ഗുവാഹത്തി: ഒറ്റത്തവണ ഉപയോഗിക്കുന്ന പ്ലാസ്റ്റിക്കിന് അസം സർക്കാർ നിരോധനം ഏർപ്പെടുത്തി. ഈ വർഷം ഒക്ടോബർ 2 മുതൽ പ്രാബല്യത്തിൽ വരുന്ന നിരോധനം ഒരു ലിറ്ററിൽ താഴെയുള്ള പോളിയെത്തിലീൻ ടെറഫ്താലേറ്റ് (പിഇടി) കൊണ്ട് നിർമ്മിച്ച കുടിവെള്ള കുപ്പികളുടെ നിർമ്മാണവും ഉപയോഗവും നിരോധിക്കും.
അസം മുഖ്യമന്ത്രി ഡോ. ഹിമന്ത ബിശ്വ ശർമയുടെ അദ്ധ്യക്ഷതയിൽ ഗുവാഹത്തിയിലെ ജനതാഭവനിൽ ചേർന്ന സംസ്ഥാന മന്ത്രിസഭാ യോഗത്തിലാണ് തീരുമാനം. യോഗത്തിന് ശേഷം മന്ത്രിസഭാ തീരുമാനങ്ങളെ കുറിച്ച് മുഖ്യമന്ത്രി ശർമ്മ മാധ്യമങ്ങൾക്ക് വിശദമായ വിവരങ്ങൾ നൽകി. 2021 ലെ പ്ലാസ്റ്റിക് വേസ്റ്റ് മാനേജ്മെന്റ് (ഭേദഗതി) ചട്ടങ്ങൾ അനുസരിച്ച് സംസ്ഥാനത്ത് ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്ക് നിരോധനം കർശനമായി നടപ്പാക്കാനും, ഒരു ലിറ്ററിൽ താഴെയുള്ള പിഇടി ഉപയോഗിച്ച് നിർമ്മിച്ച കുടിവെള്ള കുപ്പികളുടെ നിർമ്മാണവും ഉപയോഗവും നിരോധിക്കുന്നതിന് സംസ്ഥാന മന്ത്രിസഭ അംഗീകാരം നൽകിയതായി മുഖ്യമന്ത്രി ശർമ്മ പറഞ്ഞു.
സർക്കാരിന്റെ ഈ നിരോധനം ഈ വർഷം ഒക്ടോബർ 2 മുതൽ 3 മാസത്തെ പരിവർത്തന കാലയളവോടെ പ്രാബല്യത്തിൽ വരും. ‘ഒക്ടോബർ 2 മുതൽ 2 ലിറ്ററിൽ താഴെ ശേഷിയുള്ള PET ഉപയോഗിച്ച് നിർമ്മിച്ച കുടിവെള്ള കുപ്പികളുടെ നിർമ്മാണവും ഉപയോഗവും സംസ്ഥാന സർക്കാർ നിരോധിക്കുമെന്ന് അസം മുഖ്യമന്ത്രി പറഞ്ഞു. പ്രളയരഹിത അസം വിഭാവനം ചെയ്തുകൊണ്ട് എഡിബിയുടെ സഹായത്തോടെ 2097 കോടി രൂപ ചെലവിൽ ‘കാലാവസ്ഥയെ പ്രതിരോധിക്കുന്ന ബ്രഹ്മപുത്ര സംയോജിത വെള്ളപ്പൊക്കവും നദിക്കരയിലെ മണ്ണൊലിപ്പ് അപകടസാധ്യത മാനേജ്മെന്റ് പദ്ധതിയും’ സംസ്ഥാന മന്ത്രിസഭ അംഗീകരിച്ചതായും മുഖ്യമന്ത്രി പറഞ്ഞു.
