ന്യൂയോർക്ക്, ന്യൂയോർക്ക് :ഫെബ്രുവരി 12 ന് യുഎസ്എഐഡി ബ്യൂറോ ഫോർ ഹ്യൂമാനിറ്റേറിയൻ അസിസ്റ്റൻസിൻ്റെ അഡ്മിനിസ്ട്രേറ്ററുടെ സഹായിയായി സൊണാലി കോർഡെ സത്യപ്രതിജ്ഞ ചെയ്തു.
അന്താരാഷ്‌ട്ര ദുരന്ത പ്രതികരണത്തിനുള്ള യുഎസ് ഗവൺമെൻ്റിൻ്റെ നേതൃത്വം എന്ന നിലയിൽ ബ്യൂറോ ഫോർ ഹ്യൂമാനിറ്റേറിയൻ അസിസ്റ്റൻസി ആഗോള അപകടങ്ങളെയും മാനുഷിക ആവശ്യങ്ങളെയും നിരീക്ഷിക്കുകയും ലഘൂകരിക്കുകയും പ്രതികരിക്കുകയും ചെയ്യുന്നു.
ഗാസയിലെ മാനുഷിക പ്രതിസന്ധിയെ അഭിമുഖീകരിക്കാനുള്ള രാജ്യത്തിൻ്റെ നയതന്ത്ര ശ്രമങ്ങൾക്ക് നേതൃത്വം നൽകുന്ന മിഡിൽ ഈസ്റ്റ് മാനുഷിക പ്രശ്‌നങ്ങൾക്കായുള്ള യുഎസ് പ്രത്യേക ദൂതനായി സൊണാലി അടുത്തിടെ സേവനമനുഷ്ഠിച്ചിരുന്നു.
സത്യപ്രതിജ്ഞാ ചടങ്ങിൽ സൊണാലിയുടെ ഇന്ത്യൻ കുടിയേറ്റ രക്ഷിതാക്കൾ പങ്കെടുത്തിരുന്നു
2004 മുതൽ യുഎസ്എഐഡിയിൽ വിവിധ റോളുകളിൽ ജോലി ചെയ്തിട്ടുള്ള അവർക്ക് നിയമനിർമ്മാണ കാര്യങ്ങൾ, ദേശീയ സുരക്ഷാ നയം, പകർച്ചവ്യാധികൾ, അടിയന്തര മാനുഷിക പ്രതികരണം, ആഗോള ആരോഗ്യം എന്നിവയിൽ ഒരു പശ്ചാത്തലമുണ്ട്.
2019-2020 മുതൽ, കിഴക്കൻ കോംഗോയിലെ എബോള പ്രതികരണത്തിൽ സീനിയർ പോളിസി അഡൈ്വസറായും കോവിഡ് -19 പ്രതികരണത്തെക്കുറിച്ചുള്ള കോർഡിനേഷൻ ഡെപ്യൂട്ടി ഡയറക്ടറായും സൊനാലി സേവനമനുഷ്ഠിച്ചു.
യേൽ യൂണിവേഴ്‌സിറ്റിയിൽ നിന്ന് ഇൻ്റർനാഷണൽ റിലേഷൻസിൽ എംഎയും ന്യൂയോർക്ക് യൂണിവേഴ്‌സിറ്റിയിൽ നിന്ന് ഇക്കണോമിക്‌സിൽ ബിഎസും കോർഡെ നേടിയിട്ടുണ്ട്.
