കൊൽക്കത്ത: ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ), ക്രിക്കറ്റ് അസോസിയേഷൻ ഓഫ് ബംഗാൾ (സിഎബി), ബുക്ക്‌മൈഷോ എന്നിവയ്‌ക്കെതിരെ ഏകദിന ടിക്കറ്റുകൾ ബ്ലാക്ക് മാർക്കറ്റിംഗ് പ്രോത്സാഹിപ്പിച്ചെന്നാരോപിച്ച് ഒരു വ്യക്തിയുടെ പരാതിയുടെ അടിസ്ഥാനത്തിൽ കൊൽക്കത്ത പോലീസ് അന്വേഷണം ആരംഭിച്ചു.
നവംബർ 5 ന് നടക്കാനിരിക്കുന്ന ഇന്ത്യ-ദക്ഷിണാഫ്രിക്ക മത്സരത്തിനുള്ള ടിക്കറ്റ് വിൽക്കാൻ ശ്രമിക്കുന്നതിനിടെ ചൊവ്വാഴ്ച രാത്രി കൊൽക്കത്തയിൽ വെച്ച് ഒരാൾ പിടിയിലായതിന്റെ പശ്ചാത്തലത്തിൽ തങ്ങളുടെ അന്വേഷണ ഉദ്യോഗസ്ഥർ വിഷയം ഗൗരവമായി വീക്ഷിക്കുകയാണെന്ന് സിറ്റി പോലീസ് വൃത്തങ്ങൾ അറിയിച്ചു.
“ഇയാളിൽ നിന്ന് മത്സരത്തിന്റെ 20 ടിക്കറ്റുകൾ പിടിച്ചെടുത്തു. ക്വോട്ട് ചെയ്ത 2,500 രൂപയിൽ നിന്ന് ഒരു ടിക്കറ്റിന് 11,000 രൂപയ്ക്ക് അമിത വിലയ്ക്ക് ആ ടിക്കറ്റുകൾ വിൽക്കാൻ ശ്രമിക്കുകയായിരുന്നു,” സിറ്റി പോലീസ് ഉദ്യോഗസ്ഥൻ പറഞ്ഞു.
2023 ഏകദിന ലോകകപ്പിനുള്ള ടിക്കറ്റ് ബ്ലാക്ക് മാർക്കറ്റില്‍ വില്‍ക്കുന്നതായി ഒരാൾ കൊൽക്കത്ത മൈദാൻ പോലീസ് സ്റ്റേഷനിൽ പരാതി നൽകിയതായി അറിയുന്നു.
സുരക്ഷാ കാരണങ്ങളാൽ പരാതിക്കാരന്റെ വിവരങ്ങൾ സിറ്റി പൊലീസ് രഹസ്യമാക്കി വച്ചിരിക്കുകയാണ്.
