പത്തനംതിട്ട: യൂത്ത് കോൺഗ്രസുകാർ തെരഞ്ഞെടുപ്പ് കമ്മീഷനിൽ നിന്ന് വ്യാജ തിരിച്ചറിയൽ കാർഡ് ഉണ്ടാക്കിയ സംഭവത്തിൽ പോലീസ് അന്വേഷണം ഊർജിതമാക്കി. ഈ വ്യാജ ഐഡി കാർഡുകളുമായി ബന്ധപ്പെട്ട് പത്തനംതിട്ട ജില്ലയിലെ പന്തളത്തെ രണ്ട് പ്രിന്റിംഗ് പ്രസുകളിൽ അന്വേഷണ സംഘം റെയ്ഡ് നടത്തി.
പ്രസ്സുകളിൽ നടത്തിയ റെയ്ഡിൽ, നിലവിൽ പോലീസ് കസ്റ്റഡിയിലുള്ള യൂത്ത് കോൺഗ്രസ് അംഗം വികാസ് കൃഷ്ണ അവിടെ ജോലി ചെയ്യുന്നുണ്ടെന്ന് വ്യക്തമായി. സംഭവവുമായി ബന്ധപ്പെട്ട് വികാസ് കൃഷ്ണ ഉൾപ്പെടെ നാല് യൂത്ത് കോൺഗ്രസ് നേതാക്കളെ പൊലീസ് അറസ്റ്റ് ചെയ്തിട്ടുണ്ട്.
പത്തനംതിട്ട അടൂർ മണ്ഡലത്തെ പ്രതിനിധീകരിക്കുന്ന സജീവ പ്രവർത്തകരായ അഭി വിക്രം, ബിനിൽ, ബിനു, ഫെന്നി നൈനാൻ, വികാസ് കൃഷ്ണൻ എന്നിവരാണ് അറസ്റ്റിലായത്.
അറസ്റ്റിലായ യൂത്ത് കോൺഗ്രസ് പ്രവർത്തകർക്കെതിരെ ഡിജിറ്റൽ തെളിവുകൾ കൈവശമുണ്ടെന്ന് അധികൃതർ വ്യക്തമാക്കി. വികാസ് കൃഷ്ണയുടെ മൊഴി കേസിൽ നിർണായക തെളിവായി രേഖപ്പെടുത്തിയിട്ടുണ്ട്.
കൂടാതെ, അറസ്റ്റിലായ നാലുപേരും രാഹുൽ മാങ്കൂട്ടത്തിലിന്റെ നേതൃത്വത്തിലാണ് പ്രവർത്തിച്ചിരുന്നതെന്നും അന്വേഷണത്തിൽ വ്യക്തമായിട്ടുണ്ട്. അതിനാല്‍ രാഹുല്‍ മാങ്കൂട്ടത്തിലിലേക്കും അന്വേഷണം നീളുമെന്നാണ് സൂചന.
യൂത്ത് കോൺഗ്രസ് കേരള സംസ്ഥാന അദ്ധ്യക്ഷനായി രാഹുൽ മാങ്കൂട്ടത്തിൽ തിരഞ്ഞെടുക്കപ്പെട്ടു.
