മനുഷ്യരുടെ ജീവിതത്തിൻ്റെ യഥാർത്ഥ അവസ്ഥയും, അവരുടെ ബന്ധങ്ങളുടെ പ്രാധാന്യത്തെപ്പറ്റിയും പ്രത്യേകം എടുത്തുപറയേണ്ടിയിരിക്കുന്നു. അതായത് മനുഷ്യബന്ധങ്ങൾ എന്നത് സന്തോഷത്തിൻ്റെയും, പൂർണ്ണമായ ജീവിതത്തിൻ്റെയും, മൂലക്കല്ലാണ്. കാരണം ഇത്തരം ബന്ധങ്ങൾവഴി നമ്മുടെ ജീവിതം പങ്കിടാൻ സുഹൃത്തുക്കളെയും, കുടുംബാംഗങ്ങളെയും, അതുപോലെ പ്രയാസകരമായ സമയങ്ങളിൽ നമ്മളെ സഹായിക്കാൻ കഴിയുന്ന ആളുകളെയും, നമുക്ക് ലഭിക്കുന്നു. അതിലൂടെ നമുക്ക് ധാരാളം ചിരിയും, ധാരാളം സന്തോഷവും ഉണ്ടാകുന്നു. ഇത് ആളുകളെ സന്തോഷിപ്പിക്കുക മാത്രമല്ല, മെച്ചപ്പെട്ട ആരോഗ്യവും, ദീർഘായുസ്സും,ലഭിക്കുന്നു. അതുപോലെ ഇത്തരം ബന്ധങ്ങളെല്ലാം നമ്മുടെ ശക്തമായ ചില വികാരങ്ങളുമായിട്ടും ബന്ധപ്പെട്ടിരിക്കുന്നു. ഇവ പോസിറ്റീവ് ആയിരിക്കുമ്പോൾ നമുക്ക് ധാരാളം, സംതൃപ്തിയും, ശാന്തതയും, നൽകുന്നു.
നമ്മുടെ ജീവിതത്തിൽ ബന്ധങ്ങൾ എങ്ങനെ സ്വാധീനം ചെലുത്തുന്നു?. അർത്ഥവത്തായ ബന്ധങ്ങൾക്കെല്ലാം നമ്മെ സന്തോഷിപ്പിക്കാനും ആത്മാഭിമാനം വളർത്തിയെടുക്കാനും, കഴിയും. അതുപോലെതന്നെ ശക്തവും ആരോഗ്യകരവുമായ ബന്ധങ്ങളെല്ലാം, പ്രതിരോധ സംവിധാനത്തെ ശക്തിപ്പെടുത്താനും, രോഗങ്ങളിൽ നിന്ന് കരകയറാനും, ആയുസ്സ് വർദ്ധിപ്പിക്കാനും, സഹായിക്കുന്നു. പോസിറ്റീവ് ബന്ധങ്ങൾ വ്യക്തിത്വത്തിൻ്റെ വളർച്ചയ്ക്കും വികാസത്തിനും അത്യന്താപേക്ഷിതമായ വ്യക്തിത്വവും വിശ്വാസവും സുരക്ഷിതത്വവും വളർത്താൻ സഹായിക്കുന്നു. അതുകൊണ്ടുതന്നെ ബന്ധങ്ങൾ നമ്മുടെ വൈകാരികവും ശാരീരികവും മാനസികവുമായ ക്ഷേമത്തെ രൂപപ്പെടുത്തുന്നു. എന്നാൽ ശക്തമായ സാമൂഹിക പിന്തുണാ സംവിധാനങ്ങളും പോസിറ്റീവ് ബന്ധങ്ങളും ഉള്ള ആളുകൾ കൂടുതൽ കാലം ജീവിക്കുകയും, ആരോഗ്യകരമായ ജീവിതം നയിക്കുകയും, മികച്ച മാനസികാരോഗ്യ ഫലങ്ങൾ നേടുകയും ചെയ്യുന്നു.
സാമൂഹിക ബന്ധങ്ങൾ ആരോഗ്യ ശീലങ്ങളെ കൂടുതൽ സ്വാധീനിക്കുന്ന വിവരങ്ങൾ നൽകുകയും മാനദണ്ഡങ്ങൾ സൃഷ്ടിക്കുകയും ചെയ്യുന്നു. അതായത് നമ്മൾ മറ്റുള്ളവരുമായി ഇടപഴകുമ്പോൾ, നമ്മുടെ പ്രവർത്തനങ്ങൾ, നമ്മുടെ പെരുമാറ്റത്തിൽ വരുന്ന മാറ്റങ്ങൾ മുതലായവ ഒരു പ്രധാന പങ്ക് വഹിക്കുന്നു. എന്നാൽ മനുഷ്യരെന്ന നിലയിൽ, നമ്മുടെ ആരോഗ്യത്തിൻ്റെ എല്ലാ മേഖലകളിലും സാമൂഹിക ഇടപെടൽ അനിവാര്യമാണ്. കാരണം സാമൂഹിക ഇടപെടൽ നിങ്ങളുടെ അവകാശം, സുരക്ഷിതത്വം എന്നിവയെ പ്രോത്സാഹിപ്പിക്കുക മാത്രമല്ല, മറ്റുള്ളവരിൽ വിശ്വസിക്കാനും അവർ നിങ്ങളിൽ വിശ്വസിക്കാനും അനുവദിക്കുന്നു.എല്ലാ ബന്ധങ്ങളിലും നിങ്ങൾക്ക് ആവശ്യമുള്ള മൂന്ന് പ്രധാന ഘടകങ്ങൾ, പരസ്പര ബഹുമാനം. പരസ്പര വിശ്വാസം. പരസ്പര സ്നേഹം. എന്നിവയാണ് ഏതൊരു നല്ല ബന്ധത്തിനും വിശ്വാസത്തിൻ്റെ അടിത്തറ ആവശ്യമാണ്. അത് മറ്റുള്ളവരോടുള്ള ഉത്തരവാദിത്തബോധവും ഉത്കണ്ഠയും ഉളവാക്കാൻ കഴിയും.
വ്യക്തിബന്ധങ്ങൾ എല്ലാം നമ്മുടെ ജീവിതത്തിൻ്റെ അവിഭാജ്യഘടകമാണ്. ഇത് നമ്മുടെ വൈകാരികവും മാനസികവുമായ ക്ഷേമത്തെ സാരമായി ബാധിക്കുക മാത്രമല്ല ഇവർ നമുക്ക് പിന്തുണയും സ്‌നേഹവും സ്വന്തമായ ഒരു ബോധവും നൽകുന്നു. അതുപോലെ നമ്മുടെ ആരോഗ്യത്തിൻ്റെയും, സന്തോഷത്തിൻ്റെയും, കാര്യത്തിൽ സൗഹൃദങ്ങളാണ് നമുക്കുള്ള ഏറ്റവും പ്രധാനപ്പെട്ട ബന്ധങ്ങൾ എന്ന് തിരിച്ചറിയുമ്പോൾ നമ്മെ വാർദ്ധക്യത്തിലേക്ക് വളർത്തിയെടുക്കുവാനും, കൂടുതൽ കാലം ജീവിക്കുന്നതിനും, ഇത് സഹായിക്കും. അതുപോലെ മനുഷ്യത്വം, അഥവാ ഹ്യുമാനിറ്റീസ്, അല്ലെങ്കിൽ മാനുഷിക സംസ്കാരങ്ങളെക്കുറിച്ചുള്ള നമ്മുടെ അറിവ് വികസിപ്പിക്കുകയും, നമ്മെ പരസ്പരം ബന്ധിപ്പിക്കുന്നതും, വ്യത്യസ്തമാക്കുന്നതും, എന്താണെന്ന്കൂടി മനസ്സിലാക്കാനും സഹായിക്കുന്നു. എന്നാൽ ശക്തമായ വ്യക്തിബന്ധങ്ങൾക്ക് വെല്ലുവിളികൾ നേരിടാനും കൂടുതൽ സംതൃപ്തമായ ജീവിതം നയിക്കാനും നമ്മെ സഹായിക്കുമെങ്കിലും അവയ്ക്ക് നമ്മുടെ ജീവിതത്തെ എങ്ങനെ നല്ലതോ ചീത്തയോ, ആയി മാറ്റാൻ കഴിയും എന്നതിനെ നമ്മൾ പലപ്പോഴും നിസ്സാരമായി കാണുന്നു.
മനുഷ്യരുടെ ജീവിതത്തിൻ്റെ യഥാർത്ഥ അവസ്ഥയെ പറ്റി പറയുമ്പോൾ, ആധുനിക ജീവിതത്തിൽ ഒരുപാട് മാറ്റങ്ങൾ സംഭവിച്ചിരിക്കുന്നു എന്ന് എടുത്തു പറയേണ്ടിയിരിക്കുന്നു. കാരണം ഒരു വ്യക്തിയുടെ യഥാർത്ഥ ജീവിതവും, ഇന്നത്തെ സാമൂഹികപരമായ ആധുനിക ജീവിതവും തമ്മിലുള്ള വ്യത്യാസങ്ങൾ മനസ്സിലാക്കുന്നതിൽ നമ്മൾ പരാജയപ്പെടുന്നു. അതുകൊണ്ടുതന്നെ ആളുകൾക്കിടയിൽ ഉത്കണ്ഠ, കുറഞ്ഞ ആത്മവിശ്വാസം, ആത്മാഭിമാനമില്ലായ്മ, വിഷാദം, അസംതൃപ്തമായ ബന്ധങ്ങൾ എന്നിവയുൾപ്പെടെ നിരവധി മാനസികവും ആരോഗ്യകരവുമായ പ്രശ്നങ്ങൾക്ക് ഇത് കാരണമാകുന്നു. കാരണം സോഷ്യൽ മീഡിയ ഇന്ന് നമ്മുടെ ജീവിതത്തിൽ ഒരു പ്രധാന പങ്ക് വഹിക്കുന്നു എങ്കിലും ഇത് കൗമാരക്കാർക്കിടയിലും മുതിർന്നവർക്കിടയിലും ഒരുപോലെ മാനസികാരോഗ്യ പ്രശ്‌നങ്ങൾ ഉണ്ടാക്കുന്നതിൽ ഒരു മുഖ്യഘടകമായി മാറിയിരിക്കുന്നു.
യഥാർത്ഥ ജീവിതം പലപ്പോഴും ആകർഷകവും ആവേശകരവുമാണെന്ന് തോന്നുമെങ്കിലും, ആധുനിക ജീവിതം ഒരു സാഹസികതയാണെന്ന് നമ്മൾ തിരിച്ചറിയുന്നില്ല. കാരണം സോഷ്യൽ മീഡിയയുടെയും, സാങ്കേതികവിദ്യയുടെയും, ആവിർഭാവത്തോടെയുള്ള ജീവിതത്തിൽനിന്ന് നമ്മുടെ യഥാർത്ഥ ജീവിതത്തെ അകറ്റി നിർത്തുന്നത് വെല്ലുവിളിയായി മാറുന്നു. ഇത് പ്രത്യേകിച്ചും നിങ്ങളുടെ പങ്കാളികൾ, സുഹൃത്തുക്കൾ, കുടുംബാംഗങ്ങൾ എന്നിവരുമായുള്ള ബന്ധങ്ങൾ ഉൾപ്പെടെ ജീവിതത്തിൻ്റെ എല്ലാ മേഖലകളെയും സോഷ്യൽ മീഡിയ ബാധിക്കുന്നു . എന്നിരുന്നാലും ചില സന്ദർഭങ്ങളിൽ വിവേകത്തോടെ ഉപയോഗിക്കുമ്പോൾ അതുനമ്മുടെ കാഴ്ചപ്പാടുകൾ മാറ്റുകയും ആവേശത്തിനും, സന്തോഷത്തിനും, പകരം സമാധാനവും, ശാന്തതയും, ഉൾക്കൊള്ളുന്ന നിലവിലെ പോസിറ്റീവ് അനുഭവങ്ങളിലേക്ക് ശ്രദ്ധ കേന്ദ്രീകരിക്കുകയും ചെയ്യുന്നു.
നിങ്ങൾ സന്തോഷവാനായിരിക്കാൻ ആഗ്രഹിക്കുന്നുവെങ്കിൽ എപ്പോഴും നിങ്ങളുടെ ബന്ധങ്ങളിൽ ശ്രദ്ധ കേന്ദ്രീകരിക്കണം. വളരെ സന്തുഷ്ടരായ ആളുകൾ എല്ലാം സാമൂഹികവും ശക്തമായ ബന്ധങ്ങൾ ഉള്ളവരുമാണ്. അതുകൊണ്ട് സന്തോഷത്തെ ഒരു ലക്ഷ്യമാക്കി മാറ്റുന്നതിനുപകരം, ജീവിതത്തിൽ സന്തോഷകരമായ അനുഭവങ്ങൾ കണ്ടെത്താൻ നിങ്ങളെ സഹായിക്കുന്ന സാമൂഹിക ലക്ഷ്യങ്ങളിൽ ശ്രദ്ധ കേന്ദ്രീകരിക്കുക, അങ്ങനെ ബന്ധങ്ങൾക്ക് നല്ല പെരുമാറ്റങ്ങളെ പ്രോത്സാഹിപ്പിക്കാനും, നമ്മുടെ മാനസികാവസ്ഥയെ മെച്ചപ്പെടുത്താനും, കഴിയും. അതുകൊണ്ടുതന്നെ കുടുംബവുമായോ, സുഹൃത്തുക്കളുമായോ, സമൂഹവുമായോ, കൂടുതൽ സാമൂഹികമായി ബന്ധപ്പെട്ടിരിക്കുന്ന ആളുകളെല്ലാം എപ്പോഴും സന്തുഷ്ടരും, ശാരീരികമായി ആരോഗ്യമുള്ളവരും, കൂടുതൽ കാലം ജീവിക്കുന്നവരും ആണ്. അതുപോലെ ഇവരെല്ലാം മാനസികാരോഗ്യ പ്രശ്‌നങ്ങൾ കുറവുള്ളവരുമാണ്. അതുകൊണ്ടുതന്നെ ഇത്തരം ബന്ധങ്ങൾ എല്ലാം ആളുകളെ സന്തോഷിപ്പിക്കുക മാത്രമല്ല, അവരുടെ മെച്ചപ്പെട്ട ആരോഗ്യവും, ദീർഘായുസ്സുമായിട്ടും, ബന്ധപ്പെട്ടിരിക്കുന്നു.
ഒരു സമൂഹത്തിലെ ജീവിതനിലവാരം അളക്കുന്നത്, അതിലെ ആളുകൾ എത്ര കാലം സന്തോഷത്തോടെ ജീവിക്കുന്നു എന്നതിനെ അടിസ്ഥാനമാക്കിയാണ്. എന്നാൽ സാമൂഹിക നവീകരണംമൂലം മനുഷ്യ സമൂഹം കഴിഞ്ഞ നൂറ്റാണ്ടുകളായി വളരെയധികം മാറിയിരിക്കുന്നു. ഈ ‘ആധുനികവൽക്കരണ’ പ്രക്രിയ വ്യക്തികളുടെ ജീവിതത്തെ ആഴത്തിൽ സ്വാധീനിച്ചു. കാരണം കഴിഞ്ഞ അഞ്ച് തലമുറകൾക്ക് മുമ്പ് ജീവിച്ചിരുന്ന പിതാക്കന്മാരിൽ നിന്നും തികച്ചും വ്യത്യസ്തമായ ജീവിതമാണ് ഇപ്പോൾ നമ്മൾ ജീവിക്കുന്നത്. ഇന്നത്തെ ഏറ്റവും ആധുനിക സമൂഹങ്ങളിൽ ആളുകൾ കൂടുതൽ കാലം സന്തോഷത്തോടെ ജീവിക്കുന്നു. എന്നിരുന്നാലും ആളുകൾ പ്രായമാകുമ്പോൾ, അവർ പലപ്പോഴും കൂടുതൽ സമയവും ചെലവഴിക്കുന്നത് തനിച്ചാണ്. ഇത് ഏകാന്തതയ്ക്കും സാമൂഹിക ഒറ്റപ്പെടലിനും ഇടയാകുന്നു. എന്നാൽ സുഹൃത്തുക്കളുമായും കുടുംബാംഗങ്ങളുമായും സമയം ചെലവഴിക്കുമ്പോൾ ജീവിത നിലവാരം വർദ്ധിപ്പിക്കുകയും, ആരോഗ്യവും, സന്തോഷവുംഉണ്ടാകുകയും ചെയ്യുന്നു. ഇത് മുതിർന്നവരുടെ മാനസിക തകർച്ച തടയാൻ സഹായിക്കുന്നു.
ആളുകളുടെ യഥാർത്ഥ ജീവിതത്തിലെ പ്രശ്‌നങ്ങളിലേക്കോ അവരുടെ ജീവിതത്തിലെ പ്രതികൂല സംഭവങ്ങളിലേക്കോ വ്യക്തികൾ എന്ന നിലയിൽ ശരിയായ വെളിച്ചം വീശുന്നതിൽ പരാജയപ്പെടുന്നതിനാൽ, സാമൂഹിക ജീവിതത്തിൻ്റെ അതിരുകൾ നാം മനസ്സിലാകേണ്ടതുണ്ട്. കാരണം മറ്റുള്ളവരുടെ സാമൂഹിക ജീവിതത്തിൽ നിന്നുള്ള യഥാർത്ഥ പ്രതീക്ഷകൾ, നമ്മുടെ ആത്മവിശ്വാസത്തെ ബാധിക്കുകയും, ചിലപ്പോൾ പരാജയത്തിലേക്ക് നയിക്കുകയും ചെയ്യുന്നു. അതുകൊണ്ടുതന്നെ നമ്മൾ കെട്ടിപ്പടുക്കുകയും വളർത്തുകയും ചെയ്യുന്ന ബന്ധങ്ങളുടെ ഗുണനിലവാരം വളരെ പ്രധാനമാണ്. കാരണം നമുക്ക് ലഭിക്കുന്ന പിന്തുണയുടെ അളവ് നമ്മൾ ജീവിതത്തിലുടനീളം സൃഷ്ടിച്ച ബന്ധങ്ങളുടെ ദൃഢതയെ അടിസ്ഥാനമാക്കിയായിരിക്കും. എന്നിരുന്നാലും അവയിൽ പലതും അറിഞ്ഞോ അറിയാതെയോ നമ്മുടെ ജീവിത ലക്ഷ്യങ്ങളായി മാറുന്നു. ഒടുവിൽ നമ്മൾ ഓരോരുത്തർക്കും ജീവിക്കാനുള്ള അർത്ഥം പതുക്കെ നഷ്ടപ്പെടും, അവസാനം ഒരു പുഷ്പം പൂക്കും മുമ്പ് മരിക്കും എന്ന് പറയുമ്പോലെ. ഇന്നു ഞാൻ നാളെ നീ എന്ന് ചിന്തിക്കുക.
