വാഷിംഗ്ടൺ : വൈറ്റ് ഹൗസിന്റെ വെസ്റ്റ് വിംഗിലെ ഒരു ലോബി ഏരിയയിൽ നിന്ന് കണ്ടെത്തിയ വെളുത്ത പൊടി, ലബോറട്ടറി പരിശോധനയില്‍ കൊക്കെയ്ൻ ആണെന്ന് ഈ വിഷയത്തിൽ പരിചയമുള്ള വൃത്തങ്ങള്‍ പറഞ്ഞു. ഒരു ചെറിയ പ്ലാസ്റ്റിക് കവറിൽ പൊടി കണ്ടെത്തിയ ഉദ്യോഗസ്ഥർ ആദ്യം നിയമവിരുദ്ധ മയക്കുമരുന്നാണെന്ന് സംശയിച്ചുവെങ്കിലും പൊടി കൂടുതൽ അപകടകരമായ പദാർത്ഥമല്ലെന്ന് ഉറപ്പാക്കാൻ ലാബില്‍ പരിശോധന നടത്തുകയായിരുന്നു.
വൈറ്റ് ഹൗസിലേക്ക് കൊക്കെയ്ൻ കൊണ്ടുവന്നത് ആരാണെന്ന് അന്വേഷണ ഉദ്യോഗസ്ഥർ ഇതുവരെ തിരിച്ചറിഞ്ഞിട്ടില്ല, അന്വേഷണത്തെക്കുറിച്ച് പരസ്യമായി ചർച്ച ചെയ്യാൻ അധികാരമില്ലാത്തതും പേര് വെളിപ്പെടുത്താത്ത അവസ്ഥയിൽ സംസാരിച്ചവരാണ് വിവരം പുറത്തുവിട്ടത്.
പൗഡർ കണ്ടെത്തിയപ്പോൾ പ്രസിഡന്റ് ജോ ബൈഡൻ തന്റെ കുടുംബാംഗങ്ങൾക്കൊപ്പം ക്യാമ്പ് ഡേവിഡിൽ അവധിക്കാലം ചിലവഴിക്കുകയായിരുന്നു. മുൻകരുതലെന്ന നിലയിൽ വൈറ്റ് ഹൗസ് കുറച്ച് സമയത്തേക്ക് ഒഴിപ്പിച്ചു. സംശയാസ്പദമായ ഒരു പദാർത്ഥം അപകടകരമാണോ എന്ന് നിർണ്ണയിക്കാൻ സീക്രട്ട് സര്‍‌വ്വീസ് ഉടൻ തന്നെ അത് പരിശോധിക്കുന്നതും പിന്നീട് കൂടുതൽ സെൻസിറ്റീവ് ലാബ് പരിശോധനകൾ നടത്തുന്നതും പതിവാണ്.
വൈറ്റ് ഹൗസിന്റെ സുരക്ഷയുടെ ഉത്തരവാദിത്തമുള്ള യുഎസ് രഹസ്യാന്വേഷണ വിഭാഗം സന്ദർശക രേഖകളും സുരക്ഷാ ദൃശ്യങ്ങളും പരിശോധിച്ച് അന്വേഷണത്തിന് നേതൃത്വം നൽകി. നിരവധി ഔദ്യോഗിക സന്ദർശകരും ജീവനക്കാരും പ്രവേശിക്കുന്ന ലോബിയാണ്. വാരാന്ത്യങ്ങളിലും വൈകുന്നേരങ്ങളിലും ജോലി ചെയ്യാത്ത സമയങ്ങളിൽ ഷെഡ്യൂൾ ചെയ്തിട്ടുള്ള വെസ്റ്റ് വിംഗിന്റെ സ്റ്റാഫ് നയിക്കുന്ന ടൂറുകൾക്കും ഇത് തുറന്നിരിക്കുന്നു.
സീക്രട്ട് സര്‍‌വ്വീസ് സംഘങ്ങൾ അന്വേഷിച്ചതിനാൽ മുൻകരുതലെന്ന നിലയിലാണ് വൈറ്റ് ഹൗസ് അടച്ചതെന്നും വസ്തു അപകടകരമല്ലെന്ന് വിലയിരുത്താനും നിർണ്ണയിക്കാനും ഡിസ്ട്രിക്റ്റ് ഓഫ് കൊളംബിയ ഫയർ ഡിപ്പാർട്ട്‌മെന്റിനെ വിളിച്ചതായും രഹസ്യാന്വേഷണ വിഭാഗം ചൊവ്വാഴ്ച പ്രസ്താവനയിൽ പറഞ്ഞു.
“കണ്ടെടുത്ത വസ്തു കൂടുതൽ മൂല്യനിർണ്ണയത്തിനായി അയച്ചു. അത് വൈറ്റ് ഹൗസിൽ എങ്ങനെ പ്രവേശിച്ചു എന്നതിന്റെ കാരണവും രീതിയും സംബന്ധിച്ച അന്വേഷണമാണ് നടക്കുന്നത്,” സീക്രട്ട് സർവീസ് പറഞ്ഞു.
