ടെൽ അവീവ്: മാനുഷിക സഹായത്തിനായി വിട്ടുകൊടുത്ത പ്രദേശങ്ങളിൽ നിന്ന് പോലും ഹമാസ് ഞങ്ങൾക്ക് നേരെ റോക്കറ്റ് പ്രയോഗിക്കുന്നുവെന്ന് ഇസ്രായേൽ പറയുന്നു. ഹമാസും ഈ പ്രദേശങ്ങളിൽ നിന്ന് ഇസ്രായേലിനെ ആക്രമിക്കുന്നതിനാൽ, ഞങ്ങൾക്ക് മറുപടിയായി ആക്രമിക്കേണ്ടിവരും. മാത്രമല്ല, ഈ ആക്രമണങ്ങൾ അഭയാർത്ഥി ക്യാമ്പുകളിലും ഉണ്ടാകാം. ഇത്തരമൊരു സാഹചര്യത്തിൽ ഗാസയിൽ അഭയം പ്രാപിക്കാൻ സുരക്ഷിതമായ ഒരിടവും അവശേഷിക്കില്ല എന്ന് ഇസ്രായേല്‍ സൈന്യം പറയുന്നു.
ഹമാസ് ഭീകരർ റോക്കറ്റാക്രമണം നടത്തുന്നതായി കാണിക്കുന്ന ഭൂപടങ്ങളും സാറ്റലൈറ്റ് ഫോട്ടോകളും വീഡിയോകളും ഇസ്രായേൽ പങ്കുവെച്ചിട്ടുണ്ട്. ഗാസയിലെ അൽ-മവാസി മേഖലയിൽ നിന്നാണ് ഈ ആക്രമണം നടന്നത്. 14 റോക്കറ്റുകൾ വിക്ഷേപിച്ചതായി ഇസ്രായേൽ സൈന്യം അവകാശപ്പെട്ടു. ഗാസയിൽ നിന്നുള്ള അഭയാർഥികൾക്കായി ടെന്റുകൾ സ്ഥാപിച്ചിരിക്കുന്ന പ്രദേശത്തു നിന്നാണ് ഈ റോക്കറ്റുകൾ തൊടുത്തുവിട്ടിരിക്കുന്നത്. ഇനി ഈ പ്രദേശങ്ങളും ഇസ്രയേൽ ലക്ഷ്യമിടുമെന്നും ഇതിനാൽ ഒരു പ്രദേശവും അഭയാർത്ഥികൾക്ക് സുരക്ഷിതമല്ലെന്നും വിശ്വസിക്കപ്പെടുന്നു.
ഞങ്ങളുടെ അടുത്ത ഓപ്പറേഷൻ എന്തായിരിക്കുമെന്ന് ഞങ്ങൾക്ക് പറയാനാവില്ല. എന്നാൽ, ഗാസയിലെ ജനങ്ങളെ ഞങ്ങൾ നിരന്തരം അപ്‌ഡേറ്റ് ചെയ്യുന്നുണ്ട്. ആ അറിയിപ്പുകള്‍ പാലിച്ചാല്‍ അവർക്ക് കുറഞ്ഞ നഷ്ടമേ സംഭവിക്കൂ എന്ന് ഒരു ഇസ്രായേലി സൈനിക വക്താവ് പറഞ്ഞു.
അതിനിടെ, യുഎൻ സെക്രട്ടറി ജനറൽ അന്റോണിയോ ഗുട്ടെറസ് യുഎൻഎസ്‌സിയുടെ അധികാരം ഉപയോഗിച്ച് വെടിനിർത്തലിന് അഭ്യർത്ഥിച്ചു. അഭയാർഥികളെ ആശുപത്രികളിലും സ്‌കൂളുകളിലും കമ്മ്യൂണിറ്റി ഹാളുകളിലും താമസിക്കാൻ അനുവദിക്കണമെന്ന് ഐക്യരാഷ്ട്രസഭ പറയുന്നു. ഈ സ്ഥലങ്ങൾ ഒരു ഭാഗത്തുനിന്നും ലക്ഷ്യം വയ്ക്കരുത്. അന്താരാഷ്ട്ര മനുഷ്യാവകാശ നിയമങ്ങൾക്കനുസൃതമായി പോലും അവരെ ലക്ഷ്യം വയ്ക്കാൻ കഴിയില്ലെന്ന് ഐക്യരാഷ്ട്രസഭ പറയുന്നു. ഇസ്രായേലും ഇത് ഒഴിവാക്കണം.
അതേസമയം, ഹമാസ് തങ്ങളുടെ ഭീകര പ്രവർത്തനങ്ങൾക്ക് ഇത്തരം താവളങ്ങൾ ഉപയോഗിക്കുന്നുണ്ടെന്ന് ഇസ്രയേൽ പറയുന്നു. ഇതേ ആരോപണം ഉന്നയിച്ച് ഇസ്രായേൽ അടുത്തിടെ ഗാസയിലെ ഏറ്റവും വലിയ ആശുപത്രിയായ അൽ-ഷിഫ ആക്രമിക്കുകയും ഭീകരർക്കായി വാർഡുകൾ തോറും തിരച്ചിൽ നടത്തുകയും ചെയ്തിരുന്നു. എംആർഐ മെഷീനിൽ പോലും എകെ 47 തോക്കുകൾ കണ്ടെത്തിയതായി ഇസ്രായേൽ അവകാശപ്പെട്ടിരുന്നു. ഗാസയുടെ വടക്കൻ പ്രദേശത്ത് മാത്രമാണ് ഇസ്രായേൽ ഇതുവരെ ആക്രമണം നടത്തിയിരുന്നതെന്നും എന്നാൽ ഇപ്പോൾ തെക്കൻ പ്രദേശം പോലും സുരക്ഷിതമല്ല.
