ഭോപ്പാൽ: സ്‌കൂളിലെ ചില വികൃതികളായ ആൺകുട്ടികൾ വിദ്യാർത്ഥിനികളുടെ വെള്ളക്കുപ്പികളിൽ മൂത്രം നിറച്ച സംഭവം വന്‍ പ്രതിഷേധത്തിന് വഴിയൊരുക്കി. സംസ്ഥാനത്തെ മണ്ഡ്‌ല ജില്ലയിലെ ഒരു സ്‌കൂളിലാണ് ക്രൂരമായ സംഭവം നടന്നത്.
വിദ്യാർഥിനികൾ വെള്ളം കുടിക്കാൻ കുപ്പി എടുത്തപ്പോൾ ഗന്ധത്തിൽ നിന്ന് അത് വെള്ളമല്ല മൂത്രമാണെന്ന് മനസ്സിലായി. മണ്ഡ്‌ല ജില്ലയിലെ ബിച്ചിയ ഡെവലപ്‌മെന്റ് ബ്ലോക്കിന് കീഴിലുള്ള ലാഫ്ര ഗ്രാമപഞ്ചായത്തിലെ ഹയർ സെക്കൻഡറി സ്‌കൂളിലാണ് സംഭവം നടന്നത്. വിദ്യാർഥിനികൾ സ്‌കൂൾ മാനേജ്‌മെന്റിനെയും രക്ഷിതാക്കളെയും വിവരം അറിയിച്ചു. ഇക്കാര്യം രക്ഷിതാക്കൾ കോട്വാർ ഗ്രാമത്തെയും അറിയിച്ചതായി പറയപ്പെടുന്നു.
സംഭവത്തെ തുടർന്ന് രക്ഷിതാക്കൾക്കിടയിൽ കടുത്ത അമർഷം ഉയരുകയും നിലവിലെ സ്‌കൂൾ മാനേജ്‌മെന്റ് കമ്മിറ്റി പിരിച്ചുവിടണമെന്ന് ആവശ്യപ്പെടുകയും ചെയ്യുന്നുണ്ട്.
ട്രൈബൽ ഡെവലപ്‌മെന്റ് ഡിപ്പാർട്ട്‌മെന്റ് അസിസ്റ്റന്റ് കമ്മീഷണർ വിജയ് ടേകം ആണ് ഈ വിവരം അറിയിച്ചത്. ഇതുസംബന്ധിച്ച് പരാതി ലഭിച്ചതായി അദ്ദേഹം പറഞ്ഞു.
രണ്ട് കുപ്പികൾ, ഇതിൽ ഒരു കുപ്പി പെൺകുട്ടികൾ വെള്ളം ഉപയോഗിച്ച് കഴുകിയപ്പോൾ മറ്റൊരു കുപ്പിയിൽ കുറച്ച് വെള്ളത്തിന് സമാനമായ പദാർത്ഥം കണ്ടു. ഇതേക്കുറിച്ച് അന്വേഷിക്കുകയാണ്. ഇതുവരെ, ഇക്കാര്യത്തിൽ സത്യാവസ്ഥ പുറത്തു വന്നിട്ടില്ല. കാരണം ഇത് വിദ്യാർത്ഥികളുമായി ബന്ധപ്പെട്ടതാണ്. അതുകൊണ്ടാണ് ഈ കേസിന്റെ അന്വേഷണത്തിൽ അതീവ ജാഗ്രത പുലർത്തുന്നത്. ഇക്കാര്യത്തിൽ അന്വേഷണം നടക്കുകയാണെന്ന് കമ്മീഷണര്‍ വിജയ് ടേകം പറഞ്ഞു. അന്വേഷണം പൂർത്തിയാകാതെ ഇക്കാര്യത്തിൽ അഭിപ്രായം പറയാനാകില്ലെന്നും അദ്ദേഹം കൂട്ടിച്ചേര്‍ത്തു.
