റഷ്യയുടെ ചാന്ദ്ര ദൗത്യം പരാജയപ്പെടാനുള്ള കാരണം : റഷ്യ അതിന്റെ ചരിത്രപരമായ ചാന്ദ്ര ദൗത്യം കുറച്ച് ദിവസങ്ങൾക്ക് മുമ്പ് ആരംഭിച്ചത്. എന്നാല്‍, 47 വർഷത്തിന് ശേഷം ആരംഭിച്ച ഈ ചാന്ദ്ര ദൗത്യം ലൂണ-25 ചന്ദ്രോപരിതലത്തിൽ തകർന്നു വീണു. റഷ്യയുടെ ബഹിരാകാശ ഏജൻസിയാണ് ഈ ദൗത്യം പരാജയപ്പെട്ടതിന്റെ കാരണം ഇപ്പോൾ വ്യക്തമാക്കിയിരിക്കുന്നത്.
ഓഗസ്റ്റ് 11 നാണ് റഷ്യ അവരുടെ ചാന്ദ്ര ദൗത്യത്തിന് കീഴിൽ ലൂണ -25 ലാൻഡർ വിക്ഷേപിച്ചത്. റഷ്യയുടെ ബഹിരാകാശ ഏജൻസിയായ റോസ്‌കോസ്‌മോസ് വളരെക്കാലമായി ഈ ദൗത്യത്തിനായി തയ്യാറെടുക്കുകയായിരുന്നു. വലിയ പ്രതീക്ഷയോടെയാണ് അവര്‍ ഈ ദൗത്യം ആരംഭിച്ചത്. ദൗത്യത്തിന് ലൂണ-ഗ്ലോബ് എന്ന് പേരും കൊടുത്തു. സോയൂസ് 2.1 ബി റോക്കറ്റാണ് ഇതിനായി ഉപയോഗിച്ചത്. എന്നാല്‍, നിര്‍ഭാഗ്യവശാല്‍ ഈ ദൗത്യം വിജയിച്ചില്ല. ഓഗസ്റ്റ് 20 ന്, ലൂണ-25 ചന്ദ്രോപരിതലത്തിൽ തകർന്നു വീഴുകയായിരുന്നു. അടുത്തിടെ ഇതേക്കുറിച്ച് സംസാരിക്കവെ റഷ്യയുടെ ബഹിരാകാശ ഏജൻസി മേധാവി തന്റെ ചാന്ദ്രദൗത്യം പരാജയപ്പെട്ടതിന്റെ കാരണം വ്യക്തമാക്കി.
റഷ്യന്‍ ബഹിരാകാശ ഏജൻസിയുടെ ഡയറക്ടർ ജനറൽ യൂറി ബോറിസോവ് തന്റെ ചാന്ദ്ര ദൗത്യം പരാജയപ്പെട്ടതിന്റെ കാരണം വിശദീകരിച്ചു. ചാന്ദ്ര ദൗത്യത്തിനായി ഇത്രയും കാലം കാത്തിരുന്നതാണ് അതിന്റെ പരാജയത്തിന് പ്രധാന കാരണമെന്ന് ബോറിസോവ് പറഞ്ഞു. 1960 കളിലും 1970 കളിലും തന്റെ ശാസ്ത്രജ്ഞർ അവരുടെ തെറ്റുകളിൽ നിന്ന് ഒരുപാട് കാര്യങ്ങൾ പഠിച്ചുവെന്നും, തെറ്റുകൾ തിരുത്താൻ അനുഭവം ഉപയോഗിക്കണമായിരുന്നുവെന്നും ബോറിസോവ് പറഞ്ഞു. എന്നാൽ, ചന്ദ്രദൗത്യം നീണ്ടുനിന്നതിനാൽ ശാസ്ത്രജ്ഞർ ആ കാര്യങ്ങൾ മറന്നു, അതുകൊണ്ടാണ് അവരുടെ ചന്ദ്രദൗത്യം പരാജയപ്പെട്ടത്.
ഈ ചാന്ദ്ര ദൗത്യത്തിന്റെ പരാജയത്തെക്കുറിച്ച് സംസാരിച്ച ബോറിസോവും ഇത് അവസാനമല്ലെന്ന് പറഞ്ഞു. അവരുടെ ചാന്ദ്ര ദൗത്യം തുടരും, റഷ്യ തീർച്ചയായും ചന്ദ്രനിൽ എത്തും. സോവിയറ്റ് യൂണിയൻ മുമ്പ് ചന്ദ്രനിൽ എത്തിയിട്ടുണ്ടെങ്കിലും, റഷ്യ രൂപീകരിച്ചതിനുശേഷം അവ വിജയിച്ചിട്ടില്ല.
