ഇസ്ലാമാബാദ്: ഉപരോധിക്കപ്പെട്ട എൻക്ലേവിൽ മനുഷ്യദുരന്തം സംഭവിക്കുമ്പോഴും ഗാസയിൽ വെടിനിർത്തലിന് ആഹ്വാനം ചെയ്യുന്നതിൽ യുഎൻ സുരക്ഷാ കൗൺസിൽ (യുഎൻഎസ്‌സി) വീണ്ടും പരാജയപ്പെട്ടതിൽ പാക്കിസ്താന് കടുത്ത നിരാശ പ്രകടിപ്പിച്ചു.
സെക്രട്ടറി ജനറൽ യുഎൻ ചാർട്ടറിന്റെ ആർട്ടിക്കിൾ -99 ന്റെ പ്രേരണയും ഗാസയിലെ മാനുഷിക ദുരന്തത്തെക്കുറിച്ചുള്ള അദ്ദേഹത്തിന്റെ മുന്നറിയിപ്പുകളും ഉണ്ടായിരുന്നിട്ടും, അന്താരാഷ്ട്ര സമാധാനവും സുരക്ഷയും നിലനിർത്താനുള്ള പ്രാഥമിക ഉത്തരവാദിത്തം നിർവഹിക്കുന്നതിൽ യുഎൻസിഎസ് പരാജയപ്പെട്ടു എന്ന് പാക് വിദേശകാര്യ ഓഫീസ് പ്രസ്താവനയില്‍ പറഞ്ഞു.
ഗാസയില്‍ ജനങ്ങൾ സഹിച്ച കൂട്ട ശിക്ഷ അഭൂതപൂർവവും അസ്വീകാര്യവുമാണ്. ഒരു മാനുഷിക ദുരന്തം ഒഴിവാക്കാൻ ഉടനടി നിരുപാധികമായ വെടിനിർത്തലിനുള്ള ആഹ്വാനം പാക്കിസ്താന് ആവർത്തിച്ചു, ഗാസയ്‌ക്കെതിരായ മൃഗീയമായ ആക്രമണങ്ങളും മനുഷ്യത്വരഹിതമായ ഉപരോധവും അവസാനിപ്പിക്കാൻ ഇസ്രായേലിനോട് ആവശ്യപ്പെടുകയും ചെയ്തു.
“ഈ മനുഷ്യത്വരഹിതമായ യുദ്ധം അവസാനിപ്പിക്കാനും വരാനിരിക്കുന്ന വംശഹത്യയിൽ നിന്ന് ഗാസയിലെ ജനങ്ങളെ സംരക്ഷിക്കാന്‍ ദ്രുതഗതിയില്‍ പ്രവര്‍ത്തിക്കണമെന്ന് ഞങ്ങൾ യുഎൻ രക്ഷാസമിതിയോട് അഭ്യർത്ഥിക്കുന്നു,” പ്രസ്താവനയില്‍ പറഞ്ഞു.
അധിനിവേശ ഫലസ്തീനിൽ ഇസ്രയേലിന്റെ കാമ്പയിൻ തുടരുന്നത്, വൻതോതിലുള്ള സിവിലിയൻ മരണങ്ങളും ദശലക്ഷക്കണക്കിന് ആളുകളെ നിർബന്ധിതമായി മാറ്റിപ്പാർപ്പിക്കുകയും ചെയ്യുന്ന മനുഷ്യരുടെ കഷ്ടപ്പാടുകൾ നീണ്ടുനിൽക്കുമെന്നും കൂട്ടിച്ചേര്‍ത്തു.
വെള്ളിയാഴ്ച, ഗാസയിൽ അടിയന്തര വെടിനിർത്തലിന് ആഹ്വാനം ചെയ്യുന്ന പ്രമേയം യുഎസ് വീറ്റോ ചെയ്തിരുന്നു. യുഎൻ മേധാവി അന്റോണിയോ ഗുട്ടെറസിന്റെയും അറബ് രാഷ്ട്രങ്ങളുടെയും നേതൃത്വത്തിൽ ഉടനടി വെടിനിർത്തലിനായുള്ള വർദ്ധിച്ചുവരുന്ന മുറവിളിയെ വാഷിംഗ്ടൺ വീറ്റോ ഉപയോഗിച്ച് തകർത്തു.
ഗാസയിലെ ആരോഗ്യ മന്ത്രാലയത്തിന്റെ ഏറ്റവും പുതിയ കണക്കനുസരിച്ച്, ഗാസയിൽ 17,487-ലധികം പേർ കൊല്ലപ്പെട്ടു, കൂടുതലും സ്ത്രീകളും കുട്ടികളുമാണ് കൊല്ലപ്പെട്ടത്. ആഴ്ചകളോളം നീണ്ട പോരാട്ടത്തിന് ശേഷം ഗുട്ടെറസ് യുഎൻ രക്ഷാസമിതിയുടെ അടിയന്തര യോഗം വിളിച്ചിരുന്നു.
അമേരിക്ക വീറ്റോ പവര്‍ ഉപയോഗിച്ച് ഇസ്രായേലിനെ പിന്തുണച്ചതില്‍ യുണൈറ്റഡ് അറബ് എമിറേറ്റ്സ് കടുത്ത നിരാശയിലാണെന്ന് വെടിനിർത്തലിന് ആഹ്വാനം ചെയ്യുന്ന പ്രമേയം സ്പോൺസർ ചെയ്ത യുഎഇ പ്രതിനിധി പറഞ്ഞു.
നിർഭാഗ്യവശാൽ… ഈ കൗൺസില്‍ വെറും ‘നോക്കുകുത്തിയാണ്’. അതിനാനാലാണ് മാനുഷികമായ വെടിനിർത്തൽ ആവശ്യപ്പെടാൻ കഴിയാത്തത്, അദ്ദേഹം പറഞ്ഞു.
വാഷിംഗ്ടൺ അതിന്റെ വീറ്റോയെ പ്രതിരോധിക്കുകയും, പ്രമേയത്തിന്റെ സ്പോൺസർമാരെ ആക്രമിക്കുകയും ചെയ്തു. തന്നെയുമല്ല, തിടുക്കപ്പെട്ട് നിരുപാധികമായ വെടിനിർത്തലിന് വേണ്ടിയുള്ള ആഹ്വാനത്തിൽ അവരെ വിമർശിക്കുകയും ചെയ്തു.
“ഈ പ്രമേയത്തിൽ ഇപ്പോഴും നിരുപാധികമായ വെടിനിർത്തലിനുള്ള ആഹ്വാനമുണ്ട്… ഒക്‌ടോബർ 7 ന് ചെയ്‌തത് ആവർത്തിക്കാൻ ഇത് ഹമാസിനെ അനുവദിക്കും,” യുഎസ് ഡെപ്യൂട്ടി യുഎൻ പ്രതിനിധി റോബർട്ട് വുഡ് പറഞ്ഞു.
ഒരു സ്ഥിരം സുരക്ഷാ കൗൺസിൽ അംഗമെന്ന നിലയിൽ, വാഷിംഗ്ടണിന് ഏത് പ്രമേയവും വീറ്റോ ചെയ്യാം. അതേസമയം, ബ്രിട്ടന്‍ വോട്ടെടുപ്പിൽ നിന്ന് വിട്ടുനിന്നു.
ഫലസ്തീൻ ജനതയെ കൂട്ടായി ശിക്ഷിക്കുന്നതിനെ ഒരിക്കലും ന്യായീകരിക്കാൻ ഹമാസ് നടത്തുന്ന ക്രൂരതയ്ക്ക് കഴിയില്ലെന്ന് വോട്ടെടുപ്പിന് മുന്നോടിയായി ഗുട്ടെറസ് പറഞ്ഞിരുന്നു.
