വാഷിംഗ്ടൺ: ഇസ്രായേൽ-ഹമാസ് യുദ്ധത്തിൽ വീണ്ടും രൂക്ഷമായ പോരാട്ടം പൊട്ടിപ്പുറപ്പെട്ട സാഹചര്യത്തിൽ ഗാസയിൽ വെടിനിർത്തൽ നീട്ടാൻ അമേരിക്ക സമ്മർദ്ദം ചെലുത്തുന്നത് തുടരുമെന്ന് വൈറ്റ് ഹൗസ് അറിയിച്ചു.
ഗാസയിലെ മാനുഷിക താൽക്കാലിക വിരാമം നീട്ടാനുള്ള ശ്രമങ്ങളിൽ ഞങ്ങൾ ഇസ്രായേൽ, ഈജിപ്ത്, ഖത്തർ എന്നിവരുമായി പ്രവർത്തിക്കുന്നത് തുടരുന്നുണ്ടെന്ന് വൈറ്റ് ഹൗസ് ദേശീയ സുരക്ഷാ കൗൺസിൽ വക്താവ് പറഞ്ഞു.
ഒരാഴ്ച നീണ്ടുനിന്ന ഉടമ്പടി പ്രകാരം 240 ഫലസ്തീൻ തടവുകാർക്ക് പകരമായി 80 ഇസ്രായേലി ബന്ദികളെ ഹമാസ് തീവ്രവാദികൾ മോചിപ്പിച്ചു. യുദ്ധം തകർത്ത ഗാസയിലേക്ക് കൂടുതൽ മാനുഷിക സഹായവും എത്തിച്ചു.
എന്നാൽ, ഉടമ്പടി പുനഃസ്ഥാപിക്കുന്നതിനുള്ള സാധ്യതകൾ തടസ്സപ്പെട്ടു. കാരണം, “ബന്ദികളുടെ പട്ടിക ഹാജരാക്കുന്നതിൽ ഹമാസ് ഇതുവരെ പരാജയപ്പെട്ടു,” NSC വക്താവ് പറഞ്ഞു. പ്രസിഡന്റ് ജോ ബൈഡനും അദ്ദേഹത്തിന്റെ ദേശീയ സുരക്ഷാ ടീമും “ബാക്കിയുള്ള ബന്ദികളെ മോചിപ്പിക്കാനുള്ള ശ്രമങ്ങള്‍ തുടരുമെന്നും NSC വക്താവ് പറഞ്ഞു.
വ്യാഴാഴ്ച ആന്റണി ബ്ലിങ്കെൻ പ്രദേശം സന്ദർശിക്കുന്നതിനിടെ ഇസ്രായേൽ, പലസ്തീൻ ഉദ്യോഗസ്ഥരുമായി കൂടിക്കാഴ്ച നടത്തുന്നതിനിടെ സന്ധി നീട്ടാന്‍ ആവശ്യപ്പെട്ടിരുന്നു.
