“ഹമാസ് പ്രസ്ഥാനത്തെ തകർക്കുക” എന്ന ഗാസയ്‌ക്കെതിരായ യുദ്ധത്തിന്റെ ലക്ഷ്യം കൈവരിക്കാനാവില്ലെന്ന് മുൻ ഇസ്രായേൽ പ്രധാനമന്ത്രി എഹുദ് ഓൾമെർട്ട് അഭിപ്രായപ്പെട്ടു. ഇക്കാര്യത്തിൽ പ്രധാനമന്ത്രി ബെഞ്ചമിൻ നെതന്യാഹുവിന്റെ വാഗ്ദാനങ്ങൾ വെറും “പൊങ്ങച്ചമാണെന്നും” വ്യക്തിപരമായ നേട്ടങ്ങള്‍ക്കായാണ് യുദ്ധം ചെയ്യുന്നതെന്നും ഓള്‍മെര്‍ട്ട് പറഞ്ഞു. വെള്ളിയാഴ്ച ഇസ്രായേൽ പത്രമായ ഹാരെറ്റ്‌സിൽ ഓള്‍മെര്‍ട്ട് എഴുതിയ ലേഖനത്തിലാണ് ഈ പരാമർശങ്ങൾ നടത്തിയത്.
“ഗാസ തകരുകയാണ്, ആയിരക്കണക്കിന് പൗരന്മാർ അവരുടെ ജീവൻ ബലിയര്‍പ്പിക്കുന്നു, ആയിരക്കണക്കിന് ഹമാസ് പോരാളികൾ കൊല്ലപ്പെടുന്നു. പക്ഷേ, ഹമാസിന്റെ നാശം കൈവരിക്കാനാവില്ല. യഹ്യ സിൻവാറിനെ കണ്ടെത്തുകയോ, മുഹമ്മദ് ഡീഫും ഹമാസിന്റെ നേതൃത്വത്തിലെ അവരുടെ പങ്കാളികളും ഇല്ലാതാകുന്നതുവരെ ഒളിവിൽ കഴിയുകയോ ചെയ്താൽ, ഹമാസ് വളരെ ദുർബലപ്പെട്ട ശക്തിയായി ഗാസയുടെ അരികിൽ നിലനില്‍ക്കും,” ഓൾമെർട്ട് എഴുതി.
“ഇതാണ് സാഹചര്യത്തിന്റെ യഥാർത്ഥ വിലയിരുത്തൽ എന്നതിനാൽ, ദിശ മാറ്റത്തിന് നമ്മള്‍ തയ്യാറാകണം. ഇത് ജനപ്രീതിയില്ലാത്തതാകാമെന്ന് എനിക്കറിയാം. ഈ ഗവൺമെന്റിന്റെയും അതിന്റെ തലവന്റെയും പെരുമാറ്റത്തിന്റെ സവിശേഷതയായ പ്രകോപനത്തിന്റെയും ധാർഷ്ട്യത്തിന്റെയും അന്തരീക്ഷത്തിൽ, ദേശീയ ഉത്തരവാദിത്തബോധത്തിന്റെ പേരിൽ വ്യക്തമല്ലാത്തതും എന്നാൽ ആവശ്യമുള്ളതുമായ കാര്യങ്ങൾ പറയുന്നതിൽ നിന്ന് ഒരാൾ ഒഴിഞ്ഞുമാറരുത്,” അദ്ദേഹം കൂട്ടിച്ചേർത്തു.
“ഇസ്രായേൽ രാഷ്ട്രം ഇപ്പോൾ ഒരു വെടിനിർത്തലിന് ഇടയിലുള്ള തിരഞ്ഞെടുപ്പിനെ അഭിമുഖീകരിക്കുകയാണ്. ബന്ദികളെ, അവരിൽ ഭൂരിഭാഗവും ജീവിച്ചിരിപ്പുണ്ടെന്ന പ്രതീക്ഷയിൽ, വീട്ടിലെത്തിക്കണം. കൂടാതെ ഒരു കരാറും ബന്ദികളുമില്ലാത്ത വെടിനിർത്തൽ, കൊലപാതക സംഘടനകളിൽ നിന്നുള്ള ഭീകരാക്രമണ ഭീഷണികളില്ലാതെ, ഇസ്രായേൽ രാഷ്ട്രത്തിന്റെ നിലനിൽപ്പിനുള്ള വഴികളാണ് നോക്കേണ്ടത്. അല്ലെങ്കില്‍ അന്താരാഷ്ട്രതലത്തില്‍ പൊതു പിന്തുണ നഷ്ടപ്പെടുമെന്നല്ലാതെ പ്രത്യക്ഷമായ നേട്ടമൊന്നും കൈവരിക്കില്ല,” ഓള്‍മെര്‍ട്ട് എഴുതി.
ഇസ്രായേൽ കണക്കുകൾ പ്രകാരം, ഒക്ടോബർ 7 ന് തെക്കൻ ഇസ്രായേലിൽ ഹമാസ് നടത്തിയ ആക്രമണത്തിൽ ഏകദേശം 239 പേരെ പിടികൂടി. ഡിസംബർ 1 വരെ ഏഴ് ദിവസം നീണ്ടുനിന്ന ഒരു മാനുഷിക ഉടമ്പടിയിൽ ഡസൻ കണക്കിന് ഇസ്രായേലികളെ കൈമാറ്റം ചെയ്തു. അതേസമയം, ഇസ്രായേൽ നിലവിൽ സ്ത്രീകളും കുട്ടികളും ഉൾപ്പെടെ 7,800 ഫലസ്തീനികളെ തടവിലാക്കിയിട്ടുണ്ട്.
“യുണൈറ്റഡ് സ്റ്റേറ്റ്സ്, ഇംഗ്ലണ്ട്, ഫ്രാൻസ്, ജർമ്മനി എന്നിവയുടെ നേതൃത്വത്തിലുള്ള നമ്മുടെ ഏറ്റവും അടുത്ത സഖ്യകക്ഷികൾ ഈ ശത്രുത അവസാനിപ്പിക്കാൻ നിർബന്ധിതരാകും. പൊതുജനാഭിപ്രായത്തിന് അവർ നല്‍കേണ്ടിവരുന്ന വില അവര്‍ക്ക് താങ്ങാനാവില്ല. അവര്‍ ചെയ്യുന്ന പ്രവര്‍ത്തികള്‍ക്ക് നേരിടേണ്ടി വരുന്ന അനന്തരഫലങ്ങൾക്ക് അവര്‍ തന്നെയായിരിക്കും ഉത്തരവാദികള്‍,” ഓൾമെർട്ട് അഭിപ്രായപ്പെട്ടു.
