വാഷിംഗ്ടൺ: അന്താരാഷ്ട്ര ഇടപാടുകളുടെ പേരിൽ മകൻ ഹണ്ടർ ബൈഡനെതിരെയുള്ള ഇംപീച്ച്‌മെന്റ് നടപടികൾക്ക് യുഎസ് ഹൗസ് ബുധനാഴ്ച അംഗീകാരം നൽകിയതോടെ പ്രസിഡന്റ് ജോ ബൈഡന്റെ പ്രതിസന്ധി വര്‍ദ്ധിച്ചു. ഈ നീക്കത്തെ രാഷ്ട്രീയ സ്റ്റണ്ട് എന്നാണ് ബൈഡൻ വിശേഷിപ്പിച്ചത്.
പ്രസിഡന്റിനെ ഇംപീച്ച് ചെയ്യുന്നതിനായി യുഎസ് ഹൗസിലും വോട്ടെടുപ്പ് നടന്നതായി റിപ്പോർട്ടുകൾ പറയുന്നു. ഇംപീച്ച്‌മെന്റ് അന്വേഷണത്തെ അനുകൂലിച്ച് 221 വോട്ടും എതിർത്ത് 212 വോട്ടും ലഭിച്ചു. റിപ്പബ്ലിക്കൻമാരും ഈ അന്വേഷണത്തിന് പൂർണ ഊന്നൽ നൽകിയിട്ടുണ്ട്.
ജോ ബൈഡന്റെ മകൻ ഹണ്ടർ ബൈഡന്റെ ബിസിനസ് ഇടപാടുകളുമായി ബന്ധപ്പെട്ടതാണ് ഈ കേസ്. അതേസമയം, ഇതുവരെ നടത്തിയ അന്വേഷണത്തിൽ തെളിവുകളൊന്നും ഹാജരാക്കിയിട്ടില്ലെന്നും അതിനാൽ പ്രസിഡൻറ് ഏതെങ്കിലും തരത്തിലുള്ള ക്രമക്കേട് നടത്തിയതായി തോന്നുന്നില്ലെന്നും റിപ്പബ്ലിക്കൻ പാർട്ടിയിലെ ചില നേതാക്കൾ പറയുന്നുമുണ്ട്.
ഈ കേസിൽ ഹാജരായി സാക്ഷ്യപ്പെടുത്താന്‍ അദ്ദേഹത്തിന് നോട്ടീസും നൽകിയെങ്കിലും, അടച്ചിട്ട വാതിലുകൾക്ക് പിന്നിലല്ല, പരസ്യമായി സാക്ഷ്യപ്പെടുത്താൻ താൻ തയ്യാറാണെന്ന് ഹണ്ടർ ബൈഡൻ സഭയ്ക്ക് പുറത്ത് ഊന്നിപ്പറഞ്ഞു. അടച്ച വാതിലുകൾക്ക് പിന്നിൽ വിശദാംശങ്ങൾ നൽകാൻ ഹണ്ടർ വിസമ്മതിച്ചു.
ഇതുവരെ ലഭിച്ച വിവരമനുസരിച്ച്, പ്രസിഡന്റ് ജോ ബൈഡനും പ്രഥമ വനിതയും തങ്ങളുടെ മകനെ ഓർത്ത് അഭിമാനിക്കുന്നതായി വൈറ്റ് ഹൗസ് പ്രസ് സെക്രട്ടറി കരീൻ ജീൻ പിയറി പറഞ്ഞു. മറുവശത്ത്, യുഎസ് പ്രസിഡന്റ് ഈ ആരോപണങ്ങളെ പൂർണ്ണമായും തള്ളുകയും ഇത് വെറും രാഷ്ട്രീയ സ്റ്റണ്ട് ആണെന്ന് വിശേഷിപ്പിക്കുകയും ചെയ്തു. അതേസമയം, ഉക്രെയ്‌നിനും ഇസ്രായേലിനുമുള്ള ഫണ്ട് തടയുന്ന റിപ്പബ്ലിക്കൻമാരെയും അദ്ദേഹം വിമർശിച്ചിട്ടുണ്ട്. കൂടാതെ, അതിർത്തിയിലെ സുരക്ഷ ശക്തിപ്പെടുത്തുന്നതിനെ പിന്തുണയ്ക്കുന്നില്ലെന്നും ആക്ഷേപമുണ്ട്.
“ചൊവ്വാഴ്‌ച ഞാൻ ഉക്രെയ്‌ൻ പ്രസിഡന്റിനെ കണ്ടു, റഷ്യൻ ആക്രമണത്തിനെതിരെയുള്ള പോരാട്ടത്തിൽ തന്റെ ജനങ്ങളെ സം‌രക്ഷിക്കുന്നതില്‍ ഏർപ്പെട്ടിരിക്കുന്ന അദ്ദേഹം നമ്മുടെ സഹായം അഭ്യർത്ഥിക്കാനാണ് അമേരിക്കയിൽ വന്നത്. എന്നിട്ടും റിപ്പബ്ലിക്കൻ നിയമനിർമ്മാതാക്കൾ സഹായിക്കാൻ തയ്യാറായില്ല,” ബൈഡന്‍ പറഞ്ഞു.
ഇസ്രായേൽ ഇന്ന് ഭീകരർക്കെതിരെ പോരാടുകയാണെന്നും അവർ നമ്മുടെ സഹായത്തിനായി കാത്തിരിക്കുകയാണെന്നും അദ്ദേഹം തന്റെ വാദം തുടർന്നു. എന്നിട്ടും റിപ്പബ്ലിക്കൻ നിയമനിർമ്മാതാക്കൾ സഹായിക്കാൻ പോകുന്നില്ലെന്നും ബൈഡൻ പറഞ്ഞു. “നമ്മുടെ തെക്കൻ അതിർത്തിയിലെ സാഹചര്യം യഥാവിധി കൈകാര്യം ചെയ്യണം, പ്രശ്നം പരിഹരിക്കാൻ ഞാൻ പ്രതിജ്ഞാബദ്ധനാണ്. അതിർത്തി സുരക്ഷ ശക്തിപ്പെടുത്താൻ ഞങ്ങൾക്ക് പണം ആവശ്യമാണ്. എന്നാൽ, റിപ്പബ്ലിക്കന്‍ നിയമനിർമ്മാതാക്കൾ സഹായിക്കാൻ തയ്യാറല്ല,” അദ്ദേഹം തുടര്‍ന്നു പറഞ്ഞു.
