റിയാദ്: ജി20 ഉച്ചകോടിയ്ക്കായി സൗദി കിരീടാവകാശി മുഹമ്മദ് ബിൻ സൽമാൻ രാജകുമാരൻ (Saudi Crown Prince Mohammed bin Salman) ഇന്ത്യ സന്ദർശിക്കും. സന്ദർശന വേളയിൽ ഉഭയകക്ഷി ബന്ധവും വിവിധ മേഖലകളിലെ സഹകരണവും ചർച്ച ചെയ്യും.
ജി 20 ഉച്ചകോടിയിൽ (G20 Summit) പങ്കെടുക്കുന്നതിനായി ഇന്ത്യ സന്ദര്‍ശിക്കുന്ന അദ്ദേഹം, സെപ്റ്റംബർ 11 ന് സംസ്ഥാന സന്ദർശനം നടത്തും. തന്റെ ഒരു ദിവസത്തെ സന്ദർശന വേളയിൽ, പ്രധാനമന്ത്രി നരേന്ദ്ര മോദിയുമായി ചർച്ച നടത്തിയേക്കും.
അടുത്തിടെ സൗദി അംബാസഡർ സാലിഹ് ഈദ് അൽഹുസൈനി ഇന്ത്യൻ വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തിയിരുന്നു. “എല്ലാ ഡൊമെയ്‌നുകളിലും ഇന്ത്യ-സൗദി അറേബ്യ ബന്ധത്തിന്റെ കൂടുതൽ വികസനത്തിനും പുരോഗതിക്കും വേണ്ടി കാത്തിരിക്കുക,” കൂടിക്കാഴ്ചയ്ക്ക് ശേഷം ജയശങ്കർ ട്വീറ്റ് ചെയ്തു.
2019 ഫെബ്രുവരിയിലാണ് സൗദി കിരീടാവകാശി അവസാനമായി ഇന്ത്യ സന്ദർശിച്ചത്. സൗദി അറേബ്യയും ഇറാനും തമ്മിലുള്ള സൗഹൃദത്തിന് ചൈന ഇടനിലക്കാരനായതിന് ശേഷമുള്ള ആദ്യ സന്ദർശനമായിരിക്കും രാജകുമാരന്റെ വരാനിരിക്കുന്ന സന്ദർശനം.
അതിനിടെ കിരീടാവകാശിയുടെ സന്ദർശനത്തിനായി പാക്കിസ്താന്‍ സമ്മർദ്ദം ചെലുത്തുന്നുണ്ട്. 2019 ഫെബ്രുവരിയിൽ അദ്ദേഹം ഇന്ത്യ സന്ദർശിച്ചപ്പോൾ പാക്കിസ്ഥാനിലേക്കും പോയിരുന്നു.
ഇതുവരെ ഔദ്യോഗികമായി ഒന്നും സ്ഥിരീകരിച്ചിട്ടില്ലെങ്കിലും ഇന്ത്യാ സന്ദർശനത്തിനിടെ സൗദി കിരീടാവകാശി പാക്കിസ്താസ്ഥാനിലേക്ക് പോയേക്കുമെന്ന് സൂചനയുണ്ട്. ഇരുവശത്തുനിന്നും സ്ഥിരീകരണമൊന്നും ഉണ്ടായിട്ടില്ല.
