കാരന്തൂർ : മർകസ് സമ്മേളനത്തോടനുബന്ധിച്ച് മർകസ് ഐടിഐ എക്സിബിഷൻ എക്സ്പോ 24 ജനശ്രദ്ധ പിടിച്ചു പറ്റി. രണ്ടാം ദിവസമായ ഇന്നലെ ആയിരങ്ങളാണ് പ്രദർശനം കാണാൻ എത്തിയത് . ഓട്ടോമാറ്റിക് പാർക്കിംഗ് ഇൻഡിക്കേറ്റർ, ഓട്ടോമാറ്റിക് വേസ്റ്റ് ബിൻ, ഹെൽമെറ്റ് കൂളർ,സ്മാർട്ട്ഫോൺ കൂളർ, ഓട്ടോമാറ്റിക് ബ്ലൈൻഡ് സ്റ്റിക്ക് , എ ഐ ക്യാമറ പ്രവർത്തനം, ഹാക്കിംഗ് കൗണ്ടർ സിസ്റ്റം, വ്യത്യസ്ത സ്പോർട്സ് വാഹനങ്ങൾ ,റോബോട്ടുകൾ ,എഫ് ഐ റൈസിംഗ് കാറുകൾ, വാഹനങ്ങളുടെ മിനിയേച്ചറുകൾ തുടങ്ങിയവ ജനങ്ങളെ തികച്ചും ആകർഷിക്കുന്നുണ്ട്. ഇന്ന് അർദ്ധരാത്രി വരെ പ്രദർശനം തുടരുമെന്ന് ഐടി പ്രിൻസിപ്പൽ എൻ മുഹമ്മദലി അറിയിച്ചു.
