മെരിലാന്റ്: മെരിലാൻഡിന്റെ ചീഫ് പെർഫോമൻസ് ഓഫീസറായി അസ്മ മിർസയെ (Asma Mirza) തിരഞ്ഞെടുത്തതായി ഗവണ്ണര്‍ വെസ് മൂര്‍ ഓഗസ്റ്റ് 31-ന് പ്രഖ്യാപിച്ചു. യു എസ് പ്രസിഡന്റ് ജോ ബൈഡന്റെ 1.2 ട്രില്യൺ ഡോളറിന്റെ ചരിത്രപരമായ ബൈപാർട്ടിസൻ ഇൻഫ്രാസ്ട്രക്ചർ നിയമം നടപ്പാക്കുന്നതിന് മേൽനോട്ടം വഹിച്ച, മുൻ വൈറ്റ് ഹൗസ് ഉദ്യോഗസ്ഥയാണ് അസ്മ. മെരിലാന്റ് ഗവർണറുടെ സ്റ്റാഫുകളുമായും കാബിനറ്റ് സെക്രട്ടറിമാരുമായും ചേർന്ന് എല്ലാ മെരിലാൻഡുകാര്‍ക്കും മികച്ച സേവനം നല്‍കുന്നതിനുള്ള തന്ത്രങ്ങൾ രൂപപ്പെടുത്തുന്നതിനും നടപ്പിലാക്കുന്നതിനും വേണ്ടി അസ്മ പ്രവർത്തിക്കുമെന്ന് ഗവർണർ വെസ് മൂർ പറഞ്ഞു.
“പ്രതിഭയും അർപ്പണബോധവും അനുഭവപരിചയവുമുള്ള മറ്റൊരു മുതിർന്ന സ്റ്റാഫ് അംഗത്തെ ഞങ്ങളുടെ ടീമിലേക്ക് സ്വാഗതം ചെയ്യുന്നതിൽ എനിക്ക് അതിയായ സന്തോഷമുണ്ട്,” മൂർ പറഞ്ഞു. മാറ്റങ്ങളിലൂടെ നയിക്കുന്നതിനും വലിയ വെല്ലുവിളികൾ പരിഹരിക്കുന്നതിനുള്ള പുതിയ സമീപനങ്ങൾ സൃഷ്ടിക്കുന്നതിനുമുള്ള അസ്മയുടെ വൈദഗ്ധ്യം നമ്മുടെ സംസ്ഥാനത്തിന് അസാധാരണമായ ഒരു മുതൽക്കൂട്ടായിരിക്കും. കൂടാതെ, ശക്തമായ ഒരു മെരിലാൻഡ് കെട്ടിപ്പടുക്കാനുള്ള ഞങ്ങളുടെ ദൗത്യം നിറവേറ്റാൻ സഹായിക്കുകയും ചെയ്യും, അദ്ദേഹം പറഞ്ഞു.
വൈറ്റ് ഹൗസ് ഇൻഫ്രാസ്ട്രക്ചർ ഇംപ്ലിമെന്റേഷൻ ടീമിന്റെ ഇംപ്ലിമെന്റേഷൻ മാനേജ്‌മെന്റിന്റെ ഡെപ്യൂട്ടി ആയും പ്രസിഡന്റിന്റെ സ്‌പെഷ്യൽ അസിസ്റ്റന്റായും മിർസ സേവനമനുഷ്ഠിച്ചിട്ടുണ്ട്.
കോവിഡ് -19-നോടുള്ള പ്രതികരണം മുതൽ അമേരിക്കയുടെ ഇൻഫ്രാസ്ട്രക്ചർ പുനർനിർമ്മിക്കുക, 2016 ലും 2020 ലും പ്രസിഡന്റ് അധികാരത്തിന്റെ സമാധാനപരമായ പരിവർത്തനം ഉറപ്പാക്കുന്നത് വരെ, രാജ്യവും സമ്പദ്‌വ്യവസ്ഥയും അഭിമുഖീകരിക്കുന്ന ചില പ്രയാസകരമായ പ്രശ്‌നങ്ങളിൽ മിർസ തന്റെ കഴിവ് പ്രകടിപ്പിച്ചിട്ടുണ്ട്.
“കോവിഡ്-19നോടുള്ള പ്രതികരണം മുതൽ നമ്മുടെ രാജ്യത്തിന്റെ അടിസ്ഥാന സൗകര്യങ്ങൾ പുനർനിർമ്മിക്കുന്നത് വരെ രാജ്യം നേരിടുന്ന ഏറ്റവും കഠിനമായ ചില വെല്ലുവിളികളിൽ പൊതുസേവനത്തിൽ അസ്മ മിർസ തന്റെ കരിയർ ചെലവഴിച്ചു,” പ്രസിഡന്റിന്റെ മുതിർന്ന ഉപദേഷ്ടാവും വൈറ്റ് ഹൗസ് ഇൻഫ്രാസ്ട്രക്ചർ കോർഡിനേറ്ററുമായ മിച്ച് ലാൻഡ്രിയു പറഞ്ഞു.
“ഫെഡറൽ നിയമനത്തിനുള്ള പ്രക്രിയ സജ്ജീകരിക്കുന്നത് മുതൽ ഡാറ്റ പ്രോസസ്സ് സൃഷ്‌ടിക്കുന്നത് വരെ ബൈപാർട്ടിസൻ ഇൻഫ്രാസ്ട്രക്ചർ നിയമം നടപ്പിലാക്കുന്നതിലെ ഞങ്ങളുടെ വിജയത്തിന്റെ നിർണായക ഭാഗമാണ് അസ്മ. അങ്ങനെ അമേരിക്കക്കാർക്ക് നിയമം അവരുടെ കമ്മ്യൂണിറ്റിയെ എങ്ങനെ ബാധിക്കുന്നുവെന്ന് കാണാൻ കഴിയും. മെരിലാൻഡിന്റെ സംസ്ഥാന ഗവൺമെന്റ് പ്രകടനത്തെ പുതിയ ഉയരങ്ങളിലേക്ക് നയിക്കുമ്പോൾ ഗവർണർ മൂറിന് അസ്മ ഒരു വലിയ സമ്പത്തായിരിക്കും.
ജോർജ്‌ടൗൺ യൂണിവേഴ്‌സിറ്റിയില്‍ നിന്ന് ലീഡർഷിപ്പ് ആൻഡ് ചേഞ്ച് മാനേജ്‌മെന്റ്, ഓപ്പറേഷൻസ് ഇൻഫർമേഷൻ മാനേജ്‌മെന്റ് എന്നിവയില്‍ അസ്മ ബിരുദം നേടിയിട്ടുണ്ട്.
മെരിലാൻഡ് യൂണിവേഴ്സിറ്റിയിൽ നിന്ന് എംബിഎ നേടി. ഡിസി, മേരിലാൻഡ്, വിർജീനിയ മേഖലയിലെ ആജീവനാന്ത താമസക്കാരിയാണ് മിർസ.
