മുംബൈ: സൂപ്പർ സ്റ്റാർ ഷാരൂഖ് ഖാന്റെ മകൾ സുഹാന ഖാൻ സോയ അക്തറിന്റെ (Suhana Khan Soya Aktar) വരാനിരിക്കുന്ന നെറ്റ്ഫ്ലിക്സ് ചിത്രമായ ‘ദ ആർച്ചീസി’ൽ ആദ്യമായി അഭിനയിക്കാൻ ഒരുങ്ങുകയാണ് കിംഗ് ഖാന്‍. ഒരു വശത്ത് ഷാരൂഖ് ചിത്രം ‘ജവാൻ’ (Jawan) സെപ്റ്റംബർ 7 ന് റിലീസ് ചെയ്യാനൊരുങ്ങുമ്പോള്‍, മറുവശത്ത് സുഹാനയുടെ ആദ്യ ചിത്രം ‘ദി ആർച്ചീസ്’ ഡിസംബർ 7 ന് റിലീസ് ചെയ്യും. രണ്ട് ചിത്രങ്ങളുടെയും ആരാധകർ ആവേശത്തിലാണ്. അതിനിടയിലാണ് ഇപ്പോൾ അദ്ദേഹത്തിന്റെ ആരാധകർക്കായി പുതിയ വാര്‍ത്ത പുറത്തുവന്നിരിക്കുന്നത്.
സമീപകാല മാധ്യമ റിപ്പോർട്ടുകൾ അനുസരിച്ച്, അടുത്ത പ്രോജക്റ്റിൽ അച്ഛനും മകളും അതായത് ഷാരൂഖും സുഹാനയും ഒരുമിച്ച് സ്ക്രീനിൽ പ്രത്യക്ഷപ്പെടും. ‘കഹാനി 2’, ‘ബദ്‌ല’ തുടങ്ങിയ വിജയചിത്രങ്ങൾക്ക് പേരുകേട്ട സുജോയ് ഘോഷ് ആണ് സുഹാനയും ഷാരൂഖും അഭിനയിക്കുന്ന പുതിയ ചിത്രം സംവിധാനം ചെയ്യുന്നത്. ഇതൊരു ചാര ചിത്രമായിരിക്കുമെന്നും പറയപ്പെടുന്നു.
ചിത്രത്തിലെ ഷാരൂഖിന്റെ വേഷം ചെറുതായിരിക്കില്ല. എന്നാൽ, ഇത് ഒരു നീണ്ട കാമിയോ ആയിരിക്കും എന്നാണ് മാധ്യമങ്ങൾ റിപ്പോർട്ട് ചെയ്യുന്നത്. ‘ഡിയർ സിന്ദഗി’ എന്ന സിനിമയിൽ കിംഗ് ഖാൻ അഭിനയിച്ചതിന് സമാനമായ ഒന്ന്. മറുവശത്ത്, ചിത്രത്തിൽ ഒരു കുറ്റാന്വേഷകയുടെ വേഷത്തിലാണ് സുഹാനയെ കാണാനാകുക എന്നാണ് സുഹാനയുടെ വേഷത്തെക്കുറിച്ച് പറയുന്നത്. ചിത്രത്തിന്റെ പ്രീ പ്രൊഡക്ഷൻ ജോലികളും ആരംഭിച്ചതായാണ് റിപ്പോർട്ടുകൾ.
സെപ്റ്റംബർ 7 വ്യാഴാഴ്ച ബിഗ് സ്ക്രീനിൽ റിലീസ് ചെയ്യുന്ന അദ്ദേഹത്തിന്റെ ‘ജവാൻ’ കാണാൻ ഷാരൂഖിന്റെ ആരാധകർ ആകാംക്ഷയിലാണ്. ചിത്രത്തിന്റെ മുൻകൂർ ടിക്കറ്റ് ബുക്കിംഗുകൾ ഇതിനകം തന്നെ തരംഗം സൃഷ്ടിച്ച് മുന്നേറുകയാണ്. അറ്റ്‌ലി സംവിധാനം ചെയ്യുന്ന ഈ ചിത്രത്തിൽ നയൻതാരയാണ് നായികയായി എത്തുന്നത്. ഇവരെ കൂടാതെ സുനിൽ ഗ്രോവർ, വിജയ് സേതുപതി, ദീപിക പദുക്കോൺ, സന്യ മൽഹോത്ര തുടങ്ങിയ അഭിനേതാക്കളുമുണ്ട്.
