മണ്ണാർക്കാട്: ഇന്ത്യൻ നാഷണൽ ലീഗ് സ്ഥാപക നേതാവ് ഇബ്രാഹിം സുലൈമാൻ സേട്ട് സാഹിബ്ന്റെ അനുസ്മരണവും മണ്ണാർക്കാട്ടെ വിവിധ മേഖലകളിൽ മാതൃക തീർത്തവരെ ആദരിക്കലും എസ്എസ്എൽസി, പ്ലസ് ടൂ ഉന്നത വിജയികൾക്കുള്ള അനുമോദനവും നടത്തി ഐ എൻ എൽ മണ്ണാർക്കാട് മണ്ഡലം കമ്മിറ്റി.
മണ്ണാർക്കാട് എമറാൾഡ് ഹാളിൽ നടന്ന പരിപാടി മുൻ തുറമുഖ വകുപ്പ് മന്ത്രിയും ഐ എൻ എൽ സംസ്ഥാന പ്രസിഡന്റ് മായ അഹമ്മദ് ദേവർകോവിൽ എംഎൽഎ ഉദ്ഘാടനം ചെയ്തു.
മെഹബൂബെ മില്ലത്ത് ഇബ്രാഹിം സുലൈമാൻ സേട്ട് സാഹിബ് ഇന്ത്യൻ രാഷ്ട്രീയത്തിലും രാജ്യത്തിന്റെ പാർലമെന്റ്ലും നിലപാടുകൾ കൊണ്ട് ചരിത്രം തീർത്ത വലിയ നേതാവായിരുന്നുവെന്നും വിദ്യാർത്ഥികൾക്കും പൊതു രാഷ്ട്രീയ പ്രവർത്തകർക്കും അദ്ദേഹത്തിൽ ഏറെ മാതൃക ഉണ്ടെന്നും അഹമ്മദ് ദേവർകോവിൽ സൂചിപ്പിച്ചു.
മണ്ഡലം പ്രസിഡന്റ് അബ്ദു മാഷ് അധ്യക്ഷത വഹിച്ചു. പ്രോഗ്രാം കൺവീനറും ജില്ലാ സെക്രട്ടറിയുമായ കെ.വി.അമീർ ആമുഖ പ്രഭാഷണം നിർവഹിച്ചു.
അനുസ്മരണ പരിപാടിയിൽ ഐഎൻഎൽ സംസ്ഥാന സെക്രട്ടറി അഷ്‌റഫലി വല്ലപ്പുഴ, പി.ആർ സുരേഷ് (കോണ്ഗ്രസ്), സദകത്തുള്ള പടലത്ത് (എൻസിപി), സുലൈമാൻ ഫൈസി (സമസ്ത) എന്നിവർ സംസാരിച്ചു.
പരിപാടിയിൽ ഡോ. കെ.പി ശിവദാസൻ, ഡോ. ആസ്യ നാസർ, കെ.വി.എ റഹ്മാൻ, അജിത്ത് പാലാട്ട്, വഹീദ് മാസ്റ്റർ, ഹസൈനാർ മുസ്ലിയാർ എന്നിവർ അഹമ്മദ് ദേവർകോവിൽ എംഎൽഎയിൽ നിന്ന് ആദരവ് ഏറ്റു വാങ്ങി.
ജില്ലാ ഭാരവാഹികളായ പി.വി.ബഷീർ, റസാഖ് മാനു, അബ്ദു റഫീഖ്,മുസ്തഫ പുതുനഗരം, ബഷീർ പുളിക്കൽ എന്നിവരുടെ നേതൃത്വത്തിൽ എസ്.എസ് എൽ സി, പ്ലസ് ടൂ വിജയികൾക്ക് മൊമെന്റോ നൽകി അനുമോദിച്ചു.
പരിപാടിക്ക് സ്വാഗതം മണ്ഡലം സെക്രട്ടറി ഉമ്മർ വി.ടി യും നന്ദി മണ്ഡലം ട്രഷറർ ഉമർ കുട്ടിയും നിർവ്വഹിച്ചു.
