ദോഹ: പുതിയ ഇസ്രായേല്‍-ഗാസ ഉടമ്പടി ചര്‍ച്ച ചെയ്യാന്‍ ഖത്തർ ആസ്ഥാനമായി പ്രവര്‍ത്തിക്കുന്ന ഹമാസിന്റെ നേതാവ് ഇസ്മായിൽ ഹനിയേ ഈജിപ്ഷ്യൻ ഇന്റലിജൻസ് മേധാവി അബ്ബാസ് കമേലുമായി ചർച്ച നടത്തുമെന്ന് റിപ്പോര്‍ട്ട്. ഖത്തർ വിടുന്നതിന് മുമ്പ് ഹനിയേ ഇറാൻ വിദേശകാര്യ മന്ത്രി ഹുസൈൻ അമീർ അബ്ദുള്ളാഹിയാനുമായി കൂടിക്കാഴ്ച നടത്തി.
ആക്രമണം തടയുന്നതിനുള്ള വഴികളും തടവുകാരുമായുള്ള കൈമാറ്റ ഇടപാടും ചർച്ച ചെയ്യുന്നതിനായി സെക്രട്ടറി ജനറൽ സിയാദ് നഖലെയുടെ നേതൃത്വത്തിലുള്ള പ്രസ്ഥാനത്തിന്റെ പ്രതിനിധി സംഘം വരും ദിവസങ്ങളിൽ ഈജിപ്ത് സന്ദർശിക്കുമെന്നും ഫലസ്തീൻ ഇസ്ലാമിക് ജിഹാദ് ബുധനാഴ്ച അറിയിച്ചു.
ഹമാസിന്റെ നേതൃത്വത്തിലുള്ള ഫലസ്തീൻ ജനതയെ പ്രതിനിധീകരിക്കുന്ന ശക്തികൾ അംഗീകരിച്ച ഒരു രാഷ്ട്രീയ പ്രക്രിയയ്‌ക്കുള്ളിൽ “എല്ലാവർക്കും എല്ലാം” എന്ന തത്വത്തെ അടിസ്ഥാനമാക്കി ബന്ദികളുടെ കൈമാറ്റം നടക്കുമെന്ന് പ്രസ്താവന കൂട്ടിച്ചേർത്തു.
ഇസ്രായേൽ തടവുകാരെ മോചിപ്പിക്കാനുള്ള ശ്രമങ്ങളിൽ മൊസാദിന്റെ തലവൻ പ്രവർത്തിക്കുന്നുണ്ടെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ചൊവ്വാഴ്ച വൈകി ഗാസയിൽ തടവിലാക്കിയ 129 തടവുകാരിൽ ചിലരുടെ ബന്ധുക്കളോട് പറഞ്ഞു.
മൊസാദ് ഡയറക്ടർ ഡേവിഡ് ബാർണിയ ഈ ആഴ്ച അമേരിക്കയുടെ സിഐഎ മേധാവി ബിൽ ബേൺസുമായും ഖത്തർ പ്രധാനമന്ത്രി ഷെയ്ഖ് മുഹമ്മദ് ബിൻ അബ്ദുൽറഹ്മാൻ അൽ താനിയുമായും വാർസോയിൽ ഒരു “പോസിറ്റീവ് മീറ്റിംഗ്” നടത്തിയതായി പേര് വെളിപ്പെടുത്താത്ത ഉറവിടം ഉദ്ധരിച്ച് മാധ്യമങ്ങള്‍ റിപ്പോർട്ട് ചെയ്തു.
വെടിനിർത്തലിന് പകരമായി ഗാസയിൽ അവശേഷിക്കുന്ന തടവുകാരെ മോചിപ്പിക്കുന്നതിനും ഇസ്രായേൽ ജയിലുകളിൽ കഴിയുന്ന ഫലസ്തീനികളെ മോചിപ്പിക്കുന്നതിനുമുള്ള ധാരണയിലെത്താൻ ചർച്ചകൾ തുടരുകയാണെന്ന് ഉറവിടം അറിയിച്ചു.
തടവുകാരെ മോചിപ്പിക്കാൻ ഗസ്സയിലേക്ക് കൂടുതൽ സഹായം അനുവദിക്കാനും മറ്റൊരു താൽക്കാലിക വെടിനിര്‍ത്തലിന് തയ്യാറാണെന്നും ബെഞ്ചമിന്‍ നെതന്യാഹു ചൊവ്വാഴ്ച പറഞ്ഞു.
240 ഫലസ്തീൻ തടവുകാർക്ക് പകരമായി 80 ഇസ്രായേലി തടവുകാരെ മോചിപ്പിച്ച ഒരാഴ്ച നീണ്ടുനിന്ന ഉടമ്പടിക്ക് ഖത്തർ കഴിഞ്ഞ മാസം സഹായം നൽകിയിരുന്നു.
എന്നാൽ, ഹമാസ് നെതന്യാഹുവിനെ കുറ്റപ്പെടുത്തിയതോടെ ആ ഉടമ്പടി തകർന്നു. ഇസ്രായേൽ ജയിലുകളിൽ കഴിയുന്ന എല്ലാ ഫലസ്തീനികളെയും മോചിപ്പിക്കുന്നതിന് പകരമായി ഗാസയിൽ തടവിലാക്കിയ ഇസ്രായേലി സൈനികരെ മോചിപ്പിക്കാൻ തയ്യാറാണെന്ന് പ്രസ്ഥാനം പറയുന്നു.
നെതന്യാഹു നേരത്തെ പ്രസ്ഥാനത്തിന്റെ വാഗ്ദാനങ്ങൾ നിരസിക്കുകയും തടവുകാരെ സൈനികമായി മോചിപ്പിക്കുമെന്ന് പ്രതിജ്ഞയെടുക്കുകയും ചെയ്തതായി ഹമാസ് ഡെപ്യൂട്ടി പൊളിറ്റ് ബ്യൂറോ ചീഫ് സലേഹ് അൽ-അറൂരി മാധ്യമങ്ങളോട് പറഞ്ഞു.
“അവരുടെ പ്രധാനമന്ത്രി തന്റെ സമൂഹത്തോട് കള്ളം പറയുകയായിരുന്നു… തടവുകാരെ മോചിപ്പിക്കാനുള്ള സൈനിക നടപടിയെക്കുറിച്ചാണ് അദ്ദേഹം സംസാരിച്ചത്. ഇത് നേടുക അസാധ്യമാണ്. ഏകദേശം 70 ദിവസത്തോളം അദ്ദേഹം അതിൽ പരാജയപ്പെട്ടു, ഗാസയിലേക്കുള്ള നുഴഞ്ഞുകയറ്റത്തിലൂടെ മൂന്ന് മൃതദേഹങ്ങൾ മാത്രം നേടുന്നതിൽ ഇസ്രായേലികൾ വിജയിച്ചു. അതിനാൽ, അവരുടെ സൈനികരെ ജീവനോടെ മോചിപ്പിക്കുക എന്ന ആശയം പൂർണ്ണമായും അസാധ്യമാണ്, ”അരൂരി പറഞ്ഞു.
ഗാസയിലെ എക്കാലത്തെയും രക്തരൂക്ഷിതമായ യുദ്ധം ഇതുവരെ ഏകദേശം 20,000 പേരെ കൊന്നു, കൂടുതലും സ്ത്രീകളും കുട്ടികളുമാണ്. ആയിരക്കണക്കിന് ആളുകളെ കാണാതായെന്നും, അവശിഷ്ടങ്ങൾക്കടിയിൽ കുഴിച്ചിട്ടതായും വിശ്വസിക്കപ്പെടുന്നു. ഗാസയിലേക്കുള്ള വെള്ളവും ഭക്ഷണവും വൈദ്യുതി വിതരണവും ഭരണകൂടം വിച്ഛേദിച്ചു.
ഗാസയിലെ 2.4 ദശലക്ഷം നിവാസികളിൽ 1.9 ദശലക്ഷവും തങ്ങളുടെ വീടുകൾ ഉപേക്ഷിച്ച് പലായനം ചെയ്യാൻ നിർബന്ധിതരായെന്ന് യുഎൻ കണക്കാക്കുന്നു, പലരും കടുത്ത ക്ഷാമത്തിനും കൊടും തണുപ്പിനും ഇടയിൽ കൂടാരങ്ങളിൽ അഭയം പ്രാപിച്ചിരിക്കുകയാണ്.
സംഘർഷം താൽക്കാലികമായി നിർത്തണമെന്ന് ആവശ്യപ്പെടുന്ന പ്രമേയത്തിൽ യുഎൻ സുരക്ഷാ കൗൺസിൽ ബുധനാഴ്ച വോട്ടു ചെയ്യാൻ തീരുമാനിച്ചതായി നയതന്ത്ര വൃത്തങ്ങൾ പറഞ്ഞു, മുമ്പ് രണ്ട് വോട്ടുകൾ വൈകിയിരുന്നു.
മുൻ വെടിനിർത്തൽ പ്രമേയം അമേരിക്ക ചെയ്തത് വ്യാപകമായ അപലപത്തിന് കാരണമായി.
