മക്ക: ഹജ്ജ് തീർഥാടനത്തിൽ പങ്കെടുത്ത ഡസൻ കണക്കിന് ടുണീഷ്യന്‍ തീര്‍ത്ഥാടകര്‍ മരിച്ചതുമായി ബന്ധപ്പെട്ട് വ്യാപക വിമർശനം നേരിട്ടതിനെത്തുടര്‍ന്ന് മതകാര്യ മന്ത്രി ബ്രഹീം ചൈബിയെ ടുണീഷ്യൻ പ്രസിഡൻ്റ് കൈസ് സെയ്ദ് പുറത്താക്കിയതായി പ്രസിഡൻസി വെള്ളിയാഴ്ച അറിയിച്ചു.
കഴിഞ്ഞ ഒരാഴ്ചയ്ക്കിടെ സൗദി അറേബ്യയിൽ കനത്ത ചൂടിൽ 49 ടുണീഷ്യക്കാരാണ് മരിച്ചത്. കാണാതായ നിരവധി പേർക്കായി ടുണീഷ്യൻ കുടുംബങ്ങൾ തിരച്ചിൽ തുടരുകയാണ്.
530 ഈജിപ്തുകാരെങ്കിലും മരിക്കുകയും 31 പേരെ കാണാതാവുകയും ചെയ്തതായി മെഡിക്കൽ, സുരക്ഷാ വൃത്തങ്ങൾ അറിയിച്ചതിനെത്തുടർന്ന്, കഠിനമായ ചൂടിൽ മക്കയിലേക്കുള്ള വാർഷിക മുസ്ലീം തീർത്ഥാടനത്തിൽ പങ്കെടുത്ത ഈജിപ്തുകാരുടെ മരണത്തെക്കുറിച്ച് അന്വേഷിക്കാൻ നേരത്തെ ഈജിപ്ത് ഒരു ക്രൈസിസ് യൂണിറ്റ് രൂപീകരിച്ചിരുന്നു.
കഴിഞ്ഞ ദിവസങ്ങളിൽ സൗദി അറേബ്യൻ നഗരത്തിൽ ഹജ്ജ് തീർഥാടനത്തിനിടെ വിവിധ രാജ്യങ്ങളിൽ നിന്നുള്ള നൂറുകണക്കിന് തീര്‍ത്ഥാടകരാണ് മരണപ്പെട്ടത്. ഇവിടെ താപനില ചില സമയങ്ങളിൽ 51 ഡിഗ്രി സെൽഷ്യസ് (124 ഫാരൻഹീറ്റ്) കവിഞ്ഞിരുന്നു.
കഴിഞ്ഞ വെള്ളിയാഴ്ച ആരംഭിച്ച ഈ വർഷത്തെ ഹജ്ജ് കര്‍മ്മ പരിപാടിയിൽ ഏകദേശം 2 മില്യൺ തീർത്ഥാടകർ എത്തിയിട്ടുണ്ടാകുമെന്നാണ് പ്രതീക്ഷിക്കുന്നത്.
ഹജ്ജ് യാത്രയ്ക്കിടെ ചൂട് മൂലമുള്ള മരണങ്ങൾ പുതിയ കാര്യമല്ലെങ്കിലും താപനില ഉയരുന്നത് സംഭവത്തിന് ഭീഷണി ഉയർത്തുന്നതായി കാലാവസ്ഥാ ശാസ്ത്രജ്ഞർ പറഞ്ഞു.
കാലാവസ്ഥാ ശാസ്ത്രജ്ഞർ പറയുന്നത്, ചൂട് മൂലമുള്ള ഹജ്ജ് മരണങ്ങൾ പുതിയതല്ലെങ്കിലും, 1400-കളിൽ ഈ താപനില രേഖപ്പെടുത്തിയിട്ടുണ്ടെന്നും അവര്‍ പറഞ്ഞു.
