കൊല്ലം: കൊല്ലത്ത് കേരള ഗവർണർ ആരിഫ് മുഹമ്മദ് ഖാനെ എസ്എഫ്ഐ ഗുണ്ടകൾ ആക്രമിച്ചതിനെ തുടർന്ന് ഗവർണർക്കും രാജ്ഭവനും സിആർപിഎഫ് കമാൻഡോകളുടെ ഇസഡ് പ്ലസ് സുരക്ഷ നൽകാൻ കേന്ദ്ര സർക്കാർ തീരുമാനിച്ചു. ഇന്ന് രാവിലെ കരിങ്കൊടിയുമായി ഒരു സംഘം എസ്എഫ്ഐ പ്രവർത്തകർ ഗവർണറുടെ വാഹനത്തിന് നേരെ പാഞ്ഞടുത്ത സംഭവമുണ്ടായതിനെത്തുടര്‍ന്നാണ് കേന്ദ്രത്തിന്റെ ഇടപെടല്‍.
എസ്എഫ്ഐക്കാരിൽ നിന്നുള്ള ഈ അതിക്രമങ്ങൾ സംബന്ധിച്ച് പ്രധാനമന്ത്രിയുടെ ഓഫീസ് ഗവർണറെ ബന്ധപ്പെട്ടതായും വിവരമുണ്ട്. ഇതേത്തുടർന്ന് ഗവർണർ ആരിഫ് മുഹമ്മദ് ഖാനും കേരള രാജ്ഭവനും ഇസഡ് പ്ലസ് സുരക്ഷ ഏർപ്പെടുത്തുന്നത് സംബന്ധിച്ച് കേന്ദ്ര ആഭ്യന്തര മന്ത്രാലയത്തിൽ നിന്ന് സന്ദേശം ലഭിച്ചതായി രാജ്ഭവൻ അറിയിച്ചു.
വൈസ് പ്രസിഡൻ്റ് ജഗ്ദീപ് ധൻഖർ, കേന്ദ്ര ആഭ്യന്തര മന്ത്രി അമിത് ഷാ എന്നിവരും ഗവർണറുമായി ബന്ധപ്പെട്ട് അതിക്രമത്തെക്കുറിച്ച് അന്വേഷിച്ചു. മാധ്യമങ്ങളോട് സംസാരിക്കവെ, സംസ്ഥാനത്ത് അക്രമം പ്രോത്സാഹിപ്പിക്കുന്ന മുഖ്യമന്ത്രിയെ ഗവർണർ രൂക്ഷമായി വിമർശിച്ചു. ഇടതുപക്ഷ രാഷ്ട്രീയ പ്രവർത്തകർ പിണറായി വിജയനു വേണ്ടി പ്രവർത്തിക്കുന്നുണ്ടെന്നും അദ്ദേഹം കൂട്ടിച്ചേർത്തു. കേരളാ മുഖ്യമന്ത്രി പിണറായി വിജയൻ്റെ ഡ്യൂട്ടിയിലാണെങ്കിൽ പോലീസ് ഇത്രയും സുരക്ഷാ വീഴ്ച വരുത്തുമോയെന്നും ഗവർണർ ചോദിച്ചു. അക്രമികൾ ദൂരെ കരിങ്കൊടി കാണിച്ച് പ്രതിഷേധിച്ചാൽ തനിക്ക് പ്രശ്‌നമില്ലെന്നും എന്നാൽ യാത്ര തടയുന്നത് തികഞ്ഞ ക്രൂരതയാണെന്നും അദ്ദേഹം പരാമർശിച്ചു.
കഴിഞ്ഞ ദിവസങ്ങളിൽ എസ്എഫ്ഐയുടെ തുടർച്ചയായ ഉപരോധം നേരിട്ട ഗവർണർ കാറിൽ നിന്ന് ഇറങ്ങി അക്രമികളെ നേരിട്ടു. സുരക്ഷാ ഡ്യൂട്ടി സംബന്ധിച്ച് സംസ്ഥാന പോലീസിനോട് അദ്ദേഹം ചോദ്യം ചോദിക്കുകയും മുഖ്യമന്ത്രിയാണെങ്കിൽ എങ്ങനെ സുരക്ഷ നൽകുമെന്നും അദ്ദേഹം ആരാഞ്ഞു.
എസ്എഫ്ഐ ആക്രമണത്തെക്കുറിച്ച് വിവരം ലഭിച്ചിട്ടും സുരക്ഷാ നടപടികൾ ശക്തമാക്കാത്തത് എന്തുകൊണ്ടാണെന്ന് ആക്രമണത്തോട് പ്രതികരിച്ച ഗവർണർ പോലീസിനോട് ചോദിച്ചു. ആരിഫ് മുഹമ്മദ് ഖാൻ അവിടെ താമസിക്കുന്ന സമയത്ത് അക്രമികൾക്കെതിരെ എഫ്ഐആർ രജിസ്റ്റർ ചെയ്യാൻ പോലീസിനോട് ആവശ്യപ്പെട്ടു. 17 അക്രമികൾക്കെതിരെ പോലീസ് ജാമ്യമില്ലാ വകുപ്പ് ചുമത്തി. സുരക്ഷ ഒരുക്കുന്നതിൽ സംസ്ഥാന പൊലീസ് പരാജയപ്പെട്ടെന്ന് ഗവർണർ വ്യക്തമാക്കി.
അതിനിടെ, മുഖ്യമന്ത്രി പിണറായി വിജയനെതിരെ ഗവര്‍ണ്ണര്‍ “നിയമലംഘനം പ്രോത്സാഹിപ്പിക്കുന്നതിന്” ആഞ്ഞടിക്കുകയും സംസ്ഥാനത്തിൻ്റെ തലവൻ എന്ന നിലയിൽ “അക്രമം വെച്ചുപൊറുപ്പിക്കില്ല” എന്ന് പറയുകയും ചെയ്തു. താൻ ഒരിക്കലും അധിക സുരക്ഷാ കവചം ആവശ്യപ്പെട്ടിട്ടില്ലെന്നും കേന്ദ്ര സർക്കാർ ആ തീരുമാനം എടുത്തത് “സംസ്ഥാന സർക്കാരിലുള്ള വിശ്വാസമില്ലായ്മ” കൊണ്ടാണെന്നും ഗവര്‍ണ്ണര്‍ പറഞ്ഞു.
അധികാരം ഒരാളുടെ തലയിൽ കയറിയാല്‍ അവർ നിയമത്തിന് അതീതരാണെന്നാണ് അവര്‍ കരുതുന്നതെന്നും അദ്ദേഹം പറഞ്ഞു.
“എൻ്റെ വികാരവിചാരങ്ങളെ സംബന്ധിച്ചിടത്തോളം ഇവിടെ അതാണ് സംഭവിക്കുന്നതെന്ന് തോന്നുന്നു. ഒരു ചെറിയ കാലയളവിലേക്ക് മാത്രമാണ് അധികാരം നിക്ഷിപ്തമായിരിക്കുന്നത്. ജനാധിപത്യം എന്നെ ആത്യന്തിക മദ്ധ്യസ്ഥനാക്കുന്നില്ല. അന്തിമ വിധികർത്താക്കൾ സാധാരണക്കാരാണ്,”അദ്ദേഹം തലസ്ഥാനത്ത് മാധ്യമ പ്രവർത്തകരോട് പറഞ്ഞു.
എസ്എഫ്ഐ പ്രവർത്തകരുമായുള്ള ഏറ്റുമുട്ടലിനെ തുടർന്ന് ഗവർണർ ആരിഫ് മുഹമ്മദ് ഖാൻ കൊട്ടാരക്കരയിൽ ഒരു പരിപാടിയിൽ പങ്കെടുത്തു. മണിക്കൂറുകൾ നീണ്ട പ്രതിഷേധത്തിനൊടുവിൽ കൊട്ടാരക്കര സ്വാമി സദാനന്ദാശ്രമത്തിൽ നടന്ന അനുസ്മരണ പരിപാടിയിലാണ് ഗവർണർ പങ്കെടുത്തത്.
ഇന്ന് പുലർച്ചെ കൊല്ലത്ത് കൊട്ടാരക്കരയിൽ പരിപാടിയിൽ പങ്കെടുക്കാൻ ഗവർണറുടെ യാത്രയ്ക്കിടെയാണ് എസ്എഫ്ഐ പ്രവർത്തകർ ഗവർണറെ ആക്രമിച്ചത്. ഗവർണറുടെ വാഹനവ്യൂഹം തടയാൻ എസ്എഫ്ഐ പ്രവർത്തകർ ശ്രമിച്ചെങ്കിലും പോലീസ് പ്രതികരിച്ചില്ല.
ആക്രമണത്തിന് മറുപടിയായി ഗവർണർ ആരിഫ് മുഹമ്മദ് ഖാൻ കാറിൽ നിന്ന് ഇറങ്ങി ചായക്കടയ്ക്ക് മുന്നിൽ രണ്ട് മണിക്കൂറോളം പ്രതിഷേധം നടത്തി. ഈ സമരത്തിൽ പങ്കെടുത്ത മുഴുവൻ എസ്എഫ്ഐ പ്രവർത്തകർക്കെതിരെയും കേസെടുക്കാൻ ഗവർണർ പൊലീസിന് നിർദേശം നൽകി. ഇതേത്തുടർന്ന് 17 എസ്എഫ്ഐ പ്രവർത്തകർക്കെതിരെ കേസെടുത്തു. തുടർന്ന്, എഫ്ഐആറിൻ്റെ പകർപ്പ് വായിച്ച് അദ്ദേഹം പ്രതിഷേധത്തിൽ നിന്ന് പിന്മാറി.
