതിക്രമ കേസുകളിലും വഞ്ചനയിലും ഗൂഢാലോചന നടത്തിയതിന് പ്രതികള്‍ കുറ്റക്കാരനാണെന്ന് കോടതി കണ്ടെത്തിയിരുന്നു. ബലാത്സംഗം ചെയ്യുന്നതിന്റെ ഫോട്ടോകളും വീഡിയോകളും ഇന്റർനെറ്റിൽ വൈറലായതിനെ തുടർന്നാണ് കുറ്റവാളികളെ പിടികൂടിയത്, ഇത് ഉടൻ നടപടിയെടുക്കാൻ ഇറാന്റെ സുരക്ഷാ വിഭാത്തെ പ്രേരിപ്പിച്ചു.
പോലീസ് നടത്തിയ അന്വേഷണത്തിൽ, എമർജൻസി ഹെൽത്ത് സർവീസിൽ നിന്ന് മോഷ്ടിച്ച അനസ്തെറ്റിക് മരുന്നുകൾ ഇരകൾക്ക് കുത്തിവച്ച് വ്യാജ ബ്യൂട്ടി ക്ലിനിക്കാണ് ഇവർ നടത്തുന്നതെന്ന് വ്യക്തമായി.
“അനധികൃത ബ്യൂട്ടി ക്ലിനിക്കിൽ നിരവധി സ്ത്രീകളെ ബലാത്സംഗം ചെയ്ത മൂന്ന് പുരുഷന്മാരെ ഇന്ന് രാവിലെ ബന്ദർ അബ്ബാസ് ജയിലിൽ തൂക്കിലേറ്റി,” ഹോർമോസ്ഗന്റെ ചീഫ് ജസ്റ്റിസ് മൊജ്തബ ഘഹ്രാമാനി പറഞ്ഞു.
അവരിൽ ഒരാൾ ഒരു മെഡിക്കൽ അസിസ്റ്റന്റായിരുന്നു. അയാളാണ് പ്രധാന ഗൂഢാലോചനക്കാരന്‍. കൂടാതെ, ഓൺലൈനിൽ പോസ്റ്റ് ചെയ്ത സൗന്ദര്യവർദ്ധക നടപടിക്രമങ്ങൾക്കായി വ്യാജ പരസ്യങ്ങൾ നൽകി വ്യാജ ക്ലിനിക്കിലേക്ക് ഏഴ് ഇരകളെ വശീകരിച്ച് മയക്കുമരുന്ന് നൽകി ബലാത്സംഗം ചെയ്തു.
നഴ്‌സുമാരായിരുന്ന മറ്റ് രണ്ട് പ്രതികളെ മയക്കുമരുന്ന് മോഷണവുമായി ബന്ധപ്പെട്ട കുറ്റം ചുമത്തുകയും അഞ്ച് ബലാത്സംഗ കേസുകളിൽ തൂക്കിലേറ്റുകയും ചെയ്തു.
റൈറ്റ്സ് ഗ്രൂപ്പ് ആംനസ്റ്റി ഇന്റർനാഷണൽ റിപ്പോർട്ടുകൾ പ്രകാരം, ചൈന ഒഴികെയുള്ള മറ്റേതൊരു രാജ്യത്തേക്കാളും കൂടുതൽ ആളുകളെ ഇറാൻ വധിക്കുകയും 2022 ൽ കുറഞ്ഞത് 582 പേരെ തൂക്കിലേറ്റുകയും ചെയ്യതു. ഇത് 2015 ന് ശേഷമുള്ള ഏറ്റവും ഉയർന്ന സംഖ്യയാണ്.
