വാരണാസി: ജ്ഞാനവാപി മസ്ജിദ് (Gyanvapi Mosque) സമുച്ചയത്തിൽ ആർക്കിയോളജിക്കൽ സർവേ ഓഫ് ഇന്ത്യയുടെ (Archaeological Survey of India’s – ASI) സർവേ നിർത്തിവെക്കണമെന്ന് ആവശ്യപ്പെട്ട് അഞ്ജുമാൻ ഇന്റസാമിയ മസ്ജിദ് കമ്മിറ്റി (Anjuman Intezamia Masjid Committee – AIMC) വാരണാസി ജില്ലാ മജിസ്‌ട്രേറ്റിന് (ഡിഎം) കത്തയച്ചു.
സെപ്തംബർ 2 ന് ശേഷം എഎസ്ഐ നടത്തുന്ന സർവേ അസാധുവാണെന്ന് പള്ളി കമ്മിറ്റി പറഞ്ഞു. കാരണം, സെപ്തംബർ 8 ന് വാദം കേൾക്കാനിരുന്ന വാരണാസി ജില്ലാ കോടതിയിൽ ഹെറിറ്റേജ് ബോഡി എട്ട് ആഴ്ച കൂടി സമയം ആവശ്യപ്പെട്ട് അപേക്ഷ സമര്‍പ്പിച്ചിട്ടുണ്ട്.
“ഇതുവരെ, കോടതി സമയപരിധി നീട്ടുകയോ സർവേ തുടരാൻ ഉത്തരവിടുകയോ ചെയ്തിട്ടില്ല. സെപ്തംബർ രണ്ടിന് ശേഷം ജ്ഞാനവാപി പള്ളിയിൽ എഎസ്ഐ നടത്തിയ സർവേ അസാധുവായി. അതിനാൽ, സർവേ നിർത്തിവയ്ക്കാൻ ഞങ്ങൾ ജില്ലാ ഭരണകൂടത്തോട് അഭ്യർത്ഥിച്ചു, ”എഐഎംസി ജോയിന്റ് സെക്രട്ടറി എസ്എം യാസീൻ വ്യാഴാഴ്ച പറഞ്ഞു.
എന്നാൽ, വിഷയം സബ് ജുഡീഷ്യൽ ആയതിനാൽ ജില്ലാ ഭരണകൂടത്തിന് ഇടപെടാനാകില്ലെന്ന് വാരാണസി ഡിഎം എസ് രാജലിംഗം പറഞ്ഞു. ഇതിന് എഎസ്‌ഐക്ക് ഒരു നിർദ്ദേശവും നൽകാനും കഴിയില്ല. ഇത് അവരെ (എഐഎംസി ഭാരവാഹികൾ) അറിയിച്ചിട്ടുണ്ട്.
സെപ്തംബർ രണ്ടിന് എഎസ്ഐ സർവേ റിപ്പോർട്ട് സമർപ്പിക്കേണ്ടതുണ്ടെന്നും എന്നാൽ റിപ്പോർട്ട് സമർപ്പിക്കാൻ എട്ടാഴ്ചത്തെ സമയം ആവശ്യപ്പെട്ട് വാരാണസി ജില്ലാ കോടതിയിൽ അപേക്ഷ നൽകിയെന്നും സമിതി വ്യക്തമാക്കി.
ജില്ലാ ജഡ്ജി അവധിയിലായതിനാൽ വിഷയം അഡീഷണൽ ജില്ലാ ജഡ്ജി-ഐ (എഡിജെ) കോടതിയിൽ സമർപ്പിച്ചു.
ജില്ലാ ജഡ്ജിയുടെ കോടതിയിൽ വിഷയം അവതരിപ്പിക്കാൻ എഡിജെ ഉത്തരവിട്ടു.
ഫയൽ അടുത്ത വാദം കേൾക്കുന്ന ദിവസം വെള്ളിയാഴ്ച സമർപ്പിക്കാൻ കോടതി ഉത്തരവിട്ടതായി എസ്എം യാസീൻ പറഞ്ഞു.
