വാരാണസി: പതിനേഴാം നൂറ്റാണ്ടില്‍ നിര്‍മ്മിച്ച ഗ്യാന്വാപി മുസ്ലീം പള്ളിയുടെ നിലവറയിൽ വ്യാഴാഴ്ച ഹിന്ദു ഭക്തർ പൂജയും പ്രാര്‍ത്ഥനയും നടത്തി.
ഉത്തർപ്രദേശിലെ വാരാണസി നഗരത്തിലെ ഗ്യാൻവാപി മസ്ജിദ് സമുച്ചയത്തിനുള്ളിൽ ഹിന്ദുക്കളെ “ദൃശ്യവും അദൃശ്യവുമായ ദൈവങ്ങൾക്ക്” പ്രാർത്ഥന നടത്താൻ അനുവദിക്കണമെന്ന ഹർജി പരിഗണിച്ച വാരണാസി ജില്ലാ കോടതിയാണ് കഴിഞ്ഞ ദിവസം ഹിന്ദുക്കള്‍ക്ക് അനുകൂലമായി ഉത്തരവ് പുറപ്പെടുവിച്ചത്.
പതിനെട്ടാം നൂറ്റാണ്ടിലെ ഹിന്ദു ദൈവമായ ശിവന് സമർപ്പിച്ചിരിക്കുന്ന കാശി വിശ്വനാഥ ക്ഷേത്രത്തിനോട് ചേർന്ന് നിൽക്കുന്ന പള്ളി മുഗൾ ഭരണാധികാരി ഔറംഗസേബ് ക്ഷേത്രം തകര്‍ത്താണ് നിര്‍മ്മിച്ചതെന്ന് പല ഹിന്ദുക്കളും അവകാശപ്പെടുന്നു
ബുധനാഴ്ച വാരണാസി കോടതി, സീൽ ചെയ്ത പള്ളിയുടെ നിലവറകളിലൊന്ന് “കാശി വിശ്വനാഥ് ട്രസ്റ്റ് ബോർഡ് പറയുന്ന പരാതിക്കാരനും പുരോഹിതനും” കൈമാറാൻ ഉത്തരവിടുകയും ക്രമീകരണങ്ങൾ ചെയ്യാൻ ജില്ലാ ഭരണകൂടത്തിന് ഒരാഴ്ച സമയം നൽകുകയും ചെയ്തു.
എന്നാൽ, പ്രധാനമന്ത്രി നരേന്ദ്ര മോദിയുടെ ഹിന്ദു ദേശീയവാദിയായ ഭാരതീയ ജനതാ പാർട്ടി ഭരിക്കുന്ന ഉത്തർപ്രദേശിലെ അധികാരികൾ, ഒറ്റരാത്രികൊണ്ട് സൈറ്റിൽ നിന്ന് വേലി അതിവേഗം നീക്കം ചെയ്യുകയും, ഭക്തർക്ക് സമുച്ചയത്തിലേക്ക് പ്രവേശിക്കാൻ അവസരമൊരുക്കുകയും ചെയ്തു.
പ്രാർഥനയ്‌ക്ക് മുമ്പ് ജില്ലാ ഭരണകൂടം ഉന്നത പോലീസ് ഉദ്യോഗസ്ഥരുമായി രണ്ട് മണിക്കൂർ നീണ്ട കൂടിക്കാഴ്ച നടത്തി, ഹിന്ദു വിശ്വാസികൾ പുറത്ത് അണിനിരന്നതിനാൽ പള്ളിയിൽ കനത്ത പോലീസ് സന്നാഹവുമുണ്ടായിരുന്നു.
ഹിന്ദു ഗ്രൂപ്പായ രാഷ്ട്രീയ ഹിന്ദു ദളിലെ അംഗങ്ങൾ പള്ളിക്ക് പുറത്ത് സ്ഥാപിച്ചിരുന്ന ‘മസ്ജിദ്’ എന്ന ഒരു ബോർഡ് നശിപ്പിക്കുകയും അവിടെ ‘മന്ദിര്‍’ എന്ന ബോര്‍ഡ് സ്ഥാപിച്ചു.
പുലർച്ചെ 3 മണിക്ക് പ്രാർത്ഥന ആരംഭിച്ചെങ്കിലും ദിവസം മുഴുവൻ അഞ്ച് തവണ നടത്താനാണ് ഹിന്ദു സമൂഹം നിശ്ചയിച്ചത്.
“പ്രാർത്ഥനകൾ അർപ്പിക്കാൻ കഴിഞ്ഞതിൽ ഞങ്ങൾ വളരെ സന്തുഷ്ടരാണ്. ഞങ്ങൾ എല്ലാ ദിവസവും പ്രാർത്ഥനകൾ അർപ്പിക്കുന്നത് തുടരും. എല്ലാ ദിവസവും രാവിലെയും വൈകുന്നേരവും. സർക്കാർ ഞങ്ങൾക്ക് ഈ സുവർണ്ണാവസരം നൽകിയിട്ടുണ്ട്, ”കാശി വിശ്വനാഥ ക്ഷേത്രത്തിലെ പൂജാരി മാധവ് ദത്ത് പറഞ്ഞു.
1993 വരെ എല്ലാ ദിവസവും പള്ളിയുടെ പുറം ഭിത്തിയിൽ കൊത്തിയ ദേവതകളെ ആരാധിക്കാൻ ഹിന്ദുക്കൾക്ക് അനുവാദമുണ്ടായിരുന്നു എന്നു പറയുന്നു. എന്നാൽ, 1992 ൽ ഹിന്ദു ദേശീയവാദികൾ മറ്റൊരു മുഗൾ കാലഘട്ടത്തിലെ മസ്ജിദായ ബാബറി മസ്ജിദ് തകർത്തതിനുശേഷം അത്തരം ആചാരങ്ങൾ വർഷത്തിലൊരിക്കൽ മാത്രമായി പരിമിതപ്പെടുത്തി. നാല് നിലവറകളും അശാന്തി ഭയന്ന് സീൽ ചെയ്തു.
വ്യാസ് കുടുംബത്തിൻ്റെ കൈവശമുണ്ടായിരുന്ന, പുരോഹിതരുടെ കുടുംബമായ വ്യാസ് കാ തെഹ്ഖാന എന്ന് വിളിക്കപ്പെടുന്ന നിലവറയിൽ മതപരമായ ചടങ്ങുകൾ നടത്തിയിരുന്നു എന്ന് അവകാശപ്പെട്ടു. “നിലവറയിൽ വിഗ്രഹങ്ങളും താമര ചിഹ്നങ്ങളും ഉണ്ട്. എൻ്റെ കുടുംബം അവിടെ പ്രാർത്ഥന നടത്താറുണ്ടായിരുന്നു. ഇപ്പോൾ അത് വീണ്ടും തുറന്നതിൽ ഞങ്ങൾക്ക് അതിയായ സന്തോഷമുണ്ട്,” കുടുംബത്തിലെ അംഗമായ ജിതേന്ദ്ര നാഥ് വ്യാസ് പറഞ്ഞു.
മസ്ജിദ് കൈകാര്യം ചെയ്യുന്ന അഞ്ജുമാൻ ഇൻ്റസാമിയ മസ്ജിദ് കമ്മിറ്റി അത്തരം അവകാശവാദങ്ങൾ നിരസിക്കുകയും ജില്ലാ കോടതിയുടെ ഉത്തരവിനെ വ്യാഴാഴ്ച സുപ്രീം കോടതിയിൽ ചോദ്യം ചെയ്യാൻ ശ്രമിക്കുകയും ചെയ്തു. എന്നാല്‍, പ്രാദേശിക ഹൈക്കോടതിയിൽ അപ്പീൽ നൽകാൻ സുപ്രീം കോടതി ഇവരോട് ആവശ്യപ്പെട്ടു.
“നിലവറയിൽ ഒരു വിഗ്രഹവും ഉണ്ടായിരുന്നില്ല. വ്യാസകുടുംബത്തിലെ അംഗങ്ങൾക്ക് നിലവറ ഉണ്ടായിരുന്നു എന്ന് പറയുന്നത് തെറ്റാണ്. ബേസ്‌മെൻ്റ് അഞ്ജുമാൻ ഇൻ്റസാമിയ മസ്ജിദ് കമ്മിറ്റിയുടെ കൈവശമാണ്,” കമ്മിറ്റിയുടെ അഭിഭാഷകൻ അഖ്‌ലാഖ് അഹ്മദ് പറഞ്ഞു.
തീരുമാനത്തിനെതിരെ ഞങ്ങൾ അലഹബാദ് ഹൈക്കോടതിയെ സമീപിക്കും. 1993 ന് മുമ്പ് പ്രാർത്ഥനകൾ നടന്നിരുന്നതിന് ഹിന്ദു പക്ഷം ഒരു തെളിവും നൽകിയിട്ടില്ലെന്നും അദ്ദേഹം പറഞ്ഞു.
ജ്ഞാനവാപി മസ്ജിദ് ഒരു ഹൈന്ദവ ക്ഷേത്രത്തിൻ്റെ മുൻവശത്ത് നിർമ്മിച്ചതാണോ എന്ന് നിർണ്ണയിക്കാൻ ആർക്കിയോളജിക്കൽ സർവേ ഓഫ് ഇന്ത്യയോട് ആവശ്യപ്പെട്ട സർവേ റിപ്പോർട്ട് ലഭിച്ച് ഒരാഴ്ചയ്ക്ക് ശേഷമാണ് ജില്ലാ കോടതിയുടെ ഉത്തരവ്.
എഎസ്ഐയുടെ 839 പേജുള്ള റിപ്പോർട്ടിൽ മസ്ജിദ് ഒരു ഹിന്ദു ക്ഷേത്രത്തിന് മുകളിൽ പണിതതാണെന്നതിന് തെളിവ് ലഭിച്ചതായി റിപ്പോർട്ടുണ്ട്.
ഈ കേസിലെ ഏറ്റവും പുതിയ സംഭവവികാസം, തകർത്ത ക്ഷേത്രങ്ങളുടെ സ്ഥലത്ത് നിർമ്മിച്ചതായി ആരോപിക്കപ്പെടുന്ന മുസ്ലീം പള്ളികള്‍ക്കു മേല്‍ വർദ്ധിച്ചുവരുന്ന ഹിന്ദു അവകാശവാദങ്ങളെക്കുറിച്ച് മുസ്ലീങ്ങൾക്കിടയിൽ ഉത്കണ്ഠ വര്‍ദ്ധിച്ചിട്ടുണ്ട്.
കഴിഞ്ഞ മാസമാണ് അയോദ്ധ്യയിൽ തകർക്കപ്പെട്ട ബാബ്റി മസ്ജിദിന്റെ സ്ഥാനത്ത് ശ്രീരാമന് സമർപ്പിച്ചിരിക്കുന്ന ക്ഷേത്രം മോദി ഉദ്ഘാടനം ചെയ്തത്. അതും തെറ്റായ രീതിയില്‍ കൈക്കലാക്കിയതാണ്.
വാരണാസി കോടതിയുടെ വിധി ആരാധനാലയ നിയമത്തിൻ്റെ ലംഘനമാണെന്ന് ഓൾ ഇന്ത്യ മജ്‌ലിസ്-ഇ-ഇത്തേഹാദുൽ മുസ്ലിമീൻ എംപി അസദുദ്ദീൻ ഒവൈസി പറഞ്ഞു.
1947-ൽ ബ്രിട്ടീഷ് ഭരണത്തിൽ നിന്ന് ഇന്ത്യ സ്വാതന്ത്ര്യം നേടിയപ്പോൾ, എല്ലാ ആരാധനാലയങ്ങളുടെയും സ്വഭാവം അതേപടി നിലനിറുത്താൻ 1991-ൽ നിയമം പാസാക്കിയിരുന്നു.
അതേസമയം, പള്ളിക്കകത്ത് പ്രാർത്ഥിക്കാൻ അനുവദിക്കണമെന്ന് മാത്രമാണ് ഹർജിക്കാർ ആവശ്യപ്പെട്ടതെന്നതിനാൽ ജ്ഞാനവാപി കേസ് നിലനിൽക്കുമെന്ന് വാരണാസി കോടതി വിധിച്ചു.
