കാസര്‍കോട്: മണിപ്പൂര്‍ വിഷയത്തിന്റെ മറവില്‍ ഹിന്ദുക്കളെ കൊല്ലാന്‍ ആഹ്വാനം ചെയ്ത് മുസ്ലീം യൂത്ത് ലീഗ്. കാസർകോട് കാഞ്ഞങ്ങാട് ജില്ലാ കമ്മിറ്റിയുടെ നേതൃത്വത്തിൽ നടന്ന മാർച്ചിലാണ് ജനകീയ പ്രതിഷേധത്തിന്റെ പേരിൽ ഹിന്ദുക്കളെ കൊല്ലുക എന്ന മുദ്രാവാക്യം ഉയർന്നത്. റോഡിലൂടെ പരസ്യമായി പ്രകടനം നടത്തിയത് ജനങ്ങളെ ഭീതിയിലാഴ്ത്തി.
ഇന്നലെ വൈകിട്ടാണ് നഗരമധ്യത്തിൽ പ്രതിഷേധ റാലി നടന്നത്. “അമ്പല നടയില്‍ കെട്ടിത്തൂക്കി…പച്ചക്കിട്ട് കത്തിക്കും…” എന്ന മുദ്രാവാക്യങ്ങളോടെയാണ് പ്രകടനത്തില്‍ പങ്കെടുത്തവര്‍ വിളിച്ചുപറഞ്ഞത്. പ്രതിഷേധ പരിപാടിയിൽ സ്ത്രീകളടക്കം നിരവധി പേർ പങ്കെടുത്തു. ഇതിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.
മുസ്ലിം യൂത്ത് ലീഗ് ദേശീയ ജനറൽ സെക്രട്ടറി അഡ്വ. ഫൈസൽ ബാബു റാലി ഉദ്ഘാടനം ചെയ്തു. ഹിന്ദു വിശ്വാസികളെ കൊല്ലുമെന്ന് പരസ്യമായി പ്രഖ്യാപിച്ചിട്ടും പ്രകടനത്തിനെതിരെ പൊലീസ് കേസെടുത്തില്ലെന്ന ആക്ഷേപവും ഉയരുന്നുണ്ട്.
