മുംബൈ: പൊടിക്കാറ്റിൻ്റെ അകമ്പടിയോടെ പെയ്ത കനത്ത മഴയെ തുടർന്ന് മുംബൈ വിമാനത്താവളത്തിലെ വിമാന സർവീസുകൾ ഒരു മണിക്കൂറോളം നിർത്തിവെക്കുകയും ലോക്കൽ ട്രെയിനുകൾ വൈകുകയും ചെയ്തു. 15 വിമാനങ്ങൾ വിവിധ വിമാനത്താവളങ്ങളിലേക്ക് വഴിതിരിച്ചുവിട്ടതായും റൺവേകളുടെ പ്രവർത്തനം വൈകിട്ട് 5.03ന് പുനരാരംഭിച്ചതായും എയർപോർട്ട് അധികൃതര്‍ അറിയിച്ചു.
നഗരത്തിലെ മോശം കാലാവസ്ഥയും പൊടിക്കാറ്റും കാരണം, ഛത്രപതി ശിവാജി മഹാരാജ് അന്താരാഷ്ട്ര വിമാനത്താവളം (സിഎസ്എംഐഎ) 66 മിനിറ്റോളം വിമാന പ്രവർത്തനങ്ങൾ താത്കാലികമായി നിർത്തിവച്ചതായി ഒരു പ്രസ്താവനയിൽ പറഞ്ഞു.
പ്രവർത്തനം പുനരാരംഭിക്കുന്നതുവരെ വിമാനത്താവളം 15 വഴിതിരിച്ചുവിടലുകൾക്ക് സാക്ഷ്യം വഹിച്ചതായി പ്രസ്താവനയിൽ പറയുന്നു. സുരക്ഷിതവും സുഗമവുമായ വിമാന പ്രവർത്തനങ്ങൾ ഉറപ്പാക്കാൻ കഴിഞ്ഞയാഴ്ചയാണ് മൺസൂണിന് മുമ്പുള്ള റൺവേ അറ്റകുറ്റപ്പണികൾ വിമാനത്താവളം പൂർത്തിയാക്കിയത്. മഴ മുംബൈയിലെയും സമീപ പ്രദേശങ്ങളിലെയും നിവാസികൾക്ക് ചൂടിൽ നിന്ന് ആശ്വാസം നൽകിയപ്പോൾ, കൊടുങ്കാറ്റിൽ പെട്ടെന്നുള്ള കാലാവസ്ഥാ വ്യതിയാനം ഗതാഗതം സ്തംഭിപ്പിച്ചു.
ഘാട്‌കോപ്പർ ഏരിയയിലെ ചെദ്ദാനഗർ ജംഗ്ഷനിലെ പെട്രോൾ പമ്പിൽ 100 അടി ഉയരമുള്ള പരസ്യബോർഡ് തകര്‍ന്നു വീണു. 35 പേര്‍ക്ക് പരിക്കേറ്റു. പരിക്കേറ്റവരെ സിവിക് ബോഡി നടത്തുന്ന രാജവാഡി ആശുപത്രിയിൽ പ്രവേശിപ്പിച്ചതായി ബിഎംസി ഉദ്യോഗസ്ഥൻ പറഞ്ഞു.
मुंबई में अचानक बदला मौसम : दोपहर 3 बजे कई इलाकों में अंधेरा छाया; घाटकोपर में बिलबोर्ड गिरने से 35 जख्मी#MumbaiWeather#MumbaiRain #Mumbai #blockout2024 #Sismo #Elections2024 pic.twitter.com/jZxhogzojf
— khabarkhabaronki (@khabarkhabaron2) May 13, 2024
