വാഷിംഗ്ടണ്‍/ജറുസലേം: ഗാസ മുനമ്പിന്റെ ഭാവിയെക്കുറിച്ച് ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ നിലപാടില്‍ കൂടുതൽ സംശയങ്ങൾ ഉന്നയിച്ച് വാഷിംഗ്ടണ്‍. നിലവിലെ സാഹചര്യത്തില്‍ തീരദേശ എൻക്ലേവിന്റെ ചുമതല ഏറ്റെടുക്കേണ്ടതില്ലെന്ന് വാഷിംഗ്ടണ്‍ നിർദ്ദേശിച്ചു.
ഒക്ടോബർ 7 ന് അതിർത്തി കടന്നുള്ള ആക്രമണത്തെ തുടർന്ന് ഗാസ ഭരിക്കുന്ന ഫലസ്തീനിയൻ ഗ്രൂപ്പായ ഹമാസിനെ നശിപ്പിക്കുമെന്ന് ഇസ്രായേൽ പ്രതിജ്ഞയെടുക്കുകയും പ്രദേശം മുഴുവൻ അധിനിവേശം നടത്തുകയും ചെയ്തു.
എന്നാല്‍, സംഘർഷം അവസാനിച്ചുകഴിഞ്ഞാൽ ആരാണ് എൻക്ലേവ് ഭരിക്കേണ്ടതെന്ന് വ്യക്തമാക്കിയിട്ടില്ല, ഇസ്രായേൽ മൊത്തത്തിലുള്ള സുരക്ഷ നിലനിർത്തുമെന്ന് മാത്രം.
യുദ്ധാനന്തരം ഇസ്രായേലിന് ഈ എൻക്ലേവ് കൈവശപ്പെടുത്താൻ കഴിയില്ലെന്ന് വാഷിംഗ്ടണില്‍ സ്റ്റേറ്റ് സെക്രട്ടറി ആന്റണി ബ്ലിങ്കന്‍ പറഞ്ഞു. ഗാസ ഭരണകൂടം സമീപത്തെ വെസ്റ്റ് ബാങ്കുമായി വീണ്ടും ഏകീകരിക്കേണ്ടതുണ്ടെന്ന് അദ്ദേഹം കഴിഞ്ഞ ആഴ്ച പറഞ്ഞിരുന്നു. ഗാസ ഫലസ്തീൻ അതോറിറ്റി (PA) ഭരിക്കും.
ഗാസ മുനമ്പിലെ ഭരണത്തിൽ പിഎക്ക് ഭാവിയിൽ പങ്കുവഹിക്കാനാകുമെന്ന് ഫലസ്തീൻ പ്രസിഡന്റ് മഹ്മൂദ് അബ്ബാസ് വെള്ളിയാഴ്ച പറഞ്ഞെങ്കിലും നിലവിലെ പിഎ ഭരണാധികാരികൾക്ക് ഗാസയിൽ സ്വതന്ത്ര നിയന്ത്രണം നൽകരുതെന്ന് നെതന്യാഹു ശനിയാഴ്ച സൂചിപ്പിച്ചു.
നെതന്യാഹു ഇസ്രായേലിനോടുള്ള വിദ്വേഷം വളർത്തുന്ന പിഎയുടെ സ്‌കൂൾ സിലബസിനെക്കുറിച്ചും ഇസ്രായേലിൽ തടവിലാക്കപ്പെട്ട ഫലസ്തീനികളുടെ കുടുംബങ്ങൾക്ക് ശമ്പളം നൽകുന്ന നയത്തെക്കുറിച്ചും തന്റെ ദീർഘകാല പരാതികൾ
ഒരു വാർത്താ സമ്മേളനത്തിൽ നെതന്യാഹു പങ്കു വെച്ചു.
“ഇസ്രായേൽ രാഷ്ട്രത്തെ ഇല്ലാതാക്കാൻ … അവരുടെ കുട്ടികളെ പഠിപ്പിക്കുന്ന ഒരു സിവിലിയൻ അതോറിറ്റി ഉണ്ടാകില്ല, കൊലപാതകികളുടെ കുടുംബങ്ങൾക്ക് ശമ്പളം നൽകുന്ന ഒരു അതോറിറ്റിയും ഉണ്ടാകില്ല,” അദ്ദേഹം പറഞ്ഞു. ഒക്ടോബർ 7ലെ കൂട്ടക്കൊല നടന്ന് 30 ദിവസത്തിലേറെയായി, ഇപ്പോഴും അതിനെ അപലപിച്ചിട്ടില്ലാത്ത ഒരാളുടെ നേതൃത്വത്തിൽ ഒരു അധികാരം ഉണ്ടാകില്ലെന്നും അദ്ദേഹം കൂട്ടിച്ചേർത്തു.
“ഇരുവശത്തുമുള്ള” സിവിലിയന്മാർക്കെതിരായ അക്രമത്തെ അബ്ബാസ് അപലപിച്ചിട്ടുണ്ട്. എന്നാൽ, ഇസ്രായേൽ കണക്കനുസരിച്ച് 1,200 പേർ കൊല്ലപ്പെടുകയും 240 ഓളം ആളുകളെ തട്ടിക്കൊണ്ടുപോകുകയും ചെയ്ത ഒക്ടോബർ 7 ആക്രമണത്തെ അസന്ദിഗ്ധമായി അപലപിച്ചിട്ടില്ല.
കഴിഞ്ഞ അഞ്ചാഴ്ചയ്ക്കിടെ 11,078 ഗാസക്കാര്‍ ഇസ്രായേൽ ആക്രമണത്തിൽ കൊല്ലപ്പെട്ടതായി ഫലസ്തീൻ ഉദ്യോഗസ്ഥർ പറയുന്നു, അവരിൽ 40% കുട്ടികളാണ്.
ഇസ്രായേൽ അധിനിവേശ വെസ്റ്റ് ബാങ്കും ഗാസയും തമ്മിലുള്ള വിഭജനം നിലനിറുത്താനാണ് ഇസ്രായേലികൾ ശ്രമിക്കുന്നതെന്ന് അബ്ബാസിന്റെ വക്താവ് നബീൽ അബു റുദീനെ മാധ്യമങ്ങളോടു പറഞ്ഞു. ഗാസയെ വെസ്റ്റ് ബാങ്കിൽ നിന്ന് വേർപെടുത്താനുള്ള ഇസ്രയേലിന്റെ ശ്രമങ്ങൾ പരാജയപ്പെടുമെന്നും, സമ്മർദ്ദങ്ങൾ കണക്കിലെടുക്കാതെ അത് ചെയ്താല്‍ തിക്താനുഭവങ്ങളായിരിക്കും ഫലമെന്നും അദ്ദേഹം പറഞ്ഞു.
ഗാസയുടെ ഭാവിയിൽ ഫലസ്തീൻ അതോറിറ്റി (PA) യെ ഉൾപ്പെടുത്താൻ പാശ്ചാത്യ ഗവൺമെന്റുകൾ ആഗ്രഹിക്കുന്നു എന്ന് നയതന്ത്രജ്ഞർ പറയുന്നു. എന്നാല്‍, 87 കാരനായ അബ്ബാസിന് ചുമതല ഏറ്റെടുക്കാൻ മതിയായ അധികാരമോ അദ്ദേഹത്തിന് ജനങ്ങളുടെ പിന്തുണയോ ഇല്ലെന്ന ആശങ്കയുമുണ്ട്.
“യുദ്ധം അവസാനിച്ചാൽ ഗാസയിൽ എന്ത് സംഭവിക്കുമെന്ന് ഇപ്പോൾ വ്യക്തമായ ധാരണയില്ല,” ജറുസലേം ആസ്ഥാനമായുള്ള നയതന്ത്രജ്ഞൻ പറഞ്ഞു.
